Oliy liga-2017ning uchdan bir qismi ortda qoldi. 10ta tur taassurotlariga tayanib aytsak, aftidan, «Lokomotiv» yana chempion bo‘ladigan ko‘rinadi. Hozirdan shunday fikr yuritishimiz sababi shuki, g‘oliblikka da’vogar sifatida tilga olingan klublardan birgina «Loko» dadilroq o‘ynab, ishonch bilan karvonboshilik qilmoqda. Qolaversa, o‘tgan hafta kuchli uchlikda borayotgan jamoalar ichida ham faqat amaldagi chempiongina 3 ochko oldi. Umuman, 10-tur doirasidagi 8ta o‘yindan 3tasida durang qayd etildi va 5tasi mezbonlar foydasiga hal bo‘ldi. Aytgancha, avvalgi turda ham mehmonda o‘ynagan klublardan hech biriga ortga 3 ochko bilan qaytish nasib etmagandi.
KUCHLAR TENG...
Tafsiloti avvalgi sahifada alohida yoritilgan «Navbahor» - «Qo‘qon-1912» o‘yini bir necha jihatlarga ko‘ra, prinsipial ahamiyat kasb etdi: «vodiy derbisi», «anshlag», turnir jadvali holati va hokazo. Qo‘qonliklarning so‘nggi daqiqada penaltidan hisobni tenglashtirishganini inobatga olsak, o‘yinning qay darajada dramatik tus olganini tasavvur qilish qiyin emas.
Shuningdek, «Dinamo» va «Nasaf» o‘rtasidagi uchrashuvda ham yuqori «harorat» sezilib turdi. To‘g‘ri, qarshiliklar ko‘proq hujum uyushtirishdi, ammo yakunda Samarqanddan 1 ochko bilan qaytishlariga to‘g‘ri keldi. Oddiy aytganda, Oleg Tyulkinning shijoatli jamoasi hamon startdagi inersiyasini yo‘qotgani yo‘q. Ha. samarqandliklar 4ta o‘yindan buyon g‘alaba qozonishmayapti, ammo «Nasaf»dek raqibdan olingan 1 ochko ham debyutant uchun qimmatli sanalsa kerak.
«Mash’al» - Olmaliq» o‘yini natijasi ham, ko‘rsatilgan futbol sifati ham har ikki jamoa murabbiyini birdek qoniqtirmadi. Axir hisob ochilmagach, xavfli vaziyatlar kam kuzatilgach, boshqacha bo‘lmaydi-da. Boz ustiga, Aleksandr Xomyakov shogirdlari penaltini ham ko‘kka sovurishdi.
CHEMPIONLIK SARI
«Qizilqum» etakchilarga yetarli qarshilik ko‘rsatadigan jamoalar sirasiga kiradi. Masalan, navoiyliklar joriy mavsum Toshkentda «Bunyodkor»ni mag‘lubiyatga uchratishdan tashqari, «Nasaf»dan ochko tortib olishdi. Ammo «Lokomotiv»ga kelganda, jamoaning toqati bir bo‘limga yetdi, xolos. Chunonchi, «temiryo‘lchilar» tanaffusdan keyin birin-ketin 2ta gol urib, 3 ochkoni o‘z tomonlariga og‘dirishdi. «Loko»ga 67-daqiqada belgilangan penalti ham yordam berdi, albatta. Ya’ni Marat Bikmayev 11 metrlik belgidan aniq zarba yo‘llash asnosida golli seriyasini 5ta o‘yinga yetkazgach, Jaloliddin Masharipov ishni oxiriga yetkazib qo‘ya qoldi. Eh, 56-daqiqada Ilhom Yunusov ham penaltidan foydalanganidami, «Qizilqum» balki bu safar ham «sensasiya» ko‘rsatarmidi...?
O‘ZIGA KELAYOTGAN «PAXTAKOR»
DAVOMI
Paxtakor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
