Bugun “Navbahor” O‘zbekiston kubogi 1/8 final bosqichi javob uchrashuvi doirasida Farg‘onaning “Neftchi” jamoasiga qarshi maydonga tushdi.
Garchi o‘yin “lochinlar”ning g‘alabasi bilan yakunlangan bo‘lsa ham, ikki o‘yin natijasiga ko‘ra chorakfinalga farg‘onaliklar yo‘l olishdi.
O‘yin to‘liq mezbonlar ustunligida o‘tdi. O‘yin boshidan mezbonlar raqib darvozasi oldida bosimni kuchaytirishdi.
16- daqiqaga kelib uchrashuvda hisob ochildi. A’zam Aliyevning jarima maydoni tashqarisidan tepgan to‘pini Hamza Karimov o‘z darvozasiga to‘g‘irlab qo‘ydi - 1:0.
Ammo, “navbahorchilar”ning xursandchiligi uzoqqa cho‘zilmadi. Oradan 10 daqiqa o‘tgach Sherzod Hakimov chiroyli tarzda Ortiqov qo‘riqlagan darvozani ishg‘ol qildi - 1:1.
Bu gol mezbonlarni tushkunlikka solmadi. Qator tashkil qilingan hujumlar “Neftchi” himoyachilarini xato qilishga majbur qildi. Oybek Qilichevni Xusniddin G‘ofurov o‘z jarima maydoni ichida qo‘pollik bilan to‘xtatdi. Natijada bosh hakam penalti belgiladi. 11 metrli jarima zarbasini Nemanya Yovanovich aniq amalga oshirib, hisobni 2:1 ko‘rinishiga keltirdi.
Tanaffusgacha mehmonlar yana hisobni tenglashtirish imkoniga ega bo‘lishgandi. Lekin Akmal Ortiqov jamoasini muqarrar goldan saqlab qoldi.
Keyingi bosqichga yo‘l olish uchun “Navbahor” ikki to‘p farqi bilan g‘alaba qozonishi talab etilardi. Shu bois uchrashuvning ikkinchi yarmida ham mezbonlar ustunlik qilishdi. Azam Aliyev, Nemanya Yovanovich, Oybek Qilichev, Darko Stanoyevich va Dilshod Jabborov kerakli golni urishga yaqin edi, biroq barcha vaziyatlarda omad ulardan yuz o‘girdi.
Hisobni o‘zgartirish ikkala jamoaning ham qo‘lidan kelmadi. Shu tariqa ikki o‘yin natijasiga ko‘ra “Neftchi” chorak finalga yo‘l oldi.
O‘zbekiston kubogi, 1/8 final. Javob o‘yini
31 may. Namangan. “Markaziy” o‘yingoh. Tomoshabin.
“Navbahor” – “Neftchi” – 2:1 (2:1)
Gollar: H. Karimov (16), N. Yovanovich (34, pen.) - SH. Hakimov (26).
Hakamlar: B. Namozov, A. Sidorov, D. Saylavov, SH. Nasibullayev.
Nazoratchi – A. Popov.
«Navbahor»: 1. Akmal Ortiqov, 4. Abbos Otaxonov (20. Alisher Mirzayev, 57), 7. Oybek Qilichev, 9. Dilshod Jabborov, 17. Ilhom Boydedayev (10. Mansur Saidov, 78), 19. Mirzohid G‘ofurov (33. Tohir Shamshitdinov, 46), 21. A’zam Aliyev, 32. Jahongir Mehmonov, 44. Darko Stanoyevich, 77. Azizbek Turg‘unboyev, 84. Nemanya Yovanovich.
«Neftchi»: 16. Abdumavlon Abdujalilov, 5. Hamza Karimov, 7. Akram Bahriddinov (18. Javohir Rasulov, 76), 9. Sherzod Hakimov (27. Nikita Pavlenko, 68), 10. Mo‘ydin Mamazulumov (6. Baxtiyor Yoqubov, 90+2), 11. Abbos Maxsitaliyev, 15. Xusniddin G‘ofurov, 17. Muzaffar Muzaffarov, 20. Dilyorbek Ermatov, 21. Muhsin Ubaydullayev, 23. Abdurahmon Abdulhaqov.
Ogohlantirishlar: M. Mamazulumov (80), A. Maxstaliyev (81).
Dastlabki o‘yin: 0:1
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
