Biznes-konsalting kompaniyalari xalqaro tarmog‘i - KPMG an’anaviy izlanish-tahlillari natijasini e’lon qildi. Aniqroq aytsak, Yevropadagi yetakchi futbol klublari narxi asosida tuzilgan reytingni. Bu safargi tahlilda 2017 yilning 1 yanvar holatigacha bo‘lgan ma’lumotlar inobatga olingan. Demakki, klublarning oxirgi mavsumdagi yutuqlariga e’tibor qaratilmagan.
Klub narxi «moliyaviy multiplikator daromad» usuli asosida chiqarilgan. Bunda tashkilot bahosi mahsulotlar sotuvi yoki xizmat ko‘rsatishdan tushadigan daromadga qarab belgilanadi. Ro‘yxatga «ko‘hna qit’a»ning eng qimmatbaho 32ta klubi kiritilgan. Ularning umumiy narxi 29,9 milliard yevroga teng. Bu summa bir yil avvalgi ko‘rsatkichga nisbatan 14 foiz ko‘pdir. Shunday ekan, futbol bozorida sezilarli o‘sish qayd etilgan.
Reytingni «Manchester Yunayted» boshqarib boryapti. Aytish joiz, u narx masalasida 3 milliard yevrolik dovondan oshgan birinchi klub bo‘ldi. Yevropa Chempionlar Ligasi-2016|2017 finalida o‘ynagan «Real» (2,9 milliard yevro) va «Yuventus» (1,2 milliard yevro) tegishlicha 2-3-qatorlardan joy oldi.
Diqqatni tortadigan tomoni, eng qimmatbaholar reytingining yuqori o‘ntaligida Angliyadan naq 6ta jamoa bor. Chunonchi, «Tottenxem» Fransiyaning yagona vakili - «PSJ»ni top-10dan chiqarib yubordi. Shuning barobarida yana bir qiziqarli o‘zgarish shuki, «Manchester Siti» reytingda «Arsenal»dan o‘zib ketdi.
Avvalgi mavsum Angliya premyer-ligasida katta shov-shuv ko‘tarib, chempionlikka erishgan «Lester» esa nafaqat 32ta eng qimmatbaho jamoa orasiga qo‘shildi, balki darhol 16-o‘ringa ko‘tarildi. Shuningdek, «Atletik» (Ispaniya) va «Beshiktosh» (Turkiya) klublari ham ilk marta elit reytingga kirdi.
32ta mega-klub faqat Yevropaning kuchli 5ta ligasi (Angliya, Germaniya, Ispaniya, Italiya va Fransiya)dangina tanlab olinmagan. Chunonchi, «Beshiktosh»dan tashqari, «Galatasaroy», «Fenerbaxche» (Turkiya), «Benfika» (Portugaliya), «Ayaks» va PSV (Gollandiya) jamoalari ham narxi balandlar orasiga suquldi.
Ha, reytingda Angliya klublari chinakamiga yetakchi maqomida. Ammo faqat Ispaniyada bahosi 2 milliard yevrodan baland 2ta jamoa bor - «Real» va «Barselona». Qolaversa, «Atletiko»ning narxi birdaniga 34 foiz oshdi. «Sevilya» bahosiga bog‘liq o‘sish bundan ham baland - 44 foiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
