«Rostov» hujumchisi Kristian Noboa faoliyatini «Zenit»da davom ettiradigan bo‘ldi. Tan olish lozim, bu transfer ko‘pchilik uchun kutilmagan voqeaga aylandi. Kelishuv amalga oshganidan so‘ng Championat.som sayti futbolchi bilan suhbatlashdi.
— Kristian, «Zenit»ga o‘tishingiz kutilmagan bo‘ldi.
— Bu transferdan xursandman. Shunday jamoadan taklif olish men uchun sharaf. «Zenit» tarkibida katta sovrinlarni qo‘lga kiritishni xohlayman va buning uchun qo‘limdan kelganini qilaman.
— Umuman olganda, qishdayoq «Zenit»ga o‘tishingiz haqida gap-so‘zlar tarqagandi. O‘shanda klub bilan muzokara olib borganmisiz?
— Yo‘q. Rostovdagi shartnomam shu yozda nihoyasiga yetdi va darhol «Zenit» bilan kelishib oldik. Endilikda Sankt-Peterburg jamoasi a’zosiman va bundan baxtiyorman.
— «Zenit»ning yangi ustozi Roberto Manchini bilan gaplashdingizmi?
— Ha, albatta. Axir bosh murabbiysiz muzokara o‘tkazishning iloji yo‘q-ku. Manchinining fikri muhim ahamiyat kasb etdi. Men uchun u bilan ishlash qiziqarli bo‘ladi va yangi jamoa qurilishida o‘z hissamni qo‘shmoqchiman.
— «Rostov»da Qurbon Berdiyev qo‘l ostida to‘p surgansiz. Bu haqda nima deya olasiz?
— Mavsum ajoyib tarzda o‘tdi - Chempionlar Ligasi, Yevropa Ligasi. O‘tgan yili kumush medallarni qo‘lga kiritgandik. Men hamisha murabbiyimga rahmat aytaman.
— Berdiyev ketsa «Rostov»da qolmasligingizni aytgandingiz. «Rubin»da u bilan birga ishlashingiz kutilgandi. «Zenit»ga o‘tish bo‘yicha Qurbon Bekiyevichdan maslahat oldingizmi?
— Mazkur mavzuda gaplashmadik. Berdiyev hozircha hech qaysi jamoani qo‘lga olmadi. Shu bois ham bu haqda so‘z ochishga hojat yo‘q. Rasman «Zenit» futbolchisiman. Muhimi shu.
— Aftidan, futboldagi ikkinchi yoshligingizni o‘tkazyapsiz.
— Mavsum haqiqatan ham super tarzda kechdi. Bundan yaxshisini kutmagandim. Ammo chempionatni oltinchi o‘rinda yakunlaganimiz - minus. Shunga qaramay, YECHL va YELda o‘ynadik. Jamoa bahorga kelib charchab qoldi. Butun mavsum davomida yuqori saviyali o‘yin ko‘rsata olmadik.
— Bu Chempionlar Ligasi faoliyatingizdagi eng yorqini bo‘ldimi?
— Ha, chindan unutilmas lahzalar. Bu darajadagi futbolchilarga qarshi o‘ynash bayramga tengdir. Ushbu turnirda yana ishtirok etganimdan xursandman. «Bavariya»ni Rostovda mag‘lub etdik. «Zenit» bilan ham shunday natijalarni qayd etmoqchiman, ya’ni kuchli klublarni mag‘lub etishni xohlayman.
— «Rostov» bilan do‘stona xayrlashdingizmi? Har holda klub qiyin vaziyatda edi.
— Bu jamoa men uchun ko‘p narsa berdi, ajoyib damlarni o‘tkazdim. Har bir futbolchiga shunday faoliyat yuritishini tilardim. Jamoada barcha ahil edi. Endi esa yangi chaqiruv vaqti keldi.
— Sankt-Peterburgga borishga tayyormisiz, chemodanlarni yig‘ishtirdingizmi?
— Ha, axir boshqa ilojim ham yo‘q-ku (kuladi). Umid qilamanki, o‘z o‘yinlarim bilan piterlik muxlislar qalbidan joy olaman.
Mash’al
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
