Angliya termasi o‘z tarixida ilk bor yoshlar o‘rtasidagi jahon birinchiligida muvaffaqiyatga erishdi. Jamoa yangi ming yillikda mazkur turnirda to‘rt bor ishtirok etib, 13ta uchrashuvning birortasida g‘alaba qozonmagandi.
Terma muvaffaqiyati ko‘pchilik uchun kutilmagandek tuyulishi mumkin, ammo inglizlarning yangi avlodini kuzatib borayotganlar uchun emas.
O‘tgan yili aynan shu mamlakat termasi 19 yoshgacha bo‘lgan futbolchilar orasida Yevropa chempionati yarim finaligacha yetib borgandi.
Albatta, yosh iqtidor sohiblarining hammasi ham bosh jamoa tarkibidan o‘rin olmasligi aniq, biroq ular orasida 5 nafar iqtidorlilar borki, aynan ular kelgusi mavsumning o‘zida premyer-ligada barchaning e’tiborida bo‘lsalar, ajabmas.
Freddi Vudman («Nyukasl»)
Kuchli darvozabonga ega bo‘lmagan kamdan-kam jamoa jahon chempioni bo‘lishi mumkin. Freddi Vudman — buning yana bir yorqin misoli. Aynan uning xizmatlari evaziga ushbu yurt vakillari g‘olib bo‘lishdi. Turnir davomida Vudman ajoyib o‘yin ko‘rsatgan holda, birorta ham golga olib kelgan xatoga yo‘l qo‘ymadi.
«Nyukasl» darvozaboni meksikaliklar yo‘liga g‘ov bo‘ldi - aynan ular chorak final yo‘lida inglizlar darvozasi oldida bir nechta golga tortadigan vaziyatlarni yaratishgandi. Freddi asosiy qahramonligini finalda ko‘rsatdi - venesuelalik Adalberto Penyarandaning penaltidan tepgan to‘pini qaytardi.
Albatta, omad ham posbonga yo‘ldosh bo‘ldi, biroq bunga qadar Vudman jamoasini qutqarishga ulgurgandi. Ingliz muxlislari Vudman birinchi terma darvozasini Jo Xartdan yomon qo‘riqlamasdi, deb hazil qilishadi, ammo yosh posbonda hozircha premyer-liga doirasida o‘tkazilgan birorta ham bahs yo‘q. O‘tgan yili «Nyukasl» iqtidorli futbolchini «Kilmarnok»ga ijaraga berdi va Freddi Shotlandiyada jami14ta uchrashuv o‘tkazdi.
Endi esa Vudman elitaga qaytgan «qarg‘alar» tarkibida. Yosh posbonda Rafael Benites jamoasida o‘ynab ketish imkoni oz bo‘lsa-da bor. O‘tgan yili klubda asosiy posbon belgiyalik Mats Selsa bo‘lgandi, ammo bir nechta jiddiy xatolarga yo‘l qo‘yib, o‘z o‘rnini 26 yoshli Karl Darlouga bo‘shatib berdi.
Umuman olganda, JCHdagi yorqin ishtirokdan so‘ng Vudmanga premyer-ligada o‘zini ko‘rsatish uchun imkoniyat berilishi aniq, «Nyukasl»dagi raqobat ham bunga sharoit yaratadi.
Fikayo Tomori («Chelsi»)
Oluvafikayomi Oluvadamilola — markaziy himoyachining to‘liq ismi. Angliyada esa uni oddiygina Fikayo deb chaqirishadi. Bu futbolchi premer-ligada yetakchiga aylanish uchun hamma narsa yetarli. Anchayin gavdali bo‘lishiga qaramay, ajoyib tezlikka ega, ikkinchi qavatda raqobatbardosh. Unga yetishmayotgan yagona narsa - intizom. JCHdagi uchrashuvlarning birida Tomori maydon markazidan darvozabonga to‘p uzatib, butun turnirning eng kulguli golini urdi.
Fikayo Kanadada tug‘ilgan, ota-onasi esa nigeriyalik. Bolaligi Angliyada o‘tdi. Yuqoridagilardan kelib chiqib aytish mumkinki, u uchta terma jamoadan birini tanlashi lozim edi. Tomori dastlab Kanada termasi uchun maydonga tushishga ahd qildi va hatto, Angliyaga qarshi o‘ynadi ham. Ishonish qiyin-u, Markus Reshford bilan uchrashuv Fikayoni bir umrga o‘zgartirdi.
O‘tgan mavsum «Yunayted»ning mashhur forvardi Angliya yoshlar termasi safida Kanadaga qarshi uchrashuvda maydonga tushib, gavdali himoyachilarga qarshi hech narsa qila olmadi. «O‘sha bahs yodimda. Reshford endigina elitaga chiqqandi, kanadaliklar mendan Angliyadagi hayot to‘g‘risida so‘rashardi. Tumanli o‘lkada esa Yevro va JCHda ishtirok etish imkoniga ega bo‘ldim. Bu men uchun yaxshi imkoniyat edi, buning ustiga Angliyada o‘sgandim», — dedi Tomori.
Fikayo «Chelsi» yoshlari tarkibida barcha turnirlarda g‘olib bo‘ldi, mavsumning ikkinchi yarmini «Brayton»da o‘tkazib, elitaga chiqqanliklarini nishonladi. Antonio Konte o‘z jamoasida yosh o‘yinchiga o‘rin ajratish ehtimoli yuqori, biroq premyer-ligadagi klubni kuchaytirishga Tomori hozircha ojiz.
Lyuis Kuk («Bornmut»)
Terma jamoa bilan 17 yoshgacha bo‘lganlar o‘rtasidagi Yevropa chempionatida butun yo‘lni bosib o‘tgan jamoa sardori. O‘rta chiziqda to‘p surgan Kuk ko‘proq raqib hujumini yo‘qqa chiqarish uchun javobgar, lekin jamoasining aksariyat hujumlari ham aynan u orqali amalga oshirilgan. Vox-to-box yarim himoyachisiga ideal darajadagi misol. Barcha sardorlardan talab qilinganidek, Kuk ham hal qiluvchi pallalarda asosiy rolga chiqadi. Gvineya termasiga qarshi bahsda uzoqdan yo‘llagan zarbasi jamoasini oldinga olib chiqdi, meksikaliklarga qarshi kechgan og‘ir uchrashuvda esa Solankega o‘yin taqdirini hal qiluvchi uzatmani amalga oshirdi. Butun Angliya Kuk bilan faxrlanadi, ammo qadrli «Lids»i qayg‘uda. O‘tgan yili jamoa nima uchundir yarim himoyachini «Bornmut»ga arzimagan 7 mln. funtga sotib yubordi. Chempionat yakuniga borib jamoa yuragidan o‘rin olgan bo‘lsa-da, «Bornmut»dagi birinchi mavsum jarohatlar bois barvaqt poyoniga yetdi. Dono murabbiy Eddi Xau rahbarligi ostida Kukdan premer-liganing eng yaxshi yarim himoyachilaridan biri yetishib chiqishi aniq.
Dominik Kalvert-Lyuin («Everton»)
Angliya termasi safida yoshlar o‘rtasidagi JCHda oltin to‘p muallifiga aylangan futbolchi. Mazkur terma jamoa tarkibida «Everton» vakillaridan naq to‘rt futbolchi to‘p surdi. Barchasi ajoyib o‘ynagan bo‘lsada, g‘alaba to‘pini kiritgan o‘yinchining o‘rni boshqa. Kalvert-Lyuin o‘tgan mavsum «irislar» bilan imzolangan shartnomani yana besh yilga uzaytirdi. «Everton»dagilar yigitning hali ochilmagan qirralari borligini darrov payqashdi. Kalvert-Lyuin «irislar»ning o‘tgan mavsumdagi muvaffaqiyatlariga oz bo‘lsa-da hissa qo‘shdi. Hisobida 11ta uchrashuvda bitta gol bor. U hujumda o‘ynash istagida, lekin buning uchun tajribasi kamroq. Klub va terma safida futbolchi so‘l qanot vingeri yoki hujumchi ortida to‘p suradi. Unchalik gavdali bo‘lmasa-da, boshi bilan yaxshi o‘ynaydi. JCHda u Argentina darvozasini ajoyib tarzda nishonga oldi, finalda esa kuchli himoyachidan o‘tib ketib, gol urdi.
Kalvert-Lyuin Ronald Kumanning ishonchini qozongan va shu bois, asosiy tarkibda mustahkamlanib olish imkoni yuqoriroq. Boz ustiga, «Everton»ning qanotlarida boshlang‘ich tarkibdagi o‘rin uchun raqobat kuchli emas.
Dominik Solanke («Liverpul»)
Turnirning bosh yulduzi. Solanke yoshligidan barcha yosh toifasidagi terma jamoa tarkibida yaxshilardan biri hisoblangan. U-17 yoshlilar o‘rtasidagi Yevro-2014da Angliya termasining eng yaxshi to‘purari bo‘lgan Solanke terma jamoaning ajralmas qismiga aylandi. U 2014 yili Chempionlar Ligasida debyutini nishonladi, boshqa vaqtda esa yoshlar klubida to‘p kiritishda davom etdi. Solanke 2014|2015 yillar mavsumida 41ta gol urdi, «Chelsi» esa u bilan birga o‘smirlar o‘rtasidagi CHLda g‘olib bo‘ldi.
Keyingi yili Dominikni «Vitess»ga ijaraga berib yuborishdi, u yerda ham Solanke asosiy hujumchi bo‘ldi, ammo eredeviziyada faqat 7ta gol urdi. Joriy mavsum futbolchi jahon chempionatidagina o‘zini ko‘rsata bildi. Konte «Chelsi» forvardiga Liga kubogida o‘ynash imkonini bermadi. Shunga qaramay, zaxira tarkibida ham Solanke juda kam maydonga tushirildi. Dominik — shubhasiz rejadagi forvard, ammo sof hujumchi emas. U nafaqat tezligi va driblinglari, balki ikkala oyoqda bir xil zarba bera olish qobiliyati bilan ham maqtana oladi. Joriy mavsum yakunlangach, Solanke «Liverpul» bilan shartnoma imzoladi. Yurgen Klopp yosh o‘yinchilarni tarbiyalashni biladi. Shunday ekan, amaliyot masalasida muammo bo‘lmaydi. «Liverpul» Chempionlar Ligasidan start oladi va Dominik birinchi mavsumning o‘zidayoq kerakli futbolchi va Roberto Firminoga munosib raqobatchiga aylanadi.
Paxtakor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
