Yangilangan «Milan»ning Xalqaro chempionlar kubogida «Bavariya»ni 4:0 hisobida mag‘lubiyatga uchratdi.
Bombardir.ru mazkur bahsda «rossoneri»ning ikkita goliga mualliflik qilgan iqtidorli futbolchi Patrik Kutrone haqida maqola tayyorladi.
Aftidan, milanliklar safini to‘ldirayotgan yangi o‘yinchilar jiddiy raqobatga tayyor turishlari kerakka o‘xshaydi.
Patrik Kutrone yanvarda 19 yoshni qarshiladi. «Milan» maktabida 2006 yildan o‘qishni boshlagan hujumchi hamon mazkur jamoaga sodiq. Kutrone - yangi Filippo Inzagi bo‘lishi mumkin. U Italiyaning turli yosh toifalaridagi termalariga chaqirilgan, o‘tgan mavsum oxirlarida esa «rossoneri»ning asosiy tarkibida debyutini nishonladi. «Bolonya»ga qarshi kechgan g‘alabali o‘yinda besh daqiqa to‘p surgan Patrik faqatgina sariq kartochka olgani bilan yodda qoldi. Shunga qaramay, yangilanayotgan «Milan»da undan hali ko‘p foydalanishmoqchi.
- Kutrone, hattoki, bolaligida ham hamisha ko‘proq gol urishni istardi. Unda shunga moyillik bor, - degandi «Milan» yoshlar sektori rahbari Mauro Byankessi yosh iqtidorga ta’rif berarkan. Yosh hujumchi «rossoneri» primaverasida bir o‘yinda o‘rtacha ikkita goldan ortiqroq ko‘rsatkich qayd etdi. Kutrone doimo bo‘sh hududlar axtaradi, asosiy e’tibori to‘pni raqib jarima maydonchasida egallab olishga qaratiladi.
Morata - Kutronening kumiri. «Alvaro - men yoqtirgan forvardlar toifasidan. Uning ajoyib texnikasi bor, to‘pni himoyachilardan yopishni ajoyib tarzda uddalaydi. Qolaversa, jarima maydonchasidagi harakatlari ham yoqadi», - deydi Patrik. Hozircha Kutrone u qadar mashhur emas, ammo «Bavariya»ga qarshi kechgan bahsda top klublar darvozasini ishg‘ol qilishi mumkinligini isbotladi. Dastlabki gol urilgan vaziyatda jarima zarbasidan uzatilgan to‘pga birinchi bo‘lib yetib bordi, keyingi holatda esa «Milan»ning tezkor qarshi hujumini samarali yakunladi. Uchrashuvdan so‘ng Kutrone Robert Levandovski bilan libos almashdi. Polshalik yulduz uning sazasini o‘ldirmadi.
«Milan»da iqtidorli yoshlar bisyor. Janluiji Donnarumma - jahondagi kelajagi porloq darvozabonlardan biri. Himoyada Davide Kalabriya bor, hujumda esa aynan Kutronega umid bog‘lashmoqda. «Verona» ushbu forvardni o‘z safiga qo‘shib olmoqchi, ammo Patrikning o‘zi orzusini amalga oshirish niyatida.
- «Bavariya»ga qarshi ajoyib o‘yin o‘tkazdik. Birinchi golni urganimda to‘p darvoza to‘ridan joy egallaganiga ishonmagandim. Ikkinchi vaziyat esa qoyilmaqom kombinasiya mahsuli. Umid qilamanki, «Milan»da qolaman, butun fikru xayolim keyingi o‘yinlarda, - dedi Kutrone.
Oldinda uni Karlos Bakka va Andre Silva bilan sog‘lom raqobat kutib turibdi. Shuningdek, «Milan» va «Fiorentina» Kalinich bo‘yicha kelishuvga erishishgani aytilmoqda. Bu forvardlarning hammasi anchadan buyon yuqori darajali o‘yin ko‘rsatib kelishmoqda. Kutrone ulardan nimadir o‘rganib, o‘sishda davom etishga tayyor. Patrikning «Milan» bilan shartnomasi 2018 yil yozida nihoyasiga yetadi. Demak, bitim yakunlangunga qadar Kutronedan «Milan»ga foyda keltirishi mumkinligini isbotlash talab etiladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
