Kecha milliy chempionatimizda ikkinchi davra bellashuvlariga start berildi.
Bugun O‘zbekistonning amaldagi chempioni – “Lokomotiv” Oliy Liga ikkinchi davrasi ilk o‘yinini o‘tkazadi. Mazkur matchda “temiryo‘lchilar”ga Muborakning “Mash’al” klubi futbolchilari qarshilik ko‘rsatishga urinishadi.
Oliy Liga, 16-tur:
7 avgust (dushanba)
«Lokomotiv» (Toshkent) – «Mash’al» (Muborak)
Hakamlar: R. Bobomurodov (Navoiy), B. Qodirov (Buxoro), A. Burov (Buxoro), A. Najafaliyev (Toshkent)
Nazoratchi: A. Popov (Toshkent).
O‘zPFL vakili: F. Magametov.
“Lokomotiv” – “Mash’al” to‘qnashuvini tajribali referi – Rustam Bobomurodov boshchiligidagi hakamlar guruhi boshqarib boradi. Uchrashuv nazoratchisi – Aleksandr Popov. PFL vakili sifatida esa Farhod Magametov faoliyat olib boradi.
Jamoalar birinchi davra o‘yinini Muborakda o‘tkazishgan hamda o‘sha o‘yinda “Lokomotiv” vakillari 1:0 hisobida g‘alabaga erishishgandi. Oliy Liga 1-turi doirasida kechgan matchda Marat Bikmayev tomonidan kiritilgan gol “Loko”ga muhim uch ochkoni taqdim etgandi va jamoamiz chempionatda yaxshi start olgandi.
O‘ZARO UCHRASHUVLAR TARIXI:
“Lokomotiv” va “Mash’al” jamoalari ichki chempionatimiz doirasida shu paytga qadar 23 marta o‘zaro to‘qnash kelishgan. O‘zaro o‘yinlardagi ustunlik – “Lokomotiv” futbolchilari tomonida. “Lokomotiv” o‘tkazilgan bellashuvlarning 13 tasini o‘z foydasiga hal eta olgan. “Mash’al” vakillari esa 9 ta o‘yinda g‘alabaga erishishgan. Bir bora esa jamoalar durang o‘ynashgan. “Lokomotiv” shu vaqtgacha “Mash’al” darvozasini o‘zaro o‘yinlarda 32 marta ishg‘ol etgan. O‘z darvozasidan esa 26 ta gol o‘tkazib yuborgan.
Ilk bor bu jamoalar 2004 yilda to‘qnash kelishgan bo‘lib, “Jar” stadionida kechgan matchda “Lokomotiv” futbolchilari g‘alabaga erishishgan – 1:0. “Lokomotiv”ning “Mash’al” ustidan qozongan eng yirik hisobdagi g‘alabasi o‘tgan yilgi bahsda qayd etilgan bo‘lib, Muborakda o‘tgan uchrashuvda jamoamiz 4:0 hisobida zafar quchgan.
FAKT: Bilasizmi, “gazchilar” “temiryo‘lchilar”ni so‘nggi bor 2010 yilning avgustida mag‘lub etishgan. O‘shanda “Mash’al” o‘yinchilari toshkentliklarni 2:0 hisobida yenggandi.
Yana bir qiziq ma’lumot shundan iboratki, “Lokomotiv” va “Mash’al” faqat bir marta durang o‘ynashgan. 2007 yilning may oyida Toshkentda o‘tgan o‘yinda jamoalar 0:0 hisobida nursiz durang natijani qayd etishgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
