PORTUGALIYA GRANDI FUTBOLCHILAR TRANSFERIDAN QANCHA TOPDI?
Ko‘p, juda ko‘p. Sir emas, Portugaliya primerosi vakillari iqtidorli futbolchilarni izlab topish va ularni mukammal darajada tayyorlab, Yevropaning grand jamoalariga pullash hadisini puxta o‘zlashtirishgan.
Bu borada ayniqsa, «Benfika» alohida o‘rin tutadi. Ochig‘i, Lissabon jamoasining oxirgi 7 oyda transferlar bozorida qanday ishlaganini ko‘rib, shunchaki, yoqa ushlash mumkin.
Qarang, «Benfika» bu davrda 6 nafar futbolchisini sotish orqali 150 mln. yevrodan ko‘proq topdi.
2017 YIL - QISH
Gonsalu GUEDESH. Xaridor: «PSJ». Summa: 30 mln. yevro
Fransuzlar vaqtida «Benfika»dan Krishtianu Ronalduni xarid qilishga urinishgan, biroq maqsadlariga erisholmagandilar. Mana, ular qishda portugal futboli bosh yulduzining o‘rinsobari sifatida ta’riflangan Guedeshni o‘z saflariga qo‘shib olishdi. «Benfika»ning 20 yoshli tarbiyalanuvchisi qishki transferlar davridagi eng qimmatbaho o‘yinchilar qatoriga kirganini alohida ta’kidlash o‘rinli.
Elder KOSHTA. Xaridor: «Vulverxempton». Summa: 15 mln. yevro
Angliyaning kamtarin klubi Koshtani aslida ijara kelishuvi asosida taklif qilgandi. Yarim himoyachi qisqa fursatda jamoa rahbarlariga shu qadar yoqib qoldiki, ular «Vulverxempton» tarixidagi rekord transferga qo‘l urishni paysalga solishmadi. Chunonchi, Elder 25ta o‘yin-da 7ta gol urishdan tashqari, yana 5tasiga assistentlik qilgandi. To‘g‘ri, «Benfika» o‘z mijoziga yanada himmatliroq xaridor topishi ham mumkin edi, biroq futbolchining o‘zi «bo‘rilar» safida qolishni ixtiyor etdi, shekilli.
2017 YIL - YOZ
EDERSON. Xaridor: «Manchester Siti». Summa: 40 mln. yevro
«Siti» ushbu kiperni bir yildan ko‘p vaqt davomida kuzatdi va u «Benfika» libosidagi oxirgi o‘yini chog‘i faoliyatini qayerda davom ettirishini yaxshi bilardi. Lekin Edersonga Angliyada oson bo‘lmasligi tayin. Axir hamma futbol tarixidagi eng qimmatbaho darvozabonga alohida e’tibor qaratadi va bu holat qo‘shimcha bosim yuklaydi, albatta.
Viktor LINDELYOF. Xaridor: «MYU». Summa: 35 mln. yevro
«Benfika»ning Manchesterga yo‘l olgan yana bir vakili va undan ham katta mo‘’jizalar kutishyapti. Bitta farqli tomoni - Viktor Manchesterning «qizil» tomonida karomat ko‘rsatishi kerak. Ushbu markaziy himoyachini hozirdan Nemanya Vidich bilan taqqoslashyapti va uning Joze Mou-rinyo jamoasi orqa chizig‘ida barchasini nazorat ostiga olishidan umidvorlar. Lissabonliklar esa 5 yil oldin atigi 3 mln. yevroga xarid qilingan shved transferidan qancha foyda qolganini hisoblash bilan ovoralar.
Nelson SEMEDU. Xaridor: «Barselona». Summa: 30,5 mln. yevro
Alohida aytish kerak, bu yakuniy narx emas. Himoyachining «Barselona»dagi har 50ta o‘yini uchun «Benfika» yana 5 mln. yevrodan olaveradi. Eng diqqatga sazovor tomoni, Samedu Lissabonda yuqori darajada atigi bitta to‘liq mavsum o‘tkazishga ulgurgandi. Ha, bu chinakam biznes!
MARSAL. Xaridor: «Lion». Summa: 4,5 mln. yevro
Yana bir aqlga sig‘mas fakt: ushbu himoyachi «Benfika»ning loaqal 1ta rasmiy o‘yinida maydonga tushmagan. Ya’ni ijara kelishuvlari bo‘yicha boshqa klublarda tajriba oshirgan. Bu holat lissabonliklarning uni top-chempionat klubiga yaxshigina summada sotishlariga xalaqit bergani yo‘q.
Demak, «Benfika» 2017 yil badaliga amalga oshirgan shu 6ta tranfser ortidan jami 155 million yevro olgan. Boshqacha aytganda, har bir futbolchini o‘rtacha hisobda 25 «limon»dan ko‘proqqa sotgan. Vaholanki, ulardan hech biriga loaqal 10 million ham sarflagan emasdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
