Bugun UZREPORT TV va FUTBOL TV kanallarida UYEFA Superkubogini jonli efirda tomosha qilishingiz mumkin.
Uchrashuv Toshkent vaqti bilan soat 23:45da boshlanadi. Lekin siz mazkur bahsdan translyasiyani soat 23:00dan boshlab bizning telekanallarda kuzatib borishingiz mumkin.
UYEFA Superkubogi.
"Real" (Madrid, Ispaniya) – "Manchester Yunayted" (Angliya)
8 avgust 2017 yil. Soat 23:45. SkopYE. "Filip II" stadioni.
Taxminiy tarkiblar:
"Real" - Navas, Marselo, Varan, Ramos, Karvaxal, Kroos, Kazemiro, Modrich, Ronaldu, Benzema, Beyl.
"Manchester Yunayted" - De Xea, Blind, Smolling, Nilsson-Lindelef, Matich, Darmian, Pogba, Errera, Valensiya, Mxitaryan, Lukaku.
Diskvalifikasiya: Erik Bayi, Fil Jons (ikkisi ham "Manchester Yunayted")
Jarohat olganlar: Garet Beyl (maydonga tushishi so‘roq ostida) - Eshli Yang, Markos Roxo, Lyuk Shou.
"Real" va "Machester Yunayted" jamoalari rasmiy o‘yiniga ham 4 yildan oshdi. 2013 yil mart oyida madridliklar Chempionlar ligasi doirasida, "Old Trafford" stadionida 2:1 hisobida zafar quchishgan edi. Bu vaqt ichida ikkala jamoada ham katta o‘zgarishlar ro‘y berdi. "Manchester Yunayted"ning eng omadli murabbiyi Ser Aleks Fergyuson ketgach klubning muvaffaqiyatli yurishi ham to‘xtab qoldi. O‘sha o‘yinda klublar bir xil darajada bo‘lgan bo‘lsa, hozirda "Real" o‘z raqibidan ancha ilgarilab ketgan. Bu vaqt ichida "qirollik klubi" 3 marta Chempionlar ligasida zafar quchib, bir marta Ispaniya chempioni bo‘ldi. Mankunyanliklar esa faqat Yevropa Ligasi sovrini bilan maqtanishlari mumkin xolos.
"Old Trafford" avvalgidek g‘alabalarga chanqoq. Shu sababli ham "qizil iblislar" murabbiylik postiga Joze Mourinyoni taklif etishdi. Qizig‘i 4 yil muqaddam portugaliyalik mutaxassis aynan raqib jamoa tomonida edi. Mourinyo o‘zining sobiq klubini yaqindagina o‘rtoqlik uchrashuvi doirasida mag‘lubiyatga uchrata oldi. Asosiy vaqtda 1:1 hisobi qayd etilgach, penaltilar seriyasida "Manchester Yunayted" omadliroq chiqib qoldi. Lekin Skopeda (Makedoniya o‘z tarixida ilk bor bunday yirik turnirga mezbonlik qilmoqda) bo‘lib o‘tadigan bahs AQSHdagi o‘yindan katta farq qilishi aniq.
"Real" va "Manchester Yunayted" jamoalari o‘z tarixida 11 marta to‘qnash kelishadi. Mazkur qarama-qarshilik odatda gollarga boy o‘tadi (10ta o‘yin jami 36ta gol). O‘tgan yili mazkur sovrinni "Real" qo‘lga kiritganini inobatga olsak, "Manchester Yunayted"da UYEFA Superkubogini qo‘lga kiritish hohishi ko‘proq bo‘lishini taxmin qilish mumkin.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
