Bugun, 5 sentyabr kuni muxlislar “Bunyodkor” stadioniga faqat g‘alaba qozonilgan tomosha qilish uchun tashrif buyurishadi.
O‘zbekiston terma jamoasi oldida “so‘nggi jang” qoldi. Mag‘lubiyatlarga o‘rganib qolgan muxlislar so‘nggi umidni O‘zbekiston–Xitoy uchrashuvida ishlatib bo‘lishgandi.
Ammo, sabrli o‘zbekistonlik muxlislar hatto chiptalar o‘z narxidan ikki barovar (100 ming) qimmat bo‘lsada terma jamoa o‘yinini stadiondan turib ko‘rishga oshiqmoqdalar. Qimmat chiptalar, o‘zingizga ma’lum, “qo‘ldan qo‘lga” sotiladigan chiptalardir.
O‘zbekistonning barcha hududlaridan to‘lib-toshib kelayotgan futbolning ashaddiy muxlislari bugun o‘zlarini yo xafagarchilik, yo xursandchilikdan to‘xtata olishmaydi, deb taxmin qilamiz... Uchinchi taxminga esa xojat yo‘q!
Albatta, birinchi holatdan ko‘ra ikkinchisi o‘zbekistonliklar uchun yoqimlidek tuyuladi. Qimmat chiptaning narxi esa jahon chempionati yo‘llanmasini qo‘lga kiritilgandan so‘ng yoddan chiqishi haqiqatga yaqin.
Shuning uchun bugun O‘zbekiston terma jamoasidan so‘raladigan so‘nggi murojaatimiz shundan iboratki, koreyalik futbolchilar ustidan g‘alaba qozonilishi shart! FAQAT VA FAQAT G‘ALABA, bundan boshqa natija hech kimni qoniqtirmaydi!
Futbol ishqibozlari hatto bosh murabbiy Samvel Babayandan hech qanday taktika yoki murabbiylik vaznini kutmay qo‘yishdi. Aksariyat hollarda uning bor yoki yo‘qligi endi hech kimga qiziq yoki muhim emas. Asosiysi futbolchilar yuragida istak ilinji bo‘lsa yetadi. Qolganini peshonadan ko‘ramiz...
Albatta, Xitoydagi mag‘lubiyatdan so‘ng muxlislarni bugun kimlar asosiy tarkibda maydonga tusharkin, yana tarkib tanlashda qanday xatolar bo‘ladi, degan savol qiziqtirayotgan bo‘lishi mumkin.
Ishonamizki, biz futbolda murabbiy bo‘lib ishlamagan bo‘lsakda, ammo futbolni mantiqan tushunamiz va taxmin qila olamiz.
Balki shu sabab asnosida “Qalampir.uz” jamoasi koreys futbolchilari ustidan g‘alaba qozonishi mumkin bo‘lgan taxminiy tarkibni tuzib chiqdi.
Unga ko‘ra, darvozani Ignatiy Nesterov himoya qiladi va O‘zbekistonda futbol sporti qahramoni bo‘lish uchun bor kuchini ishga soladi. Har holda unga ishonch bildiramiz.
Himoya chizig‘iga Anzur Ismoilov, Islom To‘xtaxo‘jayev, Davron Hoshimov va jahon chempionatiga chiqishni eng ko‘p istayotganlardan biri Vitaliy Denisov maydonga tushishsin.
Yarim himoyada Odil Ahmedov, Fozil Musayev, Sardor Rashidov, Eldor Shomurodov maydonga tushsa yaxshi bo‘lardi.
Server Jeparov esa o‘yindan oldin darvozaga to‘g‘ri zarba yo‘llashga va’da bersin!
Hujum chizig‘i, ya’ni gol urilishi kerak bo‘lgan futbolchilarning o‘rni bo‘lib, bu nuqtani terma jamoada gol urishni qoyillatadigan — Aleksandr Geynrix ilk daqiqalardan to‘ldirsin!
Agar Geynrix charchab qoladigan bo‘lsa, Temurxo‘ja Abduholiqov zahiradan yoki Eldor Shomurodov yagona hujumchi vazifasini bajarsin.
Nima bo‘lishidan qat’iy nazar, bugun qanday tarkib yoki taxmin bilan bo‘lsada, biz faqat bir so‘zni baralla aytishga tayyormiz — G‘ALABA!!!
Tahririyatimiz O‘zbekiston terma jamoasiga muhim o‘yin oldidan yuksak ishonch va omad tilab qoladi!
Eslatib o‘tamiz, O‘zbekiston–Janubiy Koreya uchrashuvi mahalliy vaqt bilan soat 20:00 da “Bunyodkor” stadionida start oladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
