O‘zbekiston milliy terma jamoasi bosh murabbiyi Fabio Kannavaro FIFA Series doirasidagi Venesuelaga qarshi bahsdan so‘ng matbuot anjumanida ishtirok etdi. Italiyalik mutaxassis o‘yin sifati, tarkibdagi o‘zgarishlar va Jahon chempionati oldidan ko‘rilayotgan tayyorgarlik haqida gapirdi.
O‘yin sifati va vaziyatlar haqida
“Bugun maydonda juda mazmunli o‘yin guvohi bo‘ldik. Garchi ko‘plab qulay imkoniyatlardan foydalana olmagan bo‘lsak-da, bahs davomida ustunlikni o‘z tomonimizda saqlab qoldik. Raqibga tinimsiz bosim o‘tkazganimiz meni quvontirdi. Venesuela kabi jiddiy raqiblarga qarshi o‘ynash doim murakkab kechadi, biroq shogirdlarim bugun o‘zlarining irodali ekanini isbotlashdi. Men yigitlarga kiyinish xonasida ham aytdim: endi boshqa o‘rtoqlik uchrashuvlari bo‘lmaydi, har bir bahsga rasmiy o‘yin sifatida qarashimiz shart”.
Himoya chizig‘i va jamoaviy harakat
Gabon bilan o‘yindagi kamchiliklar haqida to‘xtalar ekan, murabbiy himoya chizig‘ining o‘sishini e’tirof etdi:
“Bugun himoyachilarimiz raqibga deyarli bo‘sh joy qoldirishmadi. Shuni tushunish kerakki, himoyalanish faqat to‘rt nafar o‘yinchi emas, balki butun jamoaning vazifasidir. Yarim himoya va hujum chizig‘i birgalikda harakat qilgandagina kutilgan natijaga erishish mumkin. Bugun biz aynan jamoaviy himoyalanishni ko‘rsata oldik”.
Standard vaziyatlar va futbolchilarning holati
“Standard vaziyatlar ustida ishlash uchun vaqtimiz kam bo‘lsa-da, bunda ham o‘sish bor. Jamoamizda Otabek Shukurov va Azizbek G‘aniyev kabi uzoq masofadan kuchli zarba bera oladigan ijrochilar borligidan unumli foydalanishimiz kerak”.
Murabbiy, shuningdek, futbolchilarning jismoniy holatiga to‘xtalib, mavsum hali boshlang‘ich pallada ekanini eslatdi:
“Superligada endigina 4-tur yakunlandi. Ikkinchi bo‘limda bir oz toliqish sezilgani tabiiy hol. Mavsum o‘rtalariga borib, jismoniy tayyorgarlik darajasi mutlaqo boshqacha bo‘ladi”.
Jahon chempionatiga tayyorgarlik va yangi rejalar
“Mundial — bu butunlay boshqa daraja. U yerdagi sur’at va muhit o‘rtoqlik o‘yinlaridan tubdan farq qiladi. Biz doimo oldinga intilyapmiz. May oyida rejalashtirilgan yig‘in orqali tayyorgarlikni yangi bosqichga olib chiqamiz. Futbolchilarning ovqatlanishi, dam olishi va mashg‘ulotlariga e’tibor qaratish orqali ularning faoliyatini uzaytirishni ko‘zlaganmiz. Jamoamizning tibbiy shtabini kuchaytirganimiz ham jarohatlar xavfini kamaytirishga xizmat qiladi”.
Ma’lumot uchun, O‘zbekiston terma jamoasi hamda Venesuela o‘rtasidagi bahsnining asosiy vaqtida hisob ochilmadi. G‘olib nomi esa penaltilar seriyasida aniqlandi. Unda Kannavaro jamoasi 5:4 hisobida g‘alaba qozonib, FIFA Series g‘olibiga aylandi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
