Yevropa chempionlar ligasi guruh bosqichining 1-tur o‘yinlari ancha sermahsul bo‘ldi. Tur doirasidagi markaziy o‘yin "Kamp Nou"da bo‘lib o‘tdi. "Barselona" o‘zi uchun noqulay hisoblangan "Yuventus" ustidan yirik hisobda g‘alaba qozondi.
E’tiborli tomoni, "ko‘k-anorranglilar" yetakchisi Lionel Messi o‘z faoliyatida ilk marta Janluidji Buffon darvozasini ishg‘ol qilishga muvaffaq bo‘ldi, bir emas, ikki marta. Argentinalik futbolchining har ikkala goli bir-biriga o‘xshab ketdi — Messi jarima maydonchasi chizig‘i oldidan chap oyoqda Buffonning chap burchagiga to‘pni joylab ketdi. Shuningdek, Lionel jamoasining uchinchi golida ham bevosita ishtirok etdi. U chap qanotdan raqib jarima maydonchasiga yorib kirib, darvoza oldiga uzatma berdi. Himoyachi qaytargan to‘pni Ivan Rakitich darvozaga joylab qo‘ydi.
"Yuventus" mezbonlar darvozasi tomon hujum uyushtirdi, bir nechta xavfli vaziyatlar yaratdi, ammo Allegri shogirdlariga "Barsa" darvozasini ishg‘ol qilish nasib etmadi.
Shu tariqa, "Barselona" Chempionlar ligasining yangi mavsumini yirik hisobdagi g‘alaba bilan boshladi hamda o‘tgan yilgi mag‘lubiyat uchun "Yuve"dan munosib qasos oldi.
"D" guruhidan o‘rin olgan yana bir uchrashuvda Portugaliyaning "Sporting" klubi Gresiyada "Olimpiakos"ni mag‘lubiyatga uchratdi — 3:2.
YECHL, "D" guruhi
Barselona Ispaniya – Yuventus Italiya 3:0 (1:0, 2:0)
Gollar: 1:0 – 45 Messi, 2:0 – 56 Rakitich, 3:0 – 69 Messi.
Barselona – ter Stegen, Alba, Pike, Nelson Semedu, Umtiti, Rakitich (Paulinyo, 77), Inyesta (Andre Gomesh, 83), Buskets, Dembele (Serdji Roberto, 71), Suares, Messi.
Yuventus – Buffon, Aleks Sandro, Benatiya, Bardzali, De Shilyo (Sturaro, 41), Matyuidi, Bentankur (Bernardeski, 63), Pyanich, Duglas Kosta, Dibala, Iguain (Kaligara, 87).
Ogohlantirishlar: Bentankur (25), Nelson Semedu (35), Messi (54), Bardzali (61), Pyanich (75), Kaligara (89).
Olimpiakos Gresiya – Sporting Portugaliya 2:3 (0:3, 2:0)
Gollar: 0:1 – 2 Dumbiya, 0:2 – 13 Jelson Martinsh, 0:3 – 43 Fernandesh, 1:3 – 89 Pardo, 2:3 – 90 Pardo.
Olimpiakos – Kapino, Engels, Figeyrash, Elabdellaui, Jiye, Odjidja-Ofoe, Romao, Fortunis (Zdyelar, 46), Karsela-Gonsales (Pardo, 78), Marin, Djurdjevich (Emenike, 62).
Sporting – Ruy Patrisiu, Koates, Silva, Pichchini, MatYE, Fernandesh (Ristovski, 87), Vilyam Karvalyu, Akunya, Battalya, Jelson Martinsh (Bruno Sezar, 72), Dumbiya (Dost, 63).
Ogohlantirishlar: Romao (23), Figeyrash (47), Battalya (77), Elabdellaui (84), Fernandesh (87), Bruno Sezar (90).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
