O‘zbek futboli tarixida ilk marta O‘zbekiston milliy terma jamoasining o‘yinini xorijlik sharhlovchi sharhladi.
Rossiyaning «Match TV» kanali xodimi Konstantin Genich yurtimizda mehmon bo‘ldi va O‘zbekiston - Janubiy Koreya o‘yinini sharhladi.
Taniqli sharhlovchi bilan suhbatda bo‘ldik va «InterFutbol» uchun intervyu oldik. Xorijlik jurnalistning sharhlovchilik va o‘zbek futboli haqidagi fikri qiziqarli bo‘lishi turgan gap.
- Konstantin, avvalo, O‘zbekistonga xush kelibsiz, deb qolamiz. Yurtimizga mehmon bo‘lishingizni qachon bildingiz?
- To‘g‘risini aytsam, bu haqida «Match TV» rahbariyatidan emas, balki tvitter ijtimoiy tarmog‘idagi sahifam orqali bildim. O‘zbekiston matbuoti tomonidan bu haqida xabar berildi va bundan biroz hayron qoldim.
«Match TV» rahbariyati esa keyin ma’lum qilishdi. Taklifni bajonidil qabul qildim. Men uchun O‘zbekistonda mehmon bo‘lish juda qiziqarli.
- Yaxshi bilamizki, siz professional futbolchi bo‘lgansiz va faoliyatingizni yakunlagandan so‘ng sharhlovchilikka kirib kelgansiz. Ammo sharh uchun futbol haqidagi bilimdan tashqari yana ko‘p narsa kerak - ovoz, aktyorlik mahorati va so‘zamollik.
- Albatta, yashil maydondan so‘ng birdan sharhlovchilik kursisiga o‘tirish oson bo‘lmadi. Ammo baxtimga menga imkoniyat berishdi va avvaliga kam ahamiyatli o‘yinlarni sharhlab borib, tajriba to‘pladim.
Ochig‘i, bu o‘yinlarni translyasiya tashkilotchilari, ya’ni o‘zimizdan boshqa tomosha qiladigan juda kam edi. Nari borsa 15-20 muxlisdir (kuladi). Ammo aynan mana shu jarayon men uchun katta tajriba maktabi bo‘lib xizmat qildi.
- Va bu tajriba natijasida sizni O‘zbekiston - Janubiy Koreya o‘yinini sharhlash uchun taklif etishdi. Sharhdan oldin jamoalar haqida yaxshi ma’lumotga egamidingiz?
- Ochig‘ini aytsam, har ikki jamoa haqida ham juda kam ma’lumotga ega edim. Deyarli yo‘q darajada, desam ham bo‘laveradi. Albatta, O‘zbekiston terma jamoasi tarkibida Odil Ahmedov, Vitaliy Denisov va Eldor Shomurodovlarni yaxshi bilaman.
Ammo butun o‘yinni sharhlash uchun shuning o‘zi yetarli emas edi. O‘zbekistonga kelishimni bilganimdan so‘ng terma jamoangizning Xitoyga qarshi o‘tkazgan o‘yinini ataylab tomosha qildim. Yana Janubiy Koreya va Eron uchrashuvini ham ko‘rib chiqqanman.
- Xitoy - O‘zbekiston o‘yini haqida nima deya olasiz? O‘sha uchrashuvdan qanday taassurot qoldi?
DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
