Ispaniya chempionatining 7-turi doirasida «Barselona» o‘z maydonida «Las-Palmas»ni qabul qildi. Bugun Kataloniyada referundum o‘tkazilgani bois, xavfsizlik nuqtai nazaridan, o‘yinga muxlislar kiritilmadi. Shu bois, jamoalar bo‘m-bo‘sh "Kamp Nou"da o‘yin o‘tkazishlariga to‘g‘ri keldi.
Muxlislarsiz o‘ynashga to‘g‘ri kelgan mezbonlarning birinchi bo‘limda o‘yini qovushmadi. Ularda tezlik va ishtiyoq ko‘zga tashlanmadi. Mehmonlar posboni Chichisola Messi tomonidan berilgan jarima zarbasini qaytargan bo‘lsa, maydon egalarining ba’zi zarbalariga aniqlik yetishmadi.
Ikkinchi bo‘limda Valverde maydonga Rakitich va Inyestani tushirishi oqibatda "Barsa"ning o‘yini kuchaydi. Boz ustiga, ikkinchi bo‘lim avvalida Messi burchakdan yetkazib bergan uzatmani Buskets bosh bilan darvozaga joylab, hisobni ochdi.
Luis Suares hamon o‘zining yaxshi formasiga kira olmayapti. Urugvaylik futbolchi bugungi o‘yini orqali buni yana bir marta ko‘rsatib berdi. "Barselona" baxtiga Leo Messi bor. Bahs oxiriga qadar argentinalik futbolchi ikki marta birga-bir vaziyatga chiqdi hamda har safar darvozani ishg‘ol etdi. Unga golli uzatmalarni Denis va Luis Suareslar berishdi.
Ushbu g‘alabadan keyin "Barsa"ning ochkolari 21taga yetgan bo‘lsa, bugungi bahsdan keyin Messining La ligadagi gollari soni 11tani tashkil qilmoqda.
Mehmonlar futbolkasida Ispaniya davlat bayrog‘i tushirilgan bo‘ladi.Bu orqali klub Ispaniya yaxlitligini qo‘llab-quvvatlashini bildirdi.La Liga mazkur aksiyaga rozilik bildirdi.
Eslatib o‘tamiz, bugun Kataloniyada Ispaniyadan ajralib chiqish bo‘yicha referendum o‘tkazilmoqda.Mazkur referendumni «Barselona»ning sobiq va hozirgi futbolchilari – Jerar Pike, Xosep Gvardiola, Karles Puyol, Xavi va boshqalar qo‘llab-quvvatlashdi.
Ispaniya La ligasi, 7-tur
Barselona – Las-Palmas 3:0 (0:0, 3:0)
1 oktyabr, 19.15, «Kamp Nou»
Gollar: 1:0 – 49 Buskets, 2:0 – 70 Messi, 3:0 – 77 Messi.
Barselona – ter Shtegen, Maskerano, Pike, Alba, Aleish Vidal (Inyesta, 46; Andre Gomesh, 84), Buskets, Serji Roberto, Paulinyo (Rakitich, 46), Denis Suares, Messi, Suares.
Las-Palmas – Chichisola, Ximo Navarro, Borxa Errera, Masedo, Lemos, Viyera, Santana (Gomes, 78), Dominges (Toledo, 78), Akvilani, Tannane, Kalyeri.
Ogohlantirishlar: Paulinyo (33), Pike (35), Alba (45), Buskets (45), Suares (51), Ximo Navarro (59).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
