«Dinamo» - «Bunyodkor» (0:2) uchrashuvidan keyin mehmonlar bosh murabbiyi Mirjalol Qosimov jurnalistlar savollariga javob qaytardi.
- Bugun faqat finalga chiqishni istagan edik. O‘ylagan va ko‘zlagan maqsadimizga yetishganimiz albatta xursand qiladi. O‘yin har ikkala jamoa uchun juda muhim edi. Maydonda keskin kurash kechdi va shu boisdan kartochkalar ko‘payib ketdi. Bosh maqsad sari yana bir qadam odimladik.
- Uch hafta oldin Samarqandda chempionat doirasida xuddi shu hisobdagi g‘alaba bilan qaytgan edingiz. O‘yin jihatdan qanday farq bo‘ldi bugun?
- Katta farq bo‘lmadi. Avvalo u chempionat edi, bugungisi esa finalga yo‘llanma beruvchi kubok o‘yini. Kubok yutishni har bir futbolchi orzu qiladi. Shu bois bugungi bahs ancha jangovar o‘tdi. Chunki, faoliyatidan keyin futbolchida qoladigan narsa eng avvalo uning yutuqlari, sovrinlari bo‘ladi. Shu bois, «Dinamo» bugun 10 kishi bo‘lib qolgan bo‘lsa ham oxirigacha kurash olib bordi.
- «Bunyodkor» aynan sizning qo‘l ostingizda jiddiy o‘zgardi. Klubda ishni avvalo nimadan boshlagan edingiz?
- Avvalo, har bir futbolchi bilan alohida gaplashib oldik, ruhiy jihatdan tayyorladik. Ular futbol kasbini tanlashgan ekan, futbolda o‘zlariga yarasha iz qoldirishlari kerak ekanligini tushuntirdim. Futbolchi sifatida shunchaki o‘tib ketish bo‘lmaydi. Nimagadir erishish uchun intilib, harakat qilish shart. Avvalo men uchun emas, o‘zlari va muxlislar uchun ham chiroyli o‘yin namoyish etib, natijaga erishishlari kerak. Vaqti kelib farzandlari «futbolda nimaga erishgansiz?» deyishsa uyalib qolishmasligi lozim.
- Finalda «Nasaf» yoki «Lokomotiv» sizga raqib bo‘ladi. Kimga qarshi o‘yin ko‘proq nuqulaylik tug‘dirishi mumkin?
- To‘g‘risini aytsam, meni hozir ko‘proq chempionat doirasidagi «Metallurg»ga qarshi o‘yin o‘ylantirmoqda.
- Jamoa o‘yin oxirida natijaga erishgach, xotirjamlikka berilayotgandek…
- Jamoa hisobda oldinga chiqib olganidan keyin o‘yinni bo‘shashtirib yuborayotgani bizning eng og‘riqli nuqtamiz hisoblanmoqda. Aynan shu ustida ish olib borilmoqda. Bu narsa bizga Navoiyda pand bergandi. Bu kamchilik bugun ko‘p ham ko‘zga tashlanmadi. Shu muammoni bartaraf etish bo‘yicha ish olib boryapmiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
