O‘zbekiston terma jamoasi kelasi oy BAAga qarshi o‘rtoqlik o‘yini o‘tkazadi. Bu bahs O‘FF va BFA o‘rtasida imzolangan hamkorlik kelishuvi bilan bog‘liq.
Uchrashuv ahamiyati past emas, aynan uning uchun terma jamoaga vaqtinchalik murabbiy tayinlandi - Ro‘ziqul Berdiyev. Bundan norozi bo‘lganlar istagancha topilar, ammo sal mulohaza yuritgan kishi federasiyaning qarorini oson tushunishi mumkin.
Birinchidan, murabbiylik tajribasi deyarli bo‘lmagan Babayan eng mas’uliyatli pallada termani boshqargan ekan, nima uchun uzoq yillar «Nasaf»da barqaror ishlab kelayotgan Ro‘ziqul Berdiyevga ishonch bildirmaslik kerak? Qolaversa, bu qaror vaqtincha ekani e’lon qilingan. Demak, ortiqcha gap-so‘z ko‘paytirish shart emas.
XORIJLIK MURABBIY
O‘zbekiston terma jamoasini xorijlik mutaxassis boshqarishi ehtimoli haqida ko‘p eshitdik. Ammo Osiyoga yuqori saviyali murabbiy olib kelish oson emas. To‘g‘ri, bu borada bizda tajriba yetarli.
Masalan, «Bunyodkor»da kimsan Ziko va Skolari ishlab ketishgan. Ularning foydasi ko‘p tegdi, xususan, Luiz Felipe yurtimizda faoliyat yuritgan kezlari futbolchilarimizda o‘sish kuzatilgandi. Xo‘sh, mana shunday murabbiylarni yana jalb etish mumkinmi? Albatta, mumkin.
Biznes olamida bir gap bor - pul bilan hal qilib bo‘lmaydigan masalani katta pul hal qiladi. Qaysidir xorij nashri tomonidan xabar qilinganidek, Skolari «Bunyodkor»da ishlab yurgan vaqtda dunyoning eng ko‘p maosh oladigan murabbiyi bo‘lgan. Shunday ekan, bu ishni yana bir bor uddalash hech gap emas.
Muhimi, zarur mablag‘ ajratilsin. O‘zbekiston futbol federasiyasining yangi rahbariyati qisqa muddat ichida ko‘p joyda bo‘lgani va qator kelishuvlarga erishganini inobatga olsak, pul bor. Har holda, yaqin yillar ichida moliyaviy masalalar katta muammo tug‘dirmasa kerak.
Shu bois ham O‘FF dastlab terma jamoaga yangi bosh murabbiy faqat xorijdan chaqirilishini qo‘rqmasdan e’lon qilgandi. Shunga monand matbuotda Frank de Bur hamda Gus Xiddinklar nomi paydo bo‘lgandi. Ochig‘i, shaxsan o‘zim Yevropadan nomdor murabbiy kelishiga hamon ishonaman. Ammo hozir emas, sal keyinroq.
MAVRID
Har qanday ishning bemavrid bo‘lgani yomon. O‘sha uzoq kutilgan «mavrid» qachon kelishini esa taxminan bilib olish qiyin emas. Gap shundaki, futbol olamida puldan tashqari bosh-qa masalalar ham bor.
Mo‘may mablag‘ evaziga ishlaydigan odamni topish qiyin emas, faqat bir shart bilan - avvalo, o‘sha yumushning o‘zi topilishi lozim. O‘zbekiston milliy jamoasida esa hozir qanday ish bo‘lishi mumkin?
JCH saralashi tugagan va hatto 2019 yilda o‘tadigan Osiyo kubogi saralashi ham yakunlangan. Demak, ikki yil bo‘lmasa, yaqin bir yarim yil davomida termamizda qiladigan ishning o‘zi yo‘q.
Shunday ekan, faqat BAA bilan bo‘ladigan o‘rtoqlik o‘yini uchun millionlarga (xorijiy valyutada) mutaxassis olib kelinmaydi-ku, to‘g‘rimi?
Biz yangi murabbiyni ko‘ramiz, ammo buning uchun hech bo‘lmaganda Rossiyadagi jahon chempionati o‘tib olishi lozim. Keyin yangi to‘rt yillik sikl boshlanadi.
Termamiz o‘sha bosqichga boshqa mutaxassis qo‘l ostida kirishishi mumkin. Ana o‘shanda navbatdagi to‘rt yillikning eng muhim pallasi keladi - qaror to‘g‘ri qabul qilinsa, nihoyat, 2022 yilgi mundialga chiqamiz. Aks holda...
O‘FFning avvalgi xatosi ham shundan iborat bo‘lgan, to‘g‘ri qaror qabul qila olmagan.
NOTO‘G‘RI QAROR
DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
