Bu galgi «uik-end» nafaqat murosasiz olishuvlar, balki hakamlikdagi xatolarga ham boy bo‘ldi.
APL. Joze bilan Arsen bir yonda
Xosep bilan Konte taqdir taqozosi bilan 11-tur London va Manchester grandlarining o‘ziga xos «duel»i ko‘rinishini oldi - poytaxtda «Chelsi» «MYU»ni qabul qilgan bo‘lsa, «Siti» va «Arsenal» Manchesterda o‘zaro hisob-kitob qilishdi.
Ayniqsa, «shaharliklar» va «to‘pchilar» o‘rtasidagi bahsning birinchi yarmi hayajonli lahzalarga boy bo‘ldi. Markazda mezbonlar tomonidan tashkil etilgan hujumkor uch burchak mehmonlar himoya chizig‘ini qiymalab tashladi.
Aguero o‘ta qulay vaziyatda to‘pni yaqin burchakka yo‘llay olmadi, Sterling esa Sanening ajoyib uzatmasini yo‘qqa chiqardi. Shu bois, tanaffusga yirik hisob bilan chiqib ketishi mumkin bo‘lgan maydon egalari Kevin de Bryuynenig yagona goli bilan kifoyalanishga majbur bo‘ldilar. Ikkinchi bo‘lim yanada qiziqarliroq lahzalarni hadya etdi.
Jumladan, uchrashuv hakami Nacho Monrealni Rahim Sterlingga nisbatan o‘yin qoidasini buzgan deb topib, «Arsenal» darvozasiga penalti belgiladi. Uning bu qarori «to‘pchilar» bosh murabbiyiga yoqmagani turgan gap. O‘yindan keyin Venger Sterlingni «mohir sho‘ng‘uvchi» sifatida e’tirof etdi. Rahimning ongli ravishda to‘qnashuvga intilgani - fakt.
Lekin Monreal nafisroq, ehtiyotkorlik bilan harakat qilganida penalti bo‘lmasligi aniq edi. Keyinroq Sterling ajoyib imkoniyatni yo‘qqa chiqardi: ikki hujumchi bir himoyachiga qarshi qolgan vaziyatda to‘pni Sanega aniq uzata olmadi. Lavhani diqqat bilan kuzatib turgan Gvardiola g‘azabdan qo‘lidagi suv idishini uloqtirib tashladi.
Uchrashuvning yakuniy qismida qanot hakami Styuart Bart bosh qahramonga aylandi. U yaqqol «ofsayd» holatida turgan David Silva hamda Gabriel Jezusni payqamay qoldi. Holat shu qadar aniq ediki, jamoalar ikki soniyaga to‘xtab qolishdi.
Keyin «shaharliklar» uchinchi golni urishdi. O‘yin taqdiri hal bo‘lgan pallada ham Arsen asabini jilovlay olmadi. U «Arsenal» mag‘lubiyati haqqoniy emasligini ta’kidlab, hakamlardan nolidi.
Xosep esa o‘z navbatida hakamlikdagi xatolar futbolning bir qismi ekaniga urg‘u berib, «to‘pchilar»ning «Bernli» darvozasiga urgan nohaq gollarini eslatdi. Xullas, mazkur g‘alabadan keyin «Siti» 31 ochko to‘plagan holda yetakchilik mavqeini yanada mustahkamlab oldi.
«Stemford Bridj»dagi bahs arafasida Joze Mourinyo boshqalarga o‘rnak bo‘lishga intilgandi: «Mening o‘rnimda murabbiylar allaqachon Pogbaning jarohati xususida bong o‘rgan bo‘lishardi. U anchadan buyon safda emas. Bu bizga xalal beryapti.
Biroq men bu borada og‘iz ochmadim. Balki, gapirsam yaxshiroq bo‘larmidi?». Nima ham derdik, balki bu «Benazir»ning o‘ziga xos muhofaza qalqonidir? Nima bo‘lganda ham, «MYU» bu uchrashuvga kuchli jamoalarga qarshi qo‘llaydigan uslubi - nursiz durangni ko‘zlagan holda keldi. Biroq har qanday mukammal rejada ham qandaydir zaiflik bo‘lishi mumkin.
«Qizil iblislar»ning mazkur bahsdagi zaif jihatlari - N~Golo Kantening safga qaytganligini hisobga olmaganliklari. Fransiyalik yarim himoyachi yo‘qligida «ko‘klar»ning hujumlariga keskinlik yetishmayotgandi.
Endi u o‘z o‘rniga qaytgach, Fabregasning hujum tashkil etish imkoniyati sezilarli darajada oshdi. Albatta, asosiy e’tibor himoyaga qaratiladigan yopiq o‘yinlarda har ikki tomonda ham g‘alaba qozonish imkoniyati bo‘ladi.
Mezbonlar butun o‘yin davomida, ayniqsa ikkinchi bo‘limning boshlarida faolroq bo‘lishdi va hisobda oldinga chiqib olishdi. Bahsdan keyin Mou Antonio Kontening qo‘l berib xayrlashmagani va izsiz g‘oyib bo‘lganini ma’lum qildi.
«Tvitter»da esa asosan statistik ma’lumotlar joy olgan: «Stemford Brij»dagi 3 uchrashuvda Mourinyoning «MYU»si birorta gol urolmagan, uch marta ham mag‘lubiyatga uchradi.
Kuchli oltilikdagi jamoalarga qarshi o‘tkazilgan 11ta o‘yinning 6tasida «MYU» imkoniyatni boy bergan, 5ta uchrashuv durang natija bilan yakunlangan.
Aytgancha, Antoni Konte portugaliyalik kasbdoshiga javob qaytardi. Ochig‘i, u nima demoqchi bo‘lganini tushunmadik: «O‘zaro hurmatni maydon tashqarisida emas, balki uning ichida namoyish etish kerak». Qiziq, balki Konte boshqacharoq fikr bildirgandir?
La-liga. Messi «0», Suares «0» Hozircha qo‘rqinchli emas
DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
