Kecha poytaxtimizdagi JAR stadionida Bekobodning “Metallurg” va O‘zbekiston U-23 terma jamoalari o‘rtasida ko‘rik-nazorat uchrashuvi bo‘lib o‘tdi. Qiziqarli kechgan bahsda durang – 1:1 hisobi qayd etildi.
Uchrashuvda “Metallurg” hududiy ustunlikka ega bo‘ldi. Jamoa o‘yinining shakllanganligi, futbolchilarning bir birlarini tushunib harakat qilishlari yaqqol sezilib turdi.
Ayniqsa birinchi bo‘limda O‘zbekiston U-23 terma jamoasi posboni Rahimjon Davronovga oson bo‘lmadi.
O‘yinning 26-daqiqasida Murodjon Toshmatov hisobni ochishga muvaffaq bo‘ldi. Bundan tashqari bekobodliklar bir nechta qulay vaziyatlardan foydalanishmadi.
Ikkinchi bo‘limda Ravshan Haydarov yoshlar termasi tarkibini deyarli to‘liq yangiladi.
Natijada ularning o‘yinida o‘zgarish kuzatildi va O‘zbekiston U-23 terma jamoasi hisobni tenglashtirib, mag‘lubiyatdan qutilib qolishga erishdi.
Golni yoshlar standart vaziyatdan kiritishdi. Burchakdan to‘p o‘yinga kiritilganda bekobodliklarning sobiq himoyachisi Dostonbek Tursunov boshi bilan to‘pni urib. Darvoza to‘riga tushirdi.
“Metallurg” – O‘zbekiston U-23 – 1:1.
14.11.2007. JAR stadioni.
Hakam: A.Ergashev.
“Metallurg”: Z.Safoyev (T.To‘ychiyev), M.Qahramonov, H.Hoshimov, S.Allayev, A.Husinov (A.Toshqo‘ziyev), A.Ziyovuddinov (D.Odilov), J.Abdumo‘minov (D.Karimov), A.No‘’monov (S.Qodirqulov), M.Toshmatov (U.Xudoyorov), I.Isoqjonov, Z.Abdullayev (M.Sultonov).
O‘zbekiston U-23 mazkur uchrashuvda quyidagi futbolchilardan foydalandi:
Darvozabonlar: Rahimjon Davronov (“Mash’al”), Dilshod Hamroyev (“Navbahor”);
Himoyachilar: Doston Tursunov (“Neftchi”), Husniddin G‘ofurov (“Neftchi”), Abbosjon Otaxonov (“Navbahor”), Hojiakbar Alijonov (“Paxtakor”), Doniyor Narzullayev (“Nasaf”), Avaz Mamatxo‘jayev (“Qo‘qon-1912”), Sherzod Nasrullayev (“Nasaf”), Oybek Rustamov (“Qo‘qon-1912”); Yarim himoyachilar: Jahongir Ahmadov (“Paxtakor”), Sharof Muhitdinov (“Nasaf”), Xurshid G‘iyosov (“Bunyodkor”), Suhrob Nurulloyev (“Paxtakor”), Abdujamol Isroilov (“Neftchi”), Islom Rashidxonov (“Nasaf”);
Hujumchilar: Azizbek Amanov (“Lokomotiv”), Zabihillo O‘rinboyev (“Paxtakor”), Andrey Sidorov (“Qo‘qon-1912”).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
