Avvalroq xabar berib o‘tganimizdek O‘zbekiston Milliy terma jamoasi bosh murabbiyi Samvel Babayan o‘z oldiga qo‘yilgan vazifa (MTJni JCH-2018 musobaqasi guruh bosqichiga olib chiqish) ni uddalay olmagani uchun iste’foga chiqarilgandi.
Keyinchalik O‘FF MTJning yangi murabbiyi chet eldan bo‘lishi haqida xabar berib, terma jamoaga vaqtinchalik “Nasaf” ustozi Ro‘ziqul Berdiyevni murabbiy sifatida tayinlagandi.
O‘zbekiston futbol federasiyasi bugun, 23 noyabr kuni O‘zbekiston milliy terma jamoasiga bosh murabbiy jalb etish bo‘yicha bir necha xorijlik mutaxassislar bilan muzokaralar olib borayotgani haqida rasman e’lon qildi.
Demak, O‘zbekiston terma jamoasini boshqarishi mumkin bo‘lgan murabbiylar qatorida faoliyati davomida Rossiya, Polsha, Xitoy va BAA chempionatlarida faoliyat olib borgan 49 yoshli ruminiyalik Dan Petresku hamda Fransiya, Serbiya, Ukraina, Rossiya chempionatida harakat qiluvchi ko‘plab klublarda ishlagan 64 yoshli serbiyalik Slavolyub Muslin kabi mutaxassislar mavjud.
Shuningdek, Toshkentning “Paxtakor” hamda Moskvaning “Dinamo” kabi klublaridagi faoliyati orqali o‘zbek futbol muxlislariga yaxshi tanish bo‘lgan 50 yoshli chernogoriyalik mutaxassis — Miodrag Radulovich ham mazkur nomzodlar qatoridan o‘rin egallagan.
Shu bilan birga, italiyalik 52 yoshli murabbiy Anjelio Alessio (“Napoli”, “Yuventus”, “Chelsi” klublari va Italiya terma jamoasida yordamchi murabbiy sifatida ishlagan), germaniyalik 54 yoshli Bernd Shtork (“Shtutgart”, “Volfsburg”, “Borussiya” Dortmund klublari, Qozog‘iston, Vengriya terma jamoalarini boshqargan) va xorvatiyalik Branko Ivankovich (Eron milliy terma jamoasi, “Al-Ittifoq”, “Al-Vahda”, “Persepolis” klublarida bosh murabbiy sifatida faoliyat yuritgan) bilan ham muzokaralar olib borilmoqda.
Bundan tashqari, Angliyaning “Vest Xem” klubi sobiq murabbiyi Slaven Bilich, “Napoli”, “Inter”, “Uotford” kabi klublarni boshqargan italiyalik 56 yoshli mutaxassis Valter Massari, “Feynord”, “Borussiya” Dortmund, “Gamburg” klublari va Gollandiya, Saudiya Arabistoni kabi terma jamoalarda faoliyat yuritgan gollandiyalik mutaxassis Bert van Marveyk ham muzokaralar olib borilayotgan mutaxassislar orasida mavjud”, deya yozmoqda O‘FF Matbuot xizmatining rasmiy sahifasi.
O‘FF o‘z va’dasiga muvofiq chet eldan murabbiy olib kelishni rejalashtirmoqda, lekin yuqoridagi murabbiylar qatorida deyarli barchasi o‘z kasbini yuqori malakali mutaxassislari, deya olmaymiz.
Agar Bert van Marveykning Saudiya Arabistonini jahon chempionatiga olib chiqqanini inobatga olmasak, Slaven Bilich kuni kecha yomon natijalari sabab “Vest Xem”dagi o‘rinin bo‘shatib qo‘ydi.
Miodrag Radulovich va boshqa nomzodlarni ham shaxsan O‘zbekiston MTJda murabbiy sifatida ishlab keta olishlariga ishonish qiyin.
Eng yaxshi yo‘l — yuqoridagi murabbiylar nomzodidan voz kechib, boshqa ishsiz yurgan yoki shartnomasi yaqinda yakunlanadigan kuchliroq mutaxassisni izlab topib, uning oldiga 4 yillik shartnoma va O‘zbekiston terma jamoasini JCH-2022 musobaqasiga olib chiqish vazifasini jiddiy tarzda yuklatish darkor.
Aks holda, o‘zbekistonlik futbol muxlislaring JCHga chiqish orzulari yana uzoq yillarga cho‘zilishi mumkin.
O‘FF rahbariyatidan bu masalada uzoqroq va puxta o‘ylab qaror qabul qilish kerakligini so‘ragan bo‘lardik.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
