Xabaringiz bor, ortda qolgan haftada Yevropa chempionlar ligasi turnirining 5-turidan o‘rin olgan bir-biridan qiziqarli bahslar bo‘lib o‘tdi.
«Hechdan ko‘ra kech» deganlaridek bugun anashu bahslarda o‘rnatilgan rekordlar va turli faktlarni e’tiboringizga havola etishni lozim topdik
1 - «Beshiktosh» o‘z tarixida ilk marta «pley-off» bosqichiga yo‘l oldi. Turkiya klubi o‘z maydonida o‘tgan CHLning oxirgi 13ta o‘yinida mag‘lubiyat nimaligini bilmadi - 5ta g‘alaba, 8ta durang.
Umuman olganda, «Beshiktosh» turk klublari ichida «Galatasaroy» va «Fenerbaxche»dan so‘ng 1|8 finalga chiqqan 3-jamoa bo‘ldi.
11 - SSKA darvozaboni Igor Akinfeev 11 yilga cho‘zilgan antiseriyasini uzdi, nihoyat. U CHLda 2006 yilning 1 noyabr kuni «Arsenal»ga qarshi o‘yinda o‘z darvozasini «quruq» saqlaganidan buyon orada ketma-ket 43ta uchrashuvda gol qo‘yib yuborgandi.
18 - «Real» to‘purari Krishtianu Ronaldu 2017 yil davomida CHLning o‘zida 18ta gol urdi. U 2015 yili 16ta, 2013 yili esa 15ta golga mualliflik qilgandi.
56 - «Seltik» hujumchisi Mussa Dembele «PSJ»ga qarshi o‘yinning 56-soniyasida hisobni ochdi. Bu Shotlandiya klubining CHLdagi eng tezkor golidir.
98 - Krishtianu Ronaldu «Real» libosida CHLda urgan gollari sonini 98taga yetgazdi (93ta o‘yinda). Lionel Messi esa «Barselona» uchun 120ta o‘yinda 97ta gol hosil qilgan.
200 - «Chelsi» safiga 2013 yil yozda qo‘shilgan Villian «aristokratlar» safida 200-marta maydonga tushdi. U 4 yilu 3 oy davomida APLda 19ta, yevrokuboklarda 8ta, ichki kuboklarda 7ta gol urdi - jami 34ta.
2000 - 2000 yilning 28 mayida tug‘ilgan «Manchester Siti» vakili Fil Foden «Feyenoord»ga qarshi bahsda rasmiy debyutini nishonladi. U 2000 yildan keyin tug‘ilganlar orasida CHLda maydonga tushgan uchinchi futbolchidir.
«PSJ» va Ibragimovichdan rekord
O‘z maydonida «Seltik»ni 7:1 ko‘rinishida tor-mor qilgan «PSJ» CHL tarixida guruh bosqichida eng ko‘p gol urgan jamoa maqomini oldi. Vaholanki, oldinda yana bitta tur bor. Parijliklar 5ta o‘yinda 24ta gol hosil qilishdi - 1ta uchrashuvda o‘rtacha 4,8ta.
Guruh bosqichining eng samarador ishtirokchilari
24ta - «PSJ» (2017|2018)
21ta - «Borussiya» D. (2016|2017)
20ta - «MYU» (1998|1999)
20ta - «Barselona» (2011|2012)
20ta - «Real» (2013|2014)
20ta - «Barselona» (2016|2017)
19ta - «Barselona» (1999|2000)
19ta - «Real» (2011|2012)
19ta - «Real» (2015|2016)
19ta - «Bavariya» (2015|2016)
«Bazel»ga qarshi o‘yinda zaxiradan maydonga tushgan «MYU» hujumchisi Zlatan Ibragimovich CHLda 7ta klub sharafini himoya qilgan birinchi futbolchi bo‘ldi.
Eng qizig‘i, bungacha «Ayaks», «Yuventus», «Inter», «Barselona», «Milan» va «PSJ» klublari safida o‘ynagan shved haligacha turnirda g‘alaba nashidasini surmagan.
Ibra shuningdek, CHLda 120-o‘yinini o‘tkazib, bu borada Roberto Karlos va Lionel Messiga tenglashib oldi (gvardiyachilar ro‘yxatida 8-o‘rin).
Zlatan turnirda yana 2ta gol ursa, 50talik marradan o‘tgan 7-futbolchiga aylanadi. Aytgancha, u yevrokuboklarda 7ta klub uchun gol urgan, xuddi norvegiyalik Jon Karyu kabi.
CHLda 5ta yoki ko‘proq jamoa libosida maydonga tushgan futbolchilar
DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
