Istiqlol davri islohotlari mamlakatimiz hayotini tubdan o‘zgartirib yubordi.
Mustaqillik qadrini biladigan, erkinlik kayfiyatidan huzurlanadigan xalqimiz endilikda farovonlik marralarini zabt etish uchun astoydil mehnat qilmoqda.
Mustabid mafkurani eslatuvchi nomlar va atamalardan xalos bo‘lganimiz bois, bunyodkor xalqimiz ayrim qiyinchiliklarni nazar-pisand qilmay, dadil olg‘a bormoqda.
Afsuski, harchand istamaylik, futbolimizdagi islohotlar biz kutgan natijani bermadi. O‘ylaymizki, bu xulosa OCHL mavsumini a’lo darajada yakunlanishiga munosib hissa qo‘shgan Ravshan Ermatov yutuqlariga soya solmaydi aslo.
Zero, Ravshan Ermatov fenomeni - futbolimizdagi alohida va istisno hodisa.
Natijasizlik xususida mulohaza yuritilganida, asosan milliy jamoamiz va yetakchi klublarimizning xalqaro musobaqalardagi ishtiroki nazarda tutilgani ma’qul.
Navbat yangi konsepsiyaga
Natijasizlik, ya’ni milliy jamoamizning jahon chempionati final bosqichiga chiqolmayotganidan muxlislar anchadan buyon aziyat chekishadi. Mazkur muammo sababi esa oliy ligadagi nosog‘lom muhit bilan chambarchas bog‘liqligi ko‘pchilikka ayon.
Demoqchimizki, o‘zgarish borasidagi farmon va qarorlarga qaramay, oliy va birinchi ligada shu paytga qadar sho‘ro mafkurasidan ko‘chib o‘tgan eskicha yashash ishtiyoqi, avvalgi hayotni qo‘msash kayfiyati hukm surdi.
Xo‘sh, o‘zgarishga urinish harakatlari hozirgacha nega sezilarli naf keltirmadi? Nazarimizda, buni faqat bitta sabab bilan izohlash o‘rinli: hamma futbolimiz o‘zgarishini xohladi, ammo «oliy liga» va «birinchi liga» atamalaridan voz kechish haqida o‘ylab ko‘rmadi.
Ha, ko‘pchilik «Gap nom emas, balki mohiyatning o‘zgarishida» qabilida mulohazaga boradi, chog‘i. Holbuki, nomning inson ruhiyati, hattoki, taqdiriga ham ta’siri beqiyos ekanligi isbot talab qilinmaydigan haqiqatdir.
Goho betob bola ismi o‘zgartiriladiki, bu udumda ham ilohiy hikmat mujassam. Shu ma’noda oliy va birinchi liga ham bemor edi. Kasallikni davolash uchun bir qancha chora-tadbirlar qo‘llanildi.
Taassufki, har ikki liga hayotida davo tadbirlari ta’siri sezilmadi. Shunday ekan, yagona chora qolgandi. Nihoyat, shu o‘zgarishga qo‘l urildi, ya’ni oliy va birinchi liga nomi yangilandi.
Biz 2010 yili sho‘ro mafkurasi va shuning ta’siridagi yondashuvlardan xalos bo‘lmas ekanmiz, nainki o‘zimizda, balki MDH futbolida ham rivojlanish kuzatilmasligini ta’kidlab, sohaga yangi konsepsiya zarurligini dolzarb masala sifatida jamoatchilik hukmiga havola etgandik.
Biroq hamon dolzarbligini yo‘qotmagan o‘sha mulohazalar gazeta taxlamlari orasida qolib ketdi. Futbolimiz mutasaddilari o‘shanda barchasini bir farmon yoki qaror bilan o‘zgartirib yuborish mumkinligini o‘ylashdi, shekilli, bunga e’tibor qaratishmadi.
Oliy hakam - vaqt esa ilgari surilgan o‘sha mulohazalar haqligini isbotlamoqda. Ne tongki, bu haqiqat ko‘ngilni quvontirmaydi. Ko‘ngil iztirobli o‘ylar so‘rog‘idan qiynaladi: nima uchun futbol jamoatchiligi mulohazalarimizni vaqtida qo‘llab-quvvatlamadi yoki o‘zimiz o‘sha fikrlarning hayotga tatbiqi masalasida jon kuydirmadik?
Nima uchun tahririyatlar tomonidan jiddiy va jo‘yali taklif-mulohazalar, o‘rinli tanqidiy chiqishlar rasman futbolimiz mutasaddi tashkilotlariga yuborilmaydi?
OAV vakillari balki mutasaddilarning siyqayu, mazmuni avvaldan ma’lum javoblarini bilishgani bois, shu paytga qadar betaraf pozisiya tanlashayotgandir... Ehtimol. Eng muhimi, endi vaziyat o‘zgardi.
Shu jumladan, futbol nashrlari sadolarini ham tinglay boshlashdi. Yodingizda bo‘lsa, gazetamizning shu yil 7 noyabr kuni chiqqan 89-sonida «Islohotlar zarurati - reglamentdan ustun» sarlavhasi ostida maqola yozib, unda «oliy liga» va «birinchi liga» atamalari eskirganini aytib, har ikki divizion nomini o‘zgartirish taklifini o‘rtaga tashlagandik.
Aniqrog‘i, bu g‘oyani qaytadan dolzarb masala sifatida e’tibor markaziga olib chiqdik. Takror bo‘lsada, aytamizki, bu masala gazetamizning 2015 yil 8 dekabrda chop etilgan 87-sonida ham yoritilgandi.
O‘shanda oliy liga o‘rnida «bosh liga», birinchi liga o‘rnida esa «avangard liga» atamasi qo‘llanilishi maqsadga muvofiq kelishini yozgandik. Taklif o‘rtaga tashlaganidan 2 yil o‘tgach, uni yana qayta yoritish zarurati tug‘ildi.
Garchi futbol jamoatchiligi bu mavzuni keng muhokama qilmagan va ehtiyotkor munosabatni ma’qul ko‘rgan bo‘lsada, muammo yechimini topdi, baribir. Ya’ni har ikki liga nomi yangilandi. To‘g‘ri, yangi atamalarda baynalminal ruh kuchli.
Agar taklifimiz keng muhokama qilinganida va yangi-yangi variantlar ilgari surilganida, nomlar boshqacharoq, milliy futbol makonimizga mosroq darajada o‘zgararmidi?! Mayli, endi bunga hojat yo‘q.
Biz uchun muhimi - yangilanish sari yuz burilgani. Buning uchun futbolimiz mutasaddilariga rahmat. Ayni chog‘da aytamizki, yangilanish jarayoni oson kechmaydi.
Zero, har qanday o‘zgarish hech qachon osongina qabul qilinmagan va bundan keyin ham qarsak chalib kutib olinmaydi. Ijobiy natija berishi uchun yangilanish qo‘llab-quvvatlanishga muhtoj, uning mexanizmi esa mukammallashtirilishi shart.
Bu o‘rinda super-liganing uchinchi davrasini nazarda tutmoqdamiz. Darhaqiqat, uni o‘tkazish tartibi mukammallashtirilishga muhtoj. Taklif sifatida 2 yil avval aytilgan mulohazani yana e’tiboringizga havola etamiz.
Uchinchi davra mexanizmi
DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
