Qishki transfer oynasi hali ochilgani yo‘q. Shunga qaramay, bitta rekord o‘rnatildi: Virjil van Deyk futbol tarixidagi eng qimmat himoyachiga aylandi.
Odatda yanvar oyida olamshumul transferlar amalga oshirilmaydi. Bu galgi transfer oynasi istisno bo‘lishi mumkin. Qishki transfer davrida amalga oshishi kutilayotgan 4ta ulkan transferni e’tiboringizga havola qilamiz.
1. Filippe Koutinyo. «Liverpul»dan «Barselona»ga
Yevropa futbolida ro‘y berishi anchadan beri kutilayotgan transferlardan biri. «Barselona» yoz davomida «Liverpul» bilan savdolashdi, ammo mersisaydliklarning talabini qondira olmadi. "Lviyerpul" uni qishki transfer paytida sotishga va’da berishgandi. Koutinyo borasida transferlar yanvar oyida davom etishi kutilmoqda. Filippe universal futbolchi ekanini inobatga olsak, u Valverde o‘yin uslubiga moslashib ketishiga shubha yo‘q.
2. Aleksis Sanches. «Arsenal»dan «PSJ»ga
«Arsenal» klubi Yevropa chempionlar ligasida ishtirok etmayotgani Aleksis Sanchesga yoqmayapti. Chililik futbolchining "kanonirlar" bilan shartnomasi 2018 yilning yozida yakuniga yetadi, ammo Sanches uni uzaytirishni istamayapti. Yozda «Bavariya» va «Manchester Siti» klublari 29 yoshli futbolchini qo‘lga kiritish uchun harakat qilishgandi. Ammo Sanches talab qilayotgan katta maosh myunxenliklarga yoqmagan bo‘lsa, "Arsenal" o‘z hujumchisini "shaharliklar"ga sotishni istamadi. Endilikda Gvardiola ixtiyorida Rahim Sterling, Leroy Sane va Gabriyel Jezus kabi yosh hujumchilar bor. Shu bois, Aleksisni qo‘lga kiritishni istayotgan top-klublar orasida faqat PSJ qolmoqda. Shu kunlarda Sanchesni Parij aeroportida ko‘rganlar bor. Kim biladi deysiz, balki u yanvar oyida "PSJ" safini to‘ldirar.
3. David Luis. Kontedan uzoqroq ketsa bo‘lgani
David Luis ham Diyego Kostaning yo‘lini tutishi mumkin. Murabbiy bilan mojaroga borgan himoyachi yanvar oyida «Chelsi»ni tark etishi mumkin. Konte uni kechirib o‘tirmasligi tayin. Daniyalik Andreas Kristensen hozircha Luisning o‘rnini yaxshi bosmoqda.
Jamoani tark etishni istayotgan Luis bilan «Bavariya», «Barselona», «Arsenal» klublari aloqa bog‘lashga harakat qilishmoqda. Futbolchining o‘zi «Barsa»da o‘ynashni orzu qilmoqda. Kataloniyaliklar hozircha bor e’tiborlarini Koutinyoning transferiga e’tibor qaratishgan. "Ko‘k-anorranglilar" himoyachi uchun katta pul sarflamoqchi emaslar.
4. Yulian Draksler. «PSJ»dan «Arsenal»ga
Yulian Draksler – mavsumning eng omadsiz futbolchilaridan biri. Germaniyalik futbolchi 2017 yilning yanvar oyida «Volfsburg» safidan "PSJ"ga o‘tdi. U parijliklar o‘yiniga tezda moslashib ketib, jamoaning yetakchilaridan biriga aylanishga ulgurdi. Yulian o‘tgan yilgi mavsumda Fransiya chempionligini qo‘lga kiritdi. U Germaniya terma jamoasi bilan Konfederasiyalar kubogiga yo‘l oldi hamda musobaqada g‘oliblikni qo‘lga kiritdi. Shuningdek, u turnirning eng yaxshi futbolchisi deb topildi. 2017/2018 yilgi mavsum boshida uni yoqimsiz xabar kutayotgandi: Neymar va Mbappe "PSJ"ga kelib qo‘shilgandi.
Unai Emeri nemis futbolchisiga o‘yin amaliyotiga berishga harakat qilmoqda. Ammo yuqoridagi ikki yulduz tufayli qanotda hozircha unga "non" kamroq. Markazda esa Draksler o‘zini erkin his qilmaydi.
«Arsenal» Yulian Draksler uchun bosh da’vogar bo‘lib turibdi. "PSJ" moliyaviy halol o‘yin qoidasi borasida balansni to‘g‘rilash uchun ba’zi o‘yinchilarini sotishga majbur. Shu bois, yarim himoyachi yanvar oyida Parijni tark etishi mumkin. Draksler "Arsenal"ga o‘tsa, jamoa yetakchisiga aylanadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
