Avval xabar berilganidek, O‘zbekiston futbol federasiyasi prezidenti Umid Ahmadjonov ishchi guruh bilan birgalikda 12 yanvar kuni Farg‘onaga tashrif buyurdi.
Umid Ahmadjonov dastlab Farg‘ona viloyati hokimi, viloyat futbol federasiyasi prezidenti Shuhrat G‘aniyev bilan uchrashib, vodiyda futbolni rivojlantirish bo‘yicha chora-tadbirlar borasida suhbatlashdi.
Shundan so‘ng Umid Ahmadjonov boshchiligidagi ishchi guruh “Neftchi” PFK klubi stadioni – “Istiqlol”ga borib, u yerda yaratilgan shart-sharoitlar bilan tanishdi.
Stadion 20 ming nafar muxlisga mo‘ljallangan bo‘lib, uchrashuvlarni yuqori saviyada o‘tkazish uchun barcha sharoitlar muhayyo qilingan. O‘FF prezidenti “Istiqlol” stadionidagi sharoitlarni yuqori baholadi.
Keyin esa Umid Ahmadjonov “Neftchi” PFK qoshidagi ayollar jamoasi a’zolari bilan uchrashdi va ularning mashg‘ulot jarayonlari qanday kechayotgani bilan qiziqdi. Keyin esa ayollar jamoasi a’zolariga to‘plar sovg‘a qilindi.
Shundan so‘ng, O‘FF prezidenti “Neftchi” PFK akademiyasi tarbiyalanuvchilari bilan uchrashdi. Bolajonlarga ham mashg‘ulotlar o‘tkazishda foydalanish uchun to‘plar sovg‘a qilindi.
“Neftchi” klubi faoliyati bilan tanishilgandan keyin O‘FF prezidenti boshchiligidagi ishchi guruh Farg‘ona viloyati futbol federasiyasiga tashrif buyurdi. Viloyat futbol federasiyasi faoliyati o‘rganib chiqildi.
Shu yerning o‘zida Umid Ahmadjonov viloyat federasiyalari mas’ullari ishtirokida majlis o‘tkazdi. Majlisda O‘FF boshqarma boshliqlari, Namangan, Andijon va Farg‘ona viloyati futbol federasiyalari xodimlari va OAV vakillari ishtirok etishdi.
Majlis davomida viloyat futbol federasiyasi tomonidan ommaviy futbol, bolalar va o‘smirlar futboli, murabbiylar va hakamlar tayyorlash bo‘yicha amalga oshirilgan ishlar muhokama qilindi. Viloyat futbol federasiyalari tomonidan yo‘l qo‘yilgan kamchiliklar tahlil qilinib, tegishli ko‘rsatmalar berildi.
“Vodiy ahli futbolni juda sevadi. Bu yerda futbolning jonkuyar muxlislari ko‘p. Ana shu muxlislarni, xalqimizni xursand qilish uchun asdoydil mehnat qilishimiz kerak. Buning uchun, ko‘zi yonib turgan, futbol rivoji uchun halol ishlashga tayyor insonlarni ishga olish kerak. Mana “Oltin vodiy” dasturi bo‘yicha ishlar boshlanmoqda. Reja bo‘yicha bu yil butun respublika bo‘ylab 1000 ga yaqin musobaqa o‘tkazish rejalashtirilgan. Shulardan 600 tasi vodiyda o‘tkaziladi. Jumladan, Farg‘onada 200 ga yaqin bolalar va o‘smirlar o‘rtasida musobaqa o‘tkazamiz.
Endilikda futbol maktablariga qabullarni shaffof tarzda o‘tkazilishini ta’minlash kerak. Qabul davomida O‘FF mas’ul xodimlari albatta ishtirok etadi. Shuningdek, OAV vakillari ham qabul jarayonini keng yoritib borishlari kerak.
Shuningdek, Farg‘onada murabbiylar va hakamlarni tayyorlash masalasiga jiddiy yondashish zarur. Endilikda, O‘zbekiston futbol federasiyasi hakamlar va murabbiylarning saviyasini oshirish bo‘yicha seminarlarning barcha xarajatlarini qoplab beradi. Bu chora-tadbirlar iste’dodi bo‘la turib, moliyaviy sabab lisenziya ololmay yurgan murabbiy va hakamlarga yaxshigina imkoniyat”, – deydi O‘FF prezidenti Umid Ahmadjonov.
“Vodiyda futbolni rivojlantirish uchun ko‘p mehnat qilish kerak. Qo‘qon shahri o‘zbek futbolining vatani. Nasib qilsa, bu yil vodiyda futbol bayrami uyushtiramiz. Bu yerda xalqaro talablarga javob beradigan shunday chiroyli stadionlar barpo etilgan. Bu stadionlarda Olimpiya terma jamoamiz ishtirokida xalqaro o‘rtoqlik o‘yinlari tashkil etiladi. Bu vodiy ahli uchun o‘ziga xos sovg‘a bo‘ladi”, – deya qo‘shimcha qildi Umid Ahmadjonov.
Al-G‘arafa
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
