Avval xabar berib o‘tganimizdek, “Liverpul” yarim himoyachisi Filippe Koutinyo rasman “Barselona” futbolchisiga aylandi.
Ispaniyaga ko‘chib o‘tganidan keyin Koutinyo “Barselona”da o‘ynash azaliy orzusi bo‘lgani, yangi jamoadoshlari va sobiq jamoasi “Liverpul” haqida fikrlarini bildirib o‘tdi.
“Albatta, xursandman. Har safar “Barselona”ga o‘tish orzusida yashashimni aytar edim. Maqsadlarim sovrinlarni qo‘lga kiritib, muxlislar qalbiga quvonch tortiq etish.
Atrofimni men yoqtirgan futbolchilarim o‘rab turishibdi. Endi Messi, Suares, Inyesta, Pike, Buskets bilan birga o‘ynayman.
Ular bilan jamoadosh bo‘lganimdan faxrlanaman. Umid qilamanki, yangi jamoam bilan ulkan sovrinlarni qo‘lga kiritib, “Barselona”ning bir bo‘lagi bo‘la olaman.
Yoshligimda Ronaldinyoning o‘yinlarini tomosha qilib hayron bo‘lardim. Roni maydonda chinakam afsungar edi. Endi bu vazifani Messi davom ettirmoqda.
“Liverpul”ga jamoadoshlarim va menga yaqindan ko‘mak bergan insonlar bilan xayrlashish uchun qaytib boraman.
Endi faqat oldinga intilish fursati yetib keldi. “Barselona”da yangi bosqichga chiqa olishimga ishonaman.
“Liverpul”ga ko‘chib o‘tganimdan so‘ng ko‘plab do‘stlar orttirdim, qolaversa, oila a’zolarim ham bu shaharga ko‘nikib qolishgandi.
Biz futbol ajoyib sport turi ekanligiga aynan shu shaharda guvoh bo‘ldik. Menimcha, muxlislarning qalblarida ozgina bo‘lsa ham hurmat qozona oldim.
“Liverpul” boy tarixga ega buyuk jamoa ekanligiga ishonchim komil. “Barselona” orzuyim bo‘lgani uchun “Liverpul”ni tark etdim. “Liverpul” esa ruyobga chiqqan orzuyim edi. Bu jamoada besh yil umrim o‘tdi.
O‘ylaymanki, muxlislar meni to‘g‘ri tushinishadi. O‘zimni yangi jamoada sinab qo‘rmoqchi bo‘ldim. Ammo bu degani “Liverpul”dan butunlay voz kechdim degani emas.
Sobiq jamoamini doimo qo‘llab quvvatlayman va sobiq ustozimga Yurgen Kloppga kelgusi ishlarida omad tilayman.
“Liverpul”ning asosiy qismi muxlislardan tashkil topgan. Ko‘llab-quvatlab turganingiz uchun sizlarning oldingizda qarzdorman.
Qayerda bo‘lsam ham “Liverpul” meni yuragimda qoladi. “You’ll Never Walk Alone”, - dedi Koutinyo.
Ma’lumot uchun, Koutinyo yangi jamoasi bilan 5,5 yillik shartnoma imzoladi uning tovon puli 400 million yevro etib belgilandi.
utbolchi “Liverpul”da olgan eski jarohati sabab kamida 20 kun maydonga tusha olmaydi. Koutinyo “Barselona”da 14 yoki 7-raqamda harakat qiladi.
Akmalxon Eshonxonov
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
