Dekabr oyi o‘rtalarida «Barselona» himoyachisi Jerard Pike The Players Tribune saytida Pique+loyihasini taqdim etishini ma’lum qilgandi.
Kataloniyalik futbolchi shu orqali o‘ziga yaqin bo‘lgan futbolchilar bilan intervyular tayyorlashni aytgandi. U birinchi suhbatini uyushtirishga ham ulgurdi. Uning mehmoni «PSJ»ning braziliyalik hujumchisi Neymar bo‘ldi.
- Ishlaring yaxshimi, Neymar?
- Hammasi ajoyib.
- Parijga moslashib oldingmi?
- Ha. Umuman boshqacha hayot. Lekin ancha ko‘nikdim.
- Bugun na Parij, na Barselona haqida gaplashamiz... Aytgancha, Kobi Brayant bilan tushgan suratingni ko‘rdim.
- Ha, yaqinda uchrashgandik. U afsona.
- O‘zing basketbol o‘ynaysanmi?
- Albatta. Juda yaxshi o‘ynayman.
- Bugun sen bilan jahon chempionati, xususan, Rossiyada o‘tadigan JCH-2018 haqida gaplashamiz. Braziliyadagi mundialdan so‘ng ushbu musobaqani intiqlik bilan kutayotgan bo‘lsang kerak?
- Albatta, u yerda bo‘lishni juda istayman. Oxirgi JCH men uchun omadsiz kechgandi. Lekin hammasi ortda qoldi. Oldinda yangi turnir. O‘ylaymanki, unda zafar quchish uchun kuchimiz yetadi.
- Ha, men ham oltin medallarni olishimizga umid qilyapman...
- Sen jahon kubogini olgansan, balki yetar?!
- Bu haqiqat, e’tirozga o‘rin yo‘q. Jahon chempionatini o‘ylaganingda nimalar esingga tushadi? Masalan, mening ko‘z oldimga 1994 yil keladi. Unda Mauro Tassotti tirsagi bilan Luis Enrikening yuziga urgani, chorak finalda Ispaniyaning Italiyaga 1:2 hisobida imkoniyatni boy bergani, Luchoning qonga bo‘yalgan oq futbolkasi ko‘z o‘ngimdan ketmaydi.
- Men ham JCH-1994ni eslayman. To‘g‘ri, o‘sha paytda 2 yosh bo‘lganmanu, alohida kadrlar yodimda qolgan. Bu birinchi xotira. Ikkinchisi JCH-2002. Ushbu mundialni to‘liq tomosha qilganman... Ronaldo...
- Va uning soch turmagi!
- Ha, ajoyib edi. Aytgancha, men ham shunday turmak qilganman.
- Jiddiymi?! Uni ko‘rishni istardim! O‘shanda tushgan surating bormi?
- Haqiqatan ham Ronaldodek soch qo‘yganman. Menda surat yo‘q. Lekin onamning albomlarida bo‘lsa kerak. Topaman.
- Braziliyalik hamma bolalar shunday turmak qilishgandir?
- Barchamiz unga o‘xshashni istardik.
- 2002 yili Braziliya hammadan kuchli bo‘lgan. Ronaldo esa o‘zini ko‘rsatgandi.
- Menimcha, o‘shanda eng qiyin o‘yin yarim finalda, Turkiyaga qarshi kechgan. Lekin terma jamoamiz yakunda zafar quchgan. E’tiborli tomoni, turnir oldidan Ronaldo jarohatidan endigina forig‘ bo‘lgandi.
- Bolaligingda qaysi futbolchi jahon chempionatlaridagi o‘yinlari bilan seni hayron qoldirgan?
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
