Toshkent shahridagi “Chig‘atoy” sport bazasida yangi tashkil etilgan Pro-liga hakamlari uchun o‘quv-mashg‘ulot yig‘ini bo‘lib o‘tmoqda. Jami 35 nafar referi va referi assistentlariga yo‘riqchilar Baxtiyor Namozov, Aleksandr Popov, Vladislav Seytlin, Arslon Xotamov va Marat Ismoilovlar tomonidan amaliy va nazariy mashg‘ulotlar o‘tkazilmoqda.
Hakamlar haqida gap ketganda, O‘FF hamda PFL tomonidan hayotga tadbiq etilayotgan islohotlarni alohida ta’kidlash kerak. Jumladan, asosiy e’tibor hakamlik va nazoratchilik geografiyasini kengaytirgan holda, chekka hududlarda shug‘ullanayotgan, faqat mahalliy musobaqalar bilan kifoyalanib qolayotganlarni ham rasmiy tadbirlarga jalb etishga qaratilmoqda.
Qolaversa, amaliy va nazariy sinovlarning dastlabki talablarini bajara olmagan hakamlarga yana qulaylik yaratish maqsadida o‘zi ustida ishlashga, talablarni qaytadan topshirishga va yakunda hakamlar qatoridan joy olishiga imkoniyat yaratilmoqda.
O‘FF Hakamlar va nazoratchilar boshqarmasi boshlig‘i Ma’mur Saidqosimovning aytishicha, dekabr oyida o‘tkazilgan dastlabki yig‘in natijasiga ko‘ra buxorolik Abdurahmon Qo‘ldoshev (yordamchi hakam) sinovlardan o‘ta olmagan.
U qisqa masofa – 30 m.ga yugurish talabini bajara olmagan. Qo‘ldoshevga 15 yanvar kungi yig‘in paytida yana imkoniyat berildi, biroq u bu safar ham belgilangan talabni bajara olmadi - interval testni (75x25) bajara olmadi, natijada 2018 yilgi o‘yinlarda ishtirok eta olmaydigan bo‘ldi. 15 yanvarda boshlangan ikkinchi yig‘in paytda toshkentlik Dmitriy Pislegin (bosh hakam) va farg‘onalik Qahramon Sobirov (yordamchi hakam) ham interval testni (75x25) bajara olmadilar.
Pislegin jismoniy tayyorsizligini oyog‘idagi jarohat bilan bog‘ladi. U ayni paytda Ozarbayjonda davolanmoqda, shifo topib, yana o‘z ustida jiddiy shug‘ullanishnim maqsad qilmoqda. Pislegin, xabaringiz bor, FIFA assistenti hisoblanadi, 2017 yilda OFK Kubogi hamda OCHLning ikkita uchrashuvida zaxira hakami sifatida faoliyat yuritgan. Ayni paytda OFKning rasmiy o‘yinlariga ham taklif etiluvchilar ro‘yxatida turibdi. Endi Pisleginning ham, Sobirovning ham ikkinchi marotaba sinovlarda ishtirok etishi va talabni bajara olgan taqdirda musobaqalarga ruxsat olishi uchun Hakamlar va nazoratchilar qo‘mitasi maxsus xay’atining qarori kerak bo‘ladi.
15 dekabrdagi sinovlardan o‘ta olmagan yana bir hakam – andijonlik Anvar Marajabov esa 15 yanvarda qayta “imtihon” topshirdi va sinovlardan muvaffaqiyatli o‘tib, yangi mavsum hakamlari qatoridan joy oldi.
Ma’mur Saidqosimovning ta’kidlashicha, o‘tgan yillar mobaynida quyi ligalarda faoliyat yuritib kelgan besh nafar yosh hakamlarga bu yil Superliga uchrashuvlarida ishtirok etish imkoniyati berilmoqda. Bular – farg‘onalik Olimjon To‘ychiboyev, qashqadaryolik Firdavs Norsafarov, toshkentlik Akobirxo‘ja Shukurullayev, Jasur Muxtorov va Asker Najafaliyev. Bularning orasida birgina To‘ychiboyev 2017 yilgi mavsumda Oliy liganing bitta uchrashuvida maydonga tushgan xolos, qolganlarida bunday imkoniyat endi yaratilmoqda.
Hakamlar va nazoratchilar boshqarmasining ish rejasida kelgusida hakamlikni hududlarda guruh holatida (misol uchun, andijonliklar guruhida bosh hakam ham, qanot hakamlari ham andijonliklar bo‘lishi lozim) tashkil etish belgilangan. Amaliy ishlarga esa allaqachon kirishilgan.
Toshkentda boshlangan yig‘inda ishtirok etayotgan hakamlar:
Referilar
Dmitriy Pislegin (Toshkent sh.)
Dauletbay Jalimov (Toshkent viloyati)
Farrux Yansupov (Toshkent sh.)
Komiljon Rasulov (Qashqadaryo)
Dilshod Karimov (Toshkent sh.)
Shuhrat Rejabov (Buxoro)
G‘ayrat Jo‘rayev (Namangan)
Sultonmurod Abdurahmonov (Toshkent sh.)
Farruh Yo‘ldoshev (Toshkent sh.)
Referi assistentlari
Anvar Marajabov (Andijon)
Abdurahmon Qo‘ldoshev (Buxoro)
Server Yeremeev (Toshkent sh.)
Nikita Afinogenov (Toshkent sh.)
Rinat Nugmanov (Toshkent sh.)
Hasan Nabiyev (Toshkent sh.)
Avaz Abdullayev (Toshkent sh.)
Ibrohim Jo‘rayev (Toshkent viloyati)
Husan Xudoyberdiyev Toshkent viloyati
Vladlen Lushin (Sirdaryo)
Shohnur Yo‘ldoshev (Sirdaryo)
Zufar Eliboyev (Qashqadaryo)
Suhrob Sattorov (Qashqadaryo)
Shavkat Raxmatov (Buxoro)
Akmal G‘iyosov (Buxoro)
Islomjon Nosirov (Namangan)
Maksam Nexochin (Namangan)
Mirmaqsud Karimov (Toshkent sh.)
Sanjar Nazarov (Toshkent sh.)
Shohruh Erkinov (Toshkent sh.)
Ravshan Kapadze (Farg‘ona)
Shoxruhbek Azamov (Farg‘ona)
Qahramon Sobirov (Farg‘ona)
Eldor Tursunov (Namangan)
Husnitdin Bahodirov (Toshkent sh.)
Husnitdin Shodmonov (Namangan)
Hakamlarning navbatdagi o‘quv-mashg‘ulot yig‘inlari 22-26 yanvar, 29 yanvar – 2 fevral kunlariga belgilangan. 10-20 fevral kunlari yig‘in Turkiyaning Antaliya shahrida tashkillashtiriladi. 22-25 fevral kunlari shuningdek, ayol hakamlar uchun yig‘in uyushtiriladi. Hakamlar nazoratchilari uchun yig‘in esa 26-28 fevralga rejalashtirilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
