Liviyalik siyosiy va harbiy rahbar Muammar Kaddafi o‘tgan yillikda «Manchester Yunayted»ni sotib olishi mumkin edi. Bu haqda The Sunday Times nashri xabar tarqatdi.
Moliyachi Mehmet Dalman nashrga bergan ma’lumotiga ko‘ra, 2004 yilda u samolyot orqali Liviyaga uchib borgan. Dalman o‘shanda Kaddafining maslahatchisi bilan uchrashgan va «Manchester Yunayted»ning 29,9 foiz aksiyalarini sotib olish masalasini muhokama qilgan.
Muzokarlar vaqtida gap o‘shanda Jon Manyera va Jey Pi Makmanusga tegishli bo‘lgan aksiyalarni xarid qilish haqida borgan. O‘sha vaqtda ularning «Manchester Yunayted»dagi ulushi eng ko‘p miqdorda bo‘lgan va nazorat paketi ularda qolgan.
«Odamlar liviyalik diktator klubni sotib olishga qanchalik yaqin kelganini tasavvur qila olishmaydi. Qazzofiy deyarli klubni sotib olib bo‘lgandi. Savdo amalga oshishiga juda yaqin qolgandi. Gap qandaydir soatlar haqida ketmoqda», – degan Dalman.
29,9 foiz ulushni oxir-oqibatda Gleyzerlar oilasi sotib olgan. Muammar Kaddafi esa 2011 yilda Liviyadagi urushlar davomida vafot etgan.