O‘zbekiston Milliy Olimpiya qo‘mitasi prezidenti va O‘zbekiston futbol assosiasiyasi 1-vise-prezidenti Umid Ahmadjonov Andijon ishchi guruh bilan Andijonga tashrif buyurgani haqida avval xabar berib o‘tgandik.
Kun davomida Sho‘rbuloq futbo maktab-internati, “Andijanka” ayollar futbol jamoasi, “Sog‘lom avlod” stadioni, Olimpiya zaxiralari kolleji, “Qo‘qon-1912” klubiga qarashli “Markaziy” stadioni bilan tanishgan Umid Ahmadjonov kunning oxirida viloyat futbol mutassaddilari va sport federasiyalari vakillari bilan uchrashdi.
Tadbirni Andijon viloyati hokimi o‘rinbosari Serobiddin Ismoilov ochib berdi. Shundan so‘ng Umid Ahmadjonov so‘zga chiqib viloyat sportida yuzaga kelgan vaziyatga atroflicha to‘xtalib o‘tdi. Eng avvalo “Andijon” futbol klubi so‘nggi yillarda barqaror o‘yin namoyish eta olmasdan viloyatning futbolsevar muxlislarini ranjitayotganligi, jamoa oldiga o‘tgan yilgi mavsum yakunlariga ko‘ra garchand kuchlilar safiga yo‘llanma olish vazifasi qo‘yilgan bo‘lsada buni uddalay olmaganiga alohida urg‘u berdi.
Bu borada vilolyat futbol federasiyasi birinchi vise-prezidenti Bekzod Karimov va “Andijon” futbol klubi bosh direktori Ma’ruf Abdusalomovlarga futbol tizimini qayta ko‘rib chiqish va ishlarni to‘g‘ri yo‘lga qo‘yish masalasida O‘zbekiston futbol assosiasiyasiga bir haftalik muddatda aniq takliflar kiritish vazifasini yukladi. Shu bilan birgalikda viloyatda futbol tizimini butunlay yangidan yaratish, futbol maktab-internatlari va olimpiya zaxiralari koleji strukturasi hamda shtat jadvalini qaytadan ko‘rib chiqish bo‘yicha mutasaddi xodimlarga topshiriqlar berdi.
Jumladan, futbol maktablari davlat ajratayotgan pullarga boqimanda bo‘lmay, o‘zlari iste’dodli bolalarni tarbiyalab, keyinchalik ularni boshqa klublarga sotgan holda daromad ko‘rishlari kerakligini ta’kidladi.
“Davlatimiz futbol maktablariga katta mablag‘ ajratadi. Bizning davlatga o‘xshash davlat boshqa yerda yo‘q. Lekin futbol maktablari davlat beradigan pulga qarab o‘tirmay o‘zlari ham mustaqil ravishda daromad ko‘rishni yo‘lga qo‘yishlari kerak”, - dedi Umid Ahmadjonov.
Shuningdek, Umid Ahmadjonov Andijon viloyati futbol federasiyasi tomonidan amalga oshirilayotgan chora-tadbirlarni muntazam ravishda OAVda yoritib borish bo‘yicha ham topshiriq berdi.
“Jurnalistlar ham futbolni rivojlantirish bo‘yicha o‘z takliflarini berishsa, biz bu takliflarni ko‘rib chiqishga tayyormiz. Hammamiz birgalikda ishlab, O‘zbekistonda futbolni yangi bosqichga olib chiqishimiz, futbol tizimini to‘g‘ri yo‘lga qo‘yishimiz kerak”, deya qo‘shimcha qildi Umid Ahmadjonov.
Shundan so‘ng MOQ Prezidenti olimpiya sport turlari bo‘yicha federasiyalarning viloyat bo‘limi mas’ullari bilan suhbatlashdi. Andijon olimpiya zaxiralari koleji faoliyati tanqidiy ruhda ko‘rib chiqildi. Ushbu kolej birinchi navbatda o‘z nomini oqlab, faqat olimpiya sport turlari bo‘yicha faoliyat olib borishiga alohida urg‘u berildi.
Yig‘ilish davomida O‘zbekiston Milliy olimpiya qo‘mitasining Andijon viloyati bo‘yicha vakili Abdulla Ziyaidov o‘z ishiga bo‘lgan mas’uliyatsizligi sabab vazifasidan ozod etildi. Uning o‘rniga yosh va shijoatli, sportni chin ma’noda sevuvchi, eng muhimi vatanparvar nomzodni tavsiya etishni so‘rab viloyat hokimi o‘rinbosariga murojaat qildi.
Endilikda butun mamlakatimiz bo‘ylab olimpiya zaxiralari kolejlari Milliy olimpiya qo‘mitasi nazoratiga o‘tishi, ushbu sport maskanlarida faqat eng iqtidorli yoshlar tahsil olishi va ularning asosiy vazifasi eng avvalo terma jamoalarimizga munosib nomzodlar yetkazib berish bo‘lishi ta’kidlab o‘tildi. Yig‘ilish davomida mutasaddi xodimlarga tegishli ko‘rsatma va topshiriqlar berildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
