24 yanvar kuni Shveysariyaning Lozanna shahrida futbol taraqqiyotida muhim bosqichni boshlab beradigan yangi musobaqa – UYEFA Millatlar Ligasi g‘olibi va sovrindorlari uchun tayyorlangan sovrinlar namoyish etildi.
Tabiiyki, anjuman ishtirokchilari yangi turnirning dastlabki qur’a tashlash jarayoniga guvoh bo‘lishdi.
Turnirning asosiy vazifasi
Olamshumul ahamiyatga ega bo‘lgan o‘zgarishlar - futbol olamidagi kam-yob voqea. UYEFA Millatlar Ligasi shunday tarixiy voqealardan biri. Turnir g‘oyasi kecha yoki bir yil avval paydo bo‘lgani yo‘q.
Yevropa futboli ma’murlarining 2011 yili Kiprdagi uchrashuvida tilga olingan mavzu uch yil davomida qizg‘in muhokamadan o‘tdi. 2014 yil 27 martda Ostona shahri mezbonligida o‘tgan UYEFA XXXVIII-Kongressida ishtirokchilar Millatlar Ligasi tashkil etish g‘oyasini qo‘llab-quvvatlashdi.
Jamoalar qay tartibda ligalarga ajratildi?
«Ko‘hna qit’a»ning 55ta terma jamoalari UYEFAning 2017 yil 11 oktyabridagi reytingiga ko‘ra taqsimlandilar. Ro‘yxatni 40,747 ball to‘plagan Germaniya termasi boshqarib turgan bo‘lsa, so‘nggi o‘rindagi Gibraltar hisobida 7,550 bal bor. Rossiya terma jamoasi 15-o‘rinda (29,258) qayd etildi.
Xullas, 1-12-o‘rinlarni band etgan terma jamoalar «A», 13-24-pog‘onalar sohiblari «V» ligasidan joy olishdi. «S» ligasidan 15ta (25-39-o‘rinlar), «D» ligasidan esa 16ta (40-55) mamlakat termalari joylashtirildi.
O‘z navbatida terma jamoalar reyting ko‘rsatkichlari bo‘yicha savatchalarga taqsimlanadilar va qur’a orqali guruhlarga bo‘lingan holda kurashga kirishishadi.
Dastlabki bosqich qanday o‘tadi?
Har bir ligada jamoalar to‘rtta guruhga bo‘linadilar. Ya’ni «A» va «V» ligalarida guruhlar uchta jamoalardan, «S» hamda «D» guruhlarida 3-4 jamoalardan tashkil topadi. Ular ikki davrali musobaqada (uy-safar tizimi) bellashadilar.
«V», «S» va «D» ligalaridagi guruh g‘oliblari yuqori ligaga ko‘tariladilar, oxirgi o‘rinlarni egallaganlar past ligaga o‘tadilar. Bosh sovrin, kumush va bronza medallari sohiblari esa «A» ligadagi guruhlar g‘oliblari o‘rtasida olimpiya tizimi asosida (yarim final, uchinchi o‘rin, final) aniqlanadi.
Futbolchi va klublar yumushi ko‘payadimi?
Ma’lumki, terma jamoalar ishtirokidagi yangi musobaqalarga klub mutasaddilari doimo qarshi bo‘lishadi. Chunki, futbolchilarni ish haqi bilan ular ta’minlashadi. Futbolchilar esa terma jamoa tarkibidagi uchrashuvlarda jarohat olishlari mumkin. Bundan tashqari, futbolchi toliqib qoladi.
Biroq UYEFAdagilarning ta’kidlashlarcha, Millatlar Ligasi va Yevropadagi saralash uchrashuvlari xalqaro standart taqvimi asosida tashkil etiladi. Qolaversa, mutasaddilar yangi turnir futbolchi va klublar uchun ma’lum yengilliklar yaratishini taxmin qilmoqdalar.
O‘rtoqlik uchrashuvlari kamayadi, terma jamoa esa o‘z saviyalaridagi jamoalar bilan muntazam kuch sinashish imkoniyatiga ega bo‘lishadi. Juftlangan uchrashuvlardan keyin futbolchilar o‘z klublariga barvaqt qaytish imkoniyatiga ega.
O‘rtoqlik uchrashuvlari butunlay tugatiladimi?
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
