12 fevral kuni Osiyo chempionlar ligasining yangi mavsumiga start beriladi. O‘zbekistonning amaldagi chempioni va kubogi sohibi sifatida musobaqaning guruh bosqichiga to‘g‘ridan-to‘g‘ri yo‘llanma olgan “Lokomotiv” ilk turda BAAning “Al Vahda” jamoasini qabul qiladi. Xo‘sh, bu jamoa “temiryo‘lchilar” uchun uchun qanchalik darajada xavfli?
“AL VAHDA” (BAA)
“Al Vahda” o‘tgan mavsumda BAA Pro-ligasida 5-o‘rinni egalladi. Jamoa 26 o‘yinning 10tasida g‘alaba qozongan bo‘lsa, 7 uchrashuvda mag‘lubiyatga uchradi. Shuningdek, 9 bahsda durang qayd etdi. 54 bora gol urishgan jamoa, 40 marta o‘z darvozasidan to‘p o‘tkazib yubordi. Umumiy 39 ochko to‘pladi. 3-pog‘onani qo‘lga kiritgan “Al Ahli” OCHLda qatnashmaganligi sababli, “Al Vahda” turnirning guruh bosqichiga yo‘l oldi.
“Al Vahda” boshqaruvini 2017 yilning iyulida ruminiyalik mutaxassis Laurentiu Rejekamp o‘z qo‘liga oldi. Murabbiylik faoliyati davomida “Snagov”, “Krayova Universiteti”, “Styaua” (barchasi Ruminiya), “Al Hilol” (Saudiya Arabistoni) kabi jamoalarda ham ishlagan. “Al Hilol”ni 2014 yilgi mavsumda OCHLning finaligacha olib borgan. BAA va Ruminiya superkuboklarida g‘olib bo‘lgan. Shuningdek, “Styaua” bilan mamlakat chempionligi va kubogini qo‘lga kiritgan.
1974 yilda tashkil topgan jamoa BAAning 4 karra chempioni, bir martadan mamlakat kubogi va superkubogini qo‘lga kiritgan. Uchrashuvlarni Abu Dabidagi 12000 tomoshabinga mo‘ljallangan “Al Naxiyan” stadionida qabul qiladi.
Ayni damda BAA pro-ligasining 15 turi ortda qolgan. “Al Vahda” 10 g‘alaba, 3 durang va 2 mag‘lubiyat qayd etgan holda, peshqadam “Al Ayn”dan 2 ochko kamroq jamg‘arib, 2-o‘rinda ketmoqda.
Jamoa tarkibida Rim Chang-Vu (Janubiy Koreya), Balash Judjak (Vengriya), Denilson (Braziliya), Murod Batna (CHernogoriya) va Sebastyan Tanglibyue (Argentina) kabi horijliklar klub sharafini himoya qilishadi. Argentinalik hujumchi klubning ayni damdagi to‘puraridir. Uning hisobida 12 gol bor.
“Al Vahda” 20 yanvar kuni BAA superkubogida Sardor Rashidov harakat qilgan “Al Jazira”ni mag‘lub etdi, 2:0.
O‘zbekiston jamoalaridan faqatgina “Bunyodkor”gina “Al Vahda” bilan kuch sinashgan. 4 o‘yinda vakillarimiz 3 bora g‘alabaga erishgan bo‘lsa, 1 marta durang qayd etilgan. Arablar hali biznikilarni mag‘lub etishmagan. To‘plar nisbati 10-5ga teng. “Al Vahda”ning o‘zbek jamoasi bilan so‘nggi o‘yini 2011 yilning 3 mayida bo‘lib o‘tgan. O‘sha bahsda “Bunyodkor” 3:2 hisobida g‘alaba qozongan.
09.03.2010 “Al Vahda” – “Bunyodkor” – 1:2
28.04.2010 “Bunyodkor” – “Al Vahda” – 4:1
02.03.2011 “Al Vahda” – “Bunyodkor” – 1:1
03.05.2011 “Bunyodkor” – “Al Vahda” - 3:2
Jamoalarning OCHLdagi umumiy natijalari:
|
Lokomotiv
|
|
Al Vahda
|
|
24
|
O‘yin
|
44
|
|
5
|
Yutuq
|
14
|
|
9
|
Durang
|
12
|
|
10
|
Mag‘lubiyat
|
18
|
|
28-36
|
To‘plar-nisbati
|
70-60
|
Uchrashuvni yaponiyalik hakamlar brigadasi boshqarib boradi. Bosh hakam – Tojo Minoru. Unga qanotlarda Ochi Shinji va Takagi Takumi yordam beradi. Turkmanistonlik Chorimurod Qurbonov esa to‘rtinchi hakam bo‘lib ishlaydi. Erondan Enayat Masud hakamlar nazoratchisi etib tayinlangan. Uchrashuv komissari sifatida gong konglik Chan Ka Chung qayd etilgan.
Eslatib o‘tamiz, “Lokomotiv” – “Al Vahda” uchrashuvi 12 fevral kuni soat 16:00da start oladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
