O‘zbekiston Superligasi turdan-turga qizib, o‘z nomiga munosib bo‘lib boryapti. Buni uchrashuvlarda qayd etilayotgan natijalar ham isbotlab turibdi.
Turnir jadvalidagi jamoalarning joylashuvi ham milliy chempionatimizning saviyasi ko‘tarilib borayotganidan dalolat beradi. Shu kungacha beshta tur o‘tkazilgan bo‘lsa, unda ochko yo‘qotmagan jamoaning o‘zi qolmadi.
Amaldagi chempion «Lokomotiv»dan esa bunday omadsiz startni hech kim kutmagandi. Vise-chempion «Nasaf»ni ham mavsumni ko‘ngildagidek boshladi, deyish mushkul.
Ehtimol, «temiryo‘lchilar» va «ajdarlar»ning OCHL turnirida ishtirok etishayotgani ham ichki chempionatdagi natijalarning pasayib ketishiga sabab bo‘lgandir?
Har holda bir vaqtning o‘zida ikkita turnirda qatnashish oson emas. Boz ustiga, ulardan biri Osiyoning eng nufuzli musobaqasi hisoblanadi.
Umuman olganda, bizga ana shunday kutilmagan natijalarga boy futbol kerak. Bir tekis kechadigan va ssenariysi oldindan ma’lum bo‘ladigan chempionatdan zerikkanmiz. Mavsum oxirigacha shunday murosasiz ruhda davom etishi tarafdorimiz.
Bugun e’tiboringizga «Nasaf» jamoasi hujumchisi Bobur Abduxoliqov bilan uyushtirilgan intervyuni havola etamiz. Suhbatimiz Yevropa futbolidan boshlandi.
- Bobur, Yevropa klublaridan qaysi jamoaga muxlislik qilasiz?
- «Chelsi»ga. menga Angliya futboli juda yoqadi. Uning jozibasi baribir boshqacha.
- So‘nggi yillarda «Chelsi»ga nima yetishmayapti?
- Menimcha, barqarorlik. Mavsumni bir maromda o‘tkaza olishmayapti.
- «Chelsi» tarkib borasida Angliyaning boshqa yetakchi klublaridan kuchsizroqmi?
- O‘ylashimcha, yo‘q. Jamoada yulduz futbolchilar yetarli. Yuqorida aytganimdek, bu jamoa bir tekis futbol namoyish etolmayapti. «Manchester Siti» klubidek barqaror o‘yin ko‘rsatmayapti.
Bir tomondan «Chelsi» va «Siti»ni hozirgi holatda bir-biri bilan taqqoslab ham bo‘lmaydi. Manchesterliklar yovvoyi futbol ko‘rsatishmoqda. Yo‘ldan chiqqan raqibni «er tishlatishmoqda».
- «Chelsi»ning oltin davri sifatida o‘zingiz ko‘rgan va bilgan qaysi yillarni aytgan bo‘lardingiz?
- 2008 yilgi mavsumni aytishim mumkin. O‘sha avlod futbolchilari juda kuchli bo‘lishgan.
- Nima uchun aynan «Chelsi»ga muxlislik qilasiz? Masalan, men Andrey Shevchenkoning o‘yinlari sabab «aristokratlar» ishtirokidagi uchrashuvlarni tomosha qilganman.
- Yoshligimdan Didye Drogba, Frenk Lempard, Jon Terri singari futbolchilarning o‘yiniga havas bilan qarardim. Shu bois ham «Chelsi»ga muxlis bo‘lib qolganman.
- Bobur, keling, endi o‘zimizning futbol haqida gaplashsak. Afsuski, «Nasaf» uchun bu yilgi OCHL mavsumi guruh bosqichidayoq yakunlanadigan bo‘ldi.
Nima deb o‘ylaysiz, raqiblar kuchlilik qildimi yoki omadsizlikning boshqa omillari bormi?
- Tan olish kerak, raqiblar bizdan kuchli edi. Eron va Qatar klublari tarkibida tajribali futbolchilar yetarli bo‘lib, ular aynan individual harakat evaziga muvaffaqiyatga erishishdi.
Ba’zi holatlarda esa bizdan omad yuz o‘girdi, ayrim vaziyatlarda tajriba yetishmadi.
- Mavsumlar oralig‘ida «Nasaf» yetakchilarining jamoani tark etishgani ham bunga ta’sir qildimi?
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
