Ikkinchi davrani muvaffaqiyat bilan boshlagan “Nasaf” jamoamiz oliy 13-tur uchrashuvini safarda “Buxoro” jamoasiga qarshi o‘tkazadi.
Ushbu uchrashuv 26 may shanba kuni “Buxoro” arenada soat 19:20da boshlanadi.
Pepsi Superliga, 13-tur
“BUXORO” – “NASAF”
26.05.2018. “Buxoro” arena. 19:20da
Bosh hakam: Viktor Serazitdinov (Toshkent)
Qanot hakamlari: Rasuljon Fozilov (Namangan), Mo‘minjon Majidov (Namangan)
Zaxira hakami: Ziyodullo Abdurahmonov (Andijon)
Nazoratchi: Alisher Abdullayev (Toshkent)
Komissar: Roman Chernikov.
Ma’lumot uchun, Viktor Serazitdinov mazkur jamoalarning birinchi davradagi, Qarshida bo‘lgan uchrashuvini ham boshqargan edi. Unda "Nasaf" 3:1 hisobida g‘alaba qozongan edi.
O‘zaro uchrashuvlar tarixidan
Mazkur jamoalar milliy chempionatimizda shu paytgacha o‘zaro 41 marta kuch sinashganlar. O‘zaro bo‘lib o‘tgan uchrashuvlarning 22 tasida "Nasaf"ning qo‘li baland kelgan. 9 uchrashuvda murosa ko‘chasi tanlangan bo‘lsa, 10 uchrashuvda buxorolik futbolchilar g‘alabaga erishgan.
To‘plar nisbati bo‘yicha ham ustunlik iarshiliklar tomonida 72-39. “Nasaf”ning “Buxoro” jamoasi ustidan qozongan eng yirik hisobdagi g‘alabasi - 6:0. “Buxoro” jamoasi esa 5:1 - eng yirik hisobda g‘alabaga erishgan. Bu hisoblar Buxoroda qayd etilgan.
Qarshida bo‘lib o‘tgan bu yilgi ilk o‘zaro uchrashuvda, "ajdarlar" 3:1 hisobida g‘alaba qozongan.
Buxorodagi uchrashuvlar tarixidan
Mazkur jamoalar Buxoroda 20 marta o‘zaro kuch sinashgan “Buxoro” o‘z uyida 10 bor “Nasaf”ni taslim qilgan. 4ta uchrashuvda murosa ko‘chasi tanlangan. “Nasaf” 6 marta Buxorodan uch ochko bilan qaytgan. O‘zaro uchrashuvlarda darvozalarga jami 58ta to‘p kiritilgan. To‘plar nisbati bo‘yicha ustunlik “Buxoro” tomonida 30-28.
O‘tgan yilgi Buxoroda o‘tgan o‘zaro uchrashuvda mezbonlar kichik, 1:0 hisobida g‘alabaga erishgan.
Buxoro o‘tgan so‘nggi besh uchrashuv:
12.08.2017. “Buxoro” – “Nasaf” 1:0
24.04.2016. “Buxoro” – “Nasaf” 0:2
12.04.2015. “Buxoro” – “Nasaf” 0:2
15.08.2014. “Buxoro” – “Nasaf” 0:2
29.10.2013. “Buxoro” – “Nasaf” 1:5
Jamoalarning turnir jadvalidagi holati
“Buxoro” jamoasi hozirgacha 12 uchrashuv o‘tkazgan va bu uchrashuvlar orqali 21 ochko to‘plagan. Ular ayni paytda turnir jadvalining 4-pog‘onasini band etib turishibdi. “Nasaf” ham joriy chempionatda 12 uchrashuv o‘tkazdi. To‘plagan ochkolari soni 17ta va turnir jadvalining 6-pog‘onasida bormoqda. Jamoamiz o‘tgan tur uchrashuvini o‘z maydonida “Neftchi” jamoasiga qarshi o‘tkazdi va 2:0 hisobida g‘alaba qozondi. Safarda “Qo‘qon-1912” jamoasi bilan kuch sinashgan “Buxoro” jamoasi esa, 1:2 hisobida g‘alabaga erishdi.
O‘zaro uchrashuvlar tarixidan yana ma’lumotlar
O‘zaro uchrashuvlar tarixiga nazar tashlasak, “Buxoro” jamoasi darvozasini dastlab qarshiliklarning sobiq hujumchisi Aleksandr Beynarovich ishg‘ol etgan. Ushbu uchrashuv 1997 yil 8 avgustda Qarshida bo‘lib o‘tgan va "Nasaf" raqiblarini 3:0 hisobida mag‘lub etgan. Aleksandr Beynarovich 1997 yilda "Nasaf" safida to‘p tepgan. So‘nggi marta “Buxoro” darvozasiga gol urgan "Nasaf" futbolchisi Slavko Lukich bo‘lib turibdi. U birinchi davraning 2-turida bo‘lib o‘tgan Qarshidagi uchrashuvda, qarshiliklarning uchrashuvdagi uchinchi golini kiritgan edi.
Ayni paytda "Nasaf"da murabbiylik faoliyatini olib borayotgan sobiq futbolchilardan Ro‘ziqul Berdiyev, Shuhrat Toshpo‘latov, Nikolay Minchev, Zafar Xolmurodov va Nurali Sultonovlar ham o‘zaro uchrashuvlarda “Buxoro” jamoasi darvozasiga gol kiritishgan.
Mazkur jamoalarning o‘rinbosarlari o‘rtasidagi uchrashuv, 25 may juma kuni Buxoro shahridagi klub qarorgohi maydonida bo‘lib o‘tadi. Uchrashuv soat 17:00da boshlanadi.
Bo‘lajak uchrashuvga “Nasaf” PFK muxlislar klubi faollari ham jiddiy tayyorgarlik ko‘rishmoqda. Shuni alohida ta’kidlash joizki, yon qo‘shnilar bo‘lmish ikkala jamoa muxlislar klubi ancha yillardan buyon do‘stona aloqa qilib kelishadi. Ashaddiy muxlislar o‘yin kuni “ajdarlar”ni bevosita stadionda turib qo‘llab-quvvatlashni rejalashtirganlar.
Uchrashuvga marhamat qiling!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
