Arsen Venger «Arsenal» boshqaruvini qo‘lga olgan 1996 yili APL klublarining hozirgi bosh murabbiylari nima bilan mashg‘ul edilar?
Qiziqarli savol, to‘g‘rimi? Axir oradan salkam chorak asr o‘tdi. «Arsenal» fransiyalik futbol professori qo‘l ostida yangi asrning birinchi 10 yilligida juda omadli o‘ynadi - milliy chempionatda 3 bora taxtga ko‘tarildi, Angliya kubogi va superkubogini 4 martadan qo‘lga kiritdi, qolaversa, UYEFA kubogi hamda YECHL finallariga chiqdi.
Eng asosiysi, «kanonirlar» o‘ta nafis futbol ko‘rsatishgandiki, ularga befarq qarash ilojsiz edi. Biroq oxirgi yillarda vaziyat o‘zgarib, Vengerga e’tirozlar ko‘paydi... Xullas, 22 yillik rishta uzildi.
Fransuz mutaxassisining APLda nechog‘li yorqin iz qoldirganini bitta fakt misolida yaqqol ko‘rish mumkin - u yakunlangan mavsum milliy chempionatlar oliy divizionida ishlagan mutaxassislar orasida jamoasi bilan 20-asrda hamkorlik qila boshlagan yevropalik yagona murabbiy bo‘ldi!
Qiziq, Venger va «Arsenal» o‘zaro bog‘langan vaqt APL jamoalarining hozirgi bosh murabbiylari (mavsum-2017|2018da ishlaganlar) qayerda va nima bilan mashg‘ul edilar?
Quyidagi suratli maqola turnir jadvalining yakuniy holati bo‘yicha yozilgan. Ya’ni hammasi eng pastki pog‘onalarni band etgan jamoalar bosh murabbiylaridan boshlangan.
Darren MUR («Vest Bromvich»)
1996 yilgi holati: «Donkaster Rovers» futbolchisi, 22 yosh
Venger «Arsenal» boshqaruvini qo‘lga olgan vaqt Mur 4-divizion ishtirokchisi «Donkaster Rovers»da o‘ynardi. Umuman, kattalar futbolida ilk qadamlarini tashlagan Yamayka vakili mehnatkash va ishonchli markaziy himoyachidek taassurot uyg‘ota boshlagandi.
Pol LAMBERT («Stok Siti»)
1996 yilgi holati: «Borussiya» D. futbolchisi, 27 yosh
Pol atigi bir mavsum (1996|1997) Shotlandiyadan tashqarida o‘ynagan. Muhimi, u o‘shanda CHL finalida Karl-Xayns Ridle urgan golga hammualliflik qilib, «shalpangquloq» kubokni Qo‘shma Qirollik tashqarisidagi jamoa safida boshi uzra baland ko‘targan birinchi britaniyalik bo‘lgandi.
Karlush KARVALYAL («Suonsi»)
1996 yilgi holati: «Eshpinyu» futbolchisi, 30 yosh
Portugaliyalik Karvalyal futbolchilik faoliyatining yakuniy qismida kamtarin «Eshpinyu» safiga qo‘shilib, klub sharafini 4 yil himoya qilgandi. E’tiborlisi, Karlush butsalarini mixga ilganidan keyin darhol «Eshpinyu» bosh murabbiyi vakolatini qo‘lga olgan.
Mark XYUZ («Sautgempton»)
1996 yilgi holati: «Chelsi» futbolchisi, 32 yosh
«MYU» tarbiyalanuvchisi sanalgan Mark 1996 yili kuzda «aristokratlar» safidagi ikkinchi mavsumini boshlagandi. 1999 yilga kelib, hali faoliyati davom etayotgan futbolchini Uels termasi boshqaruviga taklif etishadi!
Devid VAGNER («Xaddersfild»)
1996 yilgi holati: «Shalke» futbolchisi, 24 yosh
«Mayns»da 4 yil o‘ynab, 19ta gol urgan Devid 23 yoshida Gelzenkirxen jamoasi bilan shartnoma tuzgandi. Biroq «Shalke»da aytarli karomat ko‘rsatolmaydi - 2 yilda atigi 2ta gol. To‘g‘ri, Vagner mavsum-1996|1997da UYEFA kubogi sohibiga aylangan edi.
Kris XYUTON («Brayton»)
1996 yilgi holati: «Tottenxem» (U-21) bosh murabbiyi, 37 yosh
O‘yinchilik faoliyatiga 1993 yili nuqta qo‘ygan Xyuton darhol «shporlar» tizimida murabbiy sifatida ish boshlagandi. Avvaliga U-21 toifasidagi o‘rinbosarlar tarkibini boshqargan Kris «Arsenal» - Venger ittifoqi tuzilganidan 1 yil o‘tibgina asosiy jamoa murabbiylari shtabidan o‘rin oladi.
Xavyer GRASIYA («Uotford»)
1996 yilgi holati: «Real Sosyedad» futbolchisi, 26 yosh
Xavyer 1996 yili San-Sebastyan jamoasi safida ikkinchi mavsumini o‘tkazgan. U qisqa vaqtda ishonchli va abjir tayanch yarim himoyachisi sifatida gavdalanib, «Real Sosyedad» yetakchilari qatoriga qo‘shilgandi.
Grasiya 1999 yili «Vilyarreal»ga o‘tishga qadar San-sebastyanliklar libosida 100tadan ortiq o‘yinda qatnashganini ham aytish o‘rinli.
Devid MOYES («Vest Xem»)
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
So‘g‘diyona
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
