Ispaniyalik Xosep Gvardiola tan olingan hamkasblari - Karlo Anchelotti va Joze Mourinyodan so‘ng Yevropaning yetakchi 5ta milliy ligasidan kamida 3tasida g‘alaba nashidasini surgan 3-murabbiy bo‘ldi.
Kataloniyalik mutaxassis bu yil «Barselona» va «Bavariya» boshqaruvida qo‘lga kiritgan Ispaniya hamda Germaniya chempionatlarining 3tadan oltin medali yoniga Angliya Premyer ligasi bosh sovrinini ham qo‘shib qo‘ydi.
Muhimi, u yo‘l-yo‘lakay «Manchester Siti» bilan bir qator ahamiyatli rekordlarni ham yangilab qo‘ydi.
Rekordlar guldastasi
Kataloniyaning sodiq farzandi murabbiylik faoliyatini 2008 yili 47 yoshida boshlagandi. Demakki, u 9 mavsumdan buyon katta futbol ichida. Shundan 7tasida esa o‘z boshqaruvidagi klublarni milliy birinchiliklarda taxtga olib chiqdi. Aqlni shoshirib qo‘yadigan statistika!
Biroq Pep loyihasining bitta o‘xshamagan tomoni bor - «Bavariya»da ham, «Manchester Siti»da ham undan avvalo, Yevropa Chempionlar Ligasida g‘alaba ta’minlashni kutishgandi. Ammo kataloniyalik mutaxassis xalqaro arenada «Barsa»dagi muvaffaqiyatini takrorlay olmayapti.
Mana, u oxirgi yevrokampaniyada «Liverpul» to‘sig‘idan o‘tish ilojini topolmadi. Juda alamli natija, «shaharliklar» haligacha buning asl mohiyatiga yetolmayaptilar.
1:5 - prinsipial raqibga qarshi kechgan chorak finalning umumiy hisobi «Siti»ning XXI asrdagi uchinchi chempionligiga biroz soya solayotgandek. Ammo Pep navbatdagi milliy oltin medaliga bir necha rekordlar bilan o‘zgacha jilo bag‘ishlaganini unutmaslik kerak.
23-raqamli sovrin
APL chempionlik unvoni Gvardiolaning murabbiylik faoliyatidagi 23-sovrindir. O‘rtacha hisobda aytsak, u har mavsum o‘z kolleksiyasiga 2,5tadan sovrin qo‘shib qo‘ymoqda.
Bu borada birgina Zayniddin Zidan nisbatan yuqoriroq sur’atga ega: fransuz mutaxassisi «Real»da bir mavsum uchun 3ta sovrin to‘g‘rilamoqda.
Qolaversa, u Gvardioladan farqli o‘laroq, Chempionlar Ligasi-2017|2018da ham g‘olib chiqdi. Biroq buyuk Zizuning umumiy sov-rinlar jamg‘armasi bo‘yicha kataloniyalik bilan tenglashishiga hali ancha bor.
NAVBATDA LIGA 1 YOKI «A» SERIYASI?
Tushunarliki, Gvardiolaning hozirgi asosiy maqsadi - CHLda yana g‘alaba nashidasini surish. Har holda, u turnirda oxirgi marta 2011 yili zafar cho‘qqisiga chiqqandi va o‘sha damlarni sog‘ingani tayin.
Umuman, kataloniyalik ayni paytdagi «Siti»ni Yevropa bo‘yicha eng kuchli jamoa darajasiga olib chiqishi mumkin bemalol. Bordiyu, bu borada ishlari yurishmasa, unga hali «bo‘ysinmagan» yana 2ta jiddiy chempionat bor...
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
