“Navbahor” – “Qo‘qon-1912” uchrashuvidan so‘ng o‘tkazilgan matbuot anjumanida har ikki jamoa ustozlari va bir nafardan eng yaxshi deya e’tirof etilgan futbolchilar ishtirok etishdi.
“Qo‘qon-1912” bosh murabbiyiga yarim himoyachi Javohir Sidiqov hamroxlik qildi. Ilhom Mo‘minjonov esa matbuot anjumaniga Azamat Allaniyozov bilan birgalikda tashrif buyurdi.
- O‘yindan so‘ng kiyinish xonasiga kirgach, yigitlarning tushkun kayfiyatga tushib qolganiga guvoh bo‘ldim. Shu sababdan mag‘lub bo‘lgan bo‘lsak ham, bugun o‘yinimiz qovushmagan bo‘lsa ham o‘yinchilarimizga tanbeh berib o‘tirmadim. Aksincha, ularni ruhan qo‘llab-quvvatlashga urindim. Bu – futbol.Unda mag‘lubiyatlar bo‘lib turadi. Chempionatni yaxshi boshlagan edik. Lekin so‘nggi 4-5 o‘yindan beri o‘z o‘yinimizni namoyish eta olmayapmiz. Raqibga kelsak, “Navbahor” yaxshi o‘yin ko‘rsatdi. Ushbu jamoani g‘alaba bilan tabriklayman, - dedi No‘’mon Hasanov.
- “Navbahor” jamoasi o‘z maydonida juda yaxshi o‘yin ko‘rsatadi. Xatto grand klublar ham Namanganda mag‘lub bo‘lishganiga guvoh bo‘ldik. Shuni inobatga olib, o‘yinga imkon qadar yaxshi hozirlik ko‘rishga uringan edik. Biroq o‘tkazib yuborilgan tezkor gol barcha rejalarimiz buzib yubordi. Endi mavsum avvalida ko‘rsatgan o‘yinlarimizni yana qaytarishimiz kerak. Bugun bizni qo‘llab-quvvatlagan barcha qo‘qonliklarga minnatdorchilik bildiraman, - dedi Javohir Sidiqov.
- Bugungi o‘yin ancha chiroyli bo‘ldi. Hisob yanada yirikroq ko‘rnish olishi ham mumkin edi. Biroq yigitlar ba’zida yaratilgan juda qulay imkoniyatlarni golga aylantira olishmadi. Birinchi galda, ishqibozlarimizni ushbu g‘alaba bilan tabriklayman. Bugun maydonga tushgan futbolchilarimiz men bergan ko‘rsatmalarni to‘liq ado etishdi. Bundan juda mamnunman, - dedi Ilhom Mo‘minjonov.
- Bugun stadionga bizni qo‘llab-quvvatlash uchun kelgan barcha muxlislarimizni qo‘lga kiritilgan chiroyli g‘alaba bilan tabriklayman. Biz ustozimiz bergan taktik ko‘rsatmalarni imkon qadar yaxshi bajarishga intildik. Hamma bir maqsad yo‘lida harakat qildi va yakunda ajoyib g‘alaba va 3 ochko qo‘lga kiritildi, - dedi Azamat Allaniyozov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
