Karatechimiz «Premier League» sovrindori, O‘KMF Ozarbayjon, Eron va Turkiya karate federasiyalari bilan hamkorlikni yo‘lga qo‘yadi
Turkiyaning Istanbul shahrida karate bo‘yicha «Premier League» tasnifiga kiruvchi nufuzli musobaqa nihoyasiga yetdi. Ushbu turnirda o‘zbekistonlik sportchilar ham ishtirok etishi haqida xabar berib o‘tgandik. Jahonning 35 davlatidan 607 nafar sportchi qatnashgan nufuzli turnirda g‘olib va sovrindorlar 14 ta vazn toifasida aniqlandi. Musobaqa yakuniga ko‘ra, -50kg vaznda yurtimiz sharafini himoya qilgan Bahriniso Babayeva finalgacha yetib borib, kumush medal sohibasiga aylandi.
Terma jamoamiz yetakchisi, «Premier League» turnirlarining Parij (Fransiya), Rotterdam (Gollandiya), Dubay (BAA) va Rabot (Marokash) shaharlarida bo‘lib o‘tgan musobaqalari g‘olibi Sadriddin Saymatov bu safar sovrindorlar qatoridan joy ola bilmagan bo‘lsada, yangilangan jahon reytingida u katta ehtimol bilan o‘z vazn toifasida yana peshqadamga aylanadi.
Musobaqa davomida O‘zbekiston karate milliy federasiyasi rahbariyati bir necha sport delegasiyalari bilan muzokaralar o‘tkazdi. Mamlakatimizda sportga ko‘rsatilayotgan e’tiborni alohida e’tirof etgan Eron va Ozarbayjon karate federasiyasi rahbarlari vakillarimiz bilan hamkorlik qilish istagida ekanliklarini bildirishdi.
Buning samarasi o‘laroq, tez orada ozarbayjonlik karate yulduzlari mamlakatimizga kelib, o‘zbekistonlik yosh karatechilar uchun mahorat darslari o‘tab beradigan bo‘lishdi. Bundan tashqari, Eron terma jamoasida murabbiy sifatida faoliyat olib borayotgan, o‘z vaqtida o‘smirlar va kattalar o‘rtasida jahon chempionligini qo‘lga kiritgan Husayn Rouhani O‘zbekiston terma jamoasi bilan ishlash istagi bor ekanligini aytib o‘tdi.
Qayd etish lozimki, bugungi kunda Eronda bir milliondan ortik karatechi bor va forslar sportning ushbu turi bo‘yicha nafaqat qit’ada, balki jahonda yetakchilar qatorida e’tirof etiladi. Aynan shu jihatlarni hisobga olgan holda terma jamoamiz a’zolari kelajakda Turkiya va Eron karatechilari bilan qo‘shma o‘quv-mashg‘ulot yig‘inlarini o‘tkazish masalasida ham kelishuvga erishildi.
Ma’lumot uchun, sportning karate turi tarixda birinchi marta 2020 yilgi Tokio Olimpiadasida o‘yinlar dasturidan joy oladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
