Musobaqa favoritlarining Jahon chempionatidan chiqib ketish "an’ana"siga Braziliya terma jamoasi chek qo‘ydi. Meksikaga qarshi qiyin kechgan nimchorak final bahsida "pentakempeonlar" g‘alaba qozonishdi.
Meksikaliklar o‘yin boshidan raqib darvozasi tomon jiddiy bosim uyushtirishdi. Faqat ularga so‘nggi aniq berilgan so‘nggi uzatma yoki aniq zarbalar yetishmadi. Birinchi bo‘lim o‘rtalaridan boshlab braziliyaliklar tashabbusni o‘z tomonlariga og‘dira boshladilar. Tite shogirdlarining hujumlari ko‘payib borar ekan, katta sahnaga Meksika terma jamoasi posboni Gilyermo Ochoa chiqa boshladi.
Ammo ikkinchi bo‘lim boshida uyushtirilgan chiroyli hujum qarshisida Ochoa ham ojiz qoldi. Neymar hujumga asos soldi: u jarima maydonchasi tashqarisida tovoni bilan to‘pni Villianga qoldirib ketdi. Yarim himoyachi katta tezlikda chap tomondan jarima maydonchasiga kirdi va narigi ustun tomon uzatma berdi. O‘sha joyga yetib borgan Neymar bo‘sh darvozaga to‘pni joylab qo‘ydi.
Keyingi daqiqalarda dastlab Paulinyo, oradan bir necha daqiqa o‘tib Villian Meksika darvozasi tomon unchalik uzoq bo‘lmagan masofalardan zarba yo‘llashdi. To‘sin ostiga kirayotgan to‘pni meksikalik posbon bartaraf etishga muvaffaq bo‘ldi.
O‘yinning asosiy vaqti tugashiga 2 daqiqa qolganida Braziliya hisobni mustahkamladi. Fernandinyoning uzatmasidan keyin Neymar chap qanotdan oldinga o‘tib, darvozabon bilan yakkama-yakka vaziyatda kuchli bo‘lmagan zarba berdi. To‘p Ochoaning oyog‘iga tegib olis ustun tomon ketdi. Firmino esa bo‘sh darvozani ishg‘ol qildi, 2:0.
Shu tariqa, Braziliya terma jamoasi ishonchli g‘alabani qo‘lga kiritdi va chorak final yo‘llanmasini qo‘lga kiritdi. Keyingi bosqichda "sariq devlar"ga Belgiya-YAponiya juftligi g‘olibi raqib bo‘ladi.
JCH-2018. Nimchorak final
Braziliya – Meksika 2:0 (0:0, 2:0)
Gollar: 1:0 – 51 Neymar, 2:0 – 88 Firmino.
Braziliya – Alisson, Fagner, Tiago Silva, Miranda, Filipe Luis, Villian (Markinyos, 90), Paulinyo (Fernandinyo, 80), Kazemiro, Koutinyo (Firmino, 86), Gabriel Jezus, Neymar.
Meksika – Ochoa, Alvares (Dos Santos, 55), Ayyala, Salsedo, Galyardo, Errera, Markes (Layyun, 46), Guardado, Losano, Ernandes (Ximenes, 60), Vela.
Ogohlantirishlar: Alvares (38), Filipe Luis (43), Errera (55), Kazemiro (59), Salsedo (77), Guardado (90).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
