Yil boshida O‘zbekiston futbol Assosiasiyasining birinchi Vise-Prezidenti Umid Ahmadjanov tomonidan 2018 yilda 1000ta musobaqa o‘tkazilishi aytilgan edi.
2018 yilning 1 iyul sanasiga qadar qilingan hisob kitoblarga ko‘ra, O‘FA minglik marrasining ekvatoridan o‘tdi. Yil davomida O‘FA va hududiy Assosiasiyalar bilan hamkorlikda 550ta musobaqa o‘tkazib bo‘lindi. Eng quvonarlisi shundaki, musobaqalar endi faqat poytaxt bilan cheklanib qolmayapti, balki butun Respublikani o‘z ichiga olgan holda chekka-chekka qishloqlarga ham kirib bordi.
Ayniqsa, Vazirlar Mahkamasining qarori bilan o‘tkazilgan "Charm To‘p" musobaqasida 15 000 nafardan ko‘p bolani qatnashgani katta natija bo‘ldi. Ayni paytda, O‘FA tomonidan vodiy haftaligi o‘z yakuniga yetdi. U yerda "Al Farg‘oniy", "Oltin Vodiy", "Zahiriddin Muhammad Bobur" kuboklari bo‘lib o‘tdi. Keyingi haftalik mezboni voha bo‘lib, u yerda "Amir Temur" va "Voha" Kubogi musobaqalari O‘FA tomonidan yuqori saviyada tashkil etiladi.
Shuningdek, ayni paytda yozgi oromgohlarda "Yoz — o‘tmoqda soz" shiori ostida barcha viloyatlarda futbol musobaqalari tashkil qilinayapti. Bu shior ostida mahallalarda ham chempionatlar tashkil qilindi. Unda jami 10 000 nafarga yaqin bolalarga O‘FA tomonidan maxsus esdalik sovg‘alari tuxfa qilinmoqda va qilinadi.
Quyida, O‘FAning hududiy Assosiasiyalarining musobaqa o‘tkazish bo‘yicha reytingini havola qilamiz.
1. Toshkent shahar 92
2. Andijon 45
3. Qashqadaryo 44
3. Namangan 42
4. Navoiy 40
4. Toshkent viloyati 40
5. Samarqand 39
6. Xorazm 38
7. Farg‘ona 37
7. Qoraqolpog‘iston Respublikasi 37
8. Jizzax 34
9.Sirdaryo 32
10.Surxondaryo 25
11. Buxoro 10
Toshkent shahar futbol Assosiasiyasi musobaqa o‘tkazish bo‘yicha yetakchilikni o‘z qo‘liga olgan. Bu yerda musobaqalar 6 yoshdan boshlab o‘tkazilyapti. Shu bilan bir qatorda Qashqadaryo, Namangan, Andijon, Toshkent viloyati, Navoiy va Samarqand viloyatlari ham faollikni oshirganlar. Farg‘ona viloyatiga yangi rahbar tayinlanganiga ko‘p bo‘lmadi, shu boisdan u yerda keyingi 6 oylikda ish sifati oshishini kutamiz.
O‘FA oldida yana bir qator musobaqalar turibdi, ular orasida eng katta turnirlardan biri bu - Mustaqillik Kubogi bo‘ladi. Undan tashqari, Avgust oyida "Paxtakor-79" xotirasiga bag‘ishlangan katta musobaqaning geografiyasi ham kengayishi kutilayapti.
O‘FA 1000ta musobaqani va’da qilgan edi, yil so‘ngiga kelib musobaqalar soni yana oshadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
