Xabaringiz bor, Rossiyada davom etayotgan JCH-2018 guruh bosqichida amaldagi chempion - Germaniya termasi shov-shuvli tarzda guruhdan chiqa olmadi. Soccer.ru shu munosabat bilan mundialning dastlabki chig‘irig‘ida qoqilgan termalar haqida so‘z yuritadi.
Ta’kidlash joizki, jahon chempionatining zamonaviy formati 1998 yildan boshlab amalda qo‘llanib kelinmoqda. Bunga qadar turli formulalar qo‘llangan: ba’zan o‘z kvartetida uchinchi o‘rinni egallaganlar ham «pley-off» yo‘llanmasini qo‘lga kiritgan bo‘lsalar, avvalroq ikkita guruh bosqichi ham o‘tkazilgan.
Shunday ekan, hisob-kitobni 1998 yili Fransiya yashil maydonlarida o‘tkazilgan JCHdan boshlaymiz.
JCH-1998
Ispaniya termasi
Guruhdagi raqiblar: Nigeriya (2:3), Paragvay (0:0), Bolgariya (6:1).
Yevro-2008|JCH-2010|Evro-2012dagi g‘alabali seriyani qayd etishdan avval ispanlar yirik turnirlarda omadsizlikka yuz tutishgan. Vaholanki, o‘shanda ham tarkib yomon emasdi, jamoani kuchli murabbiylar boshqarishgan. To‘g‘ri, Ispaniya avvallari «pley-off» bosqichiga yetib borardi, ammo 1998 yilgi mundial ancha muvaffaqiyatsiz yakunlandi.
O‘shanda Xavyer Klemente «Real»dan (ECHLning amaldagi g‘olibi) 6, «Barselona»dan sakkiz futbolchini tarkibga kiritgandi. Jumladan, Raul, Moryentes, Luis Enrike, Subisarreta, Yerro va Pissi - so‘nggi ikki nom egalari JCH-2018da murabbiy sifatida qatnashishga ham ulgurishdi.
Shunday futbolchilarga ega «qizil furiya» jahon chempionatini guruh bosqichidayoq yakunlashga majbur bo‘lgandi. Omadsizlik dastlabki bosqichdayoq o‘z so‘zini aytgandi: Nigeriya termasiga qarshi bahsda Yerro yetakchiligidagi jamoa 2:1 hisobida oldinda borayotgandi, ammo ikkinchi bo‘lim o‘rtalarida vaziyat tamomila o‘zgarib ketdi.
Dastlab Subisarreta qo‘pol xatoga yo‘l qo‘ydi, oradan besh daqiqa o‘tgach, Olise nigeriyaliklar uchun g‘alaba to‘pini kiritdi. Ispanlar keyingi uchrashuvda paragvayliklar himoyasini yorib o‘ta olishmadi - 0:0, Bolgariya ustidan qozonilgan 6:1 hisobidagi g‘alaba esa hech qanday ahamiyat kasb etmadi. Chunki parallel ravishda o‘tgan bahsda Nigeriya Paragvayga yutqazib qo‘ygandi.
JCH-2002
Fransiya termasi
Guruhdagi raqiblar: Senegal (0:1), Urugvay (0:0), Daniya (0:2).
Mana buni yirik jamoaning JCHdagi eng katta muvaffaqiyatsizliklari qatoriga qo‘shsa bo‘ladi. Fransuzlar o‘sha mundialni amaldagi jahon va Yevropa chempionlari sifatida boshlashgan, tarkibda 1998 va 2000 yillardagi turnirlarda g‘oliblikni nishonlagan yulduzlar - Bartez, Desayi, Tyuram, Viyeyra, Makelele, Jorkayeff, Peti, Zidan, Trezege, Anri to‘p surishgandi.
Aynan shu jamoa birorta ham gol urolmay, guruhda so‘nggi o‘rin bilan kifoyalandi. Ochilish o‘yinida «uchranglilar» shov-shuvli tarzda Senegalga imkoniyatni boy berishgan bo‘lsa, keyingi bahsda Urugvay bilan golsiz durangga imzo chekishdi.
Daniyaga qarshi kechgan bahsda jarohatidan qutulgan Zidan safga qaytdi, ammo Zizu ham termasiga yordam berolmadi.
Argentina termasi
Guruhdagi raqiblar: Nigeriya (1:0), Angliya (0:1), Shvesiya (1:1).
O‘sha 2002 yilgi mundialda Argentina termasi «o‘lim guruhi» «qurbon»iga aylandi. Dastlab hammasi yaxshi boshlangandi - kamtarona Nigeriya Batistutaning yagona goli evaziga 1:0 hisobida taslim etildi. Biroq ikkinchi turda «albiseleste» Angliyaga imkoniyatni boy berdi: gol muallifi - Devid Bekxem.
Ushbu voqeani 1998 yilgi voqea uchun o‘ziga xos o‘ch olish sifatida baholaganlar ham uchragandi o‘shanda. So‘nggi turda Marselo Byelsa bosh murabbiyligidagi jamoadan shvedlarni mag‘lubiyatga uchratish talab etilardi. Ammo argentinaliklar so‘nggi daqiqalarda hisobni tenglashtirib, ishqibozlarga umid bag‘ishlagan bo‘lsalarda, asosiy vazifani uddalay olmadilar.
Vaholanki, bu Argentina ham yulduzli tarkibga ega edi: Pochettino, Samuel, Zanetti, Veron, Simeone, Aymar, Batistuta, Krespo, Ortega...
JCH-2010
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
