FIFA reytingi: Eron ustidan g‘alaba O‘zbekistonga necha ball keltirdi? [3928]
U-17 JCH. Chorak final juftliklari ma’lum [3743]
Fabio Kannavaro: «Terma jamoa safida juda aqlli futbolchilar borligi — bu mening omadim» [2806]
U-17 JCH. 1/8 finalning barcha o‘yinlari yakunlandi (Natijalar) [2758]
"Arsenal"ning Rodrigo uchun qancha taklif qilgani ma’lum. Xabi Alonso transferga rozi [2469]
Tramp tarixdagi eng buyuk futbolchi kim ekanligini aytdi [2316]
U-17 JCH. Italiyaning chorak finaldagi raqibi ma’lum [2300]
JCH-2026 saralashi. Osiyo. Iroq BAAni irodali tarzda mag‘lub etib, pley-off bosqichiga yo‘l oldi [2276]
U-17 JCH. O‘zbekiston - Italiya. Kimning o‘yini qanday baholandi? [1962]
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Otabek G‘ulomxo‘jayev O‘zbekiston U17 terma jamoasi uchun javob beradi. Uning boshqaruvida yoshlarimiz yil oxiriga qadar o‘tkaziladigan xalqaro turnirlarda ishtirok etadi.
Bungacha Azamat Abduraimov O‘zbekiston U14 terma jamoasiga bosh murabbiy bo‘lgandi. Mazkur jamoa kelasi yil U15 jamoasiga aylanib, o‘smirlar o‘rtasidagi Osiyo Chempionatining saralash turnirida ishtirok etadi. 2020 yil esa U16 termasi sifatida Osiyo Chempionatida qatnashishi, 2021 yil U17 termasiga aylanib, kichik mundialga borishi mumkin.
G‘ulomxo‘jayev boshchilik qiladigan O‘zbekiston U17 termasida ham vaziyat deyarli shunday. Jamoa kelasi yil U18 termasi sifatida yoshlar o‘rtasidagi Osiyo Chempionatining saralash turnirida ishtirok etadi. 2020 yil U19 Osiyo Chempionatining final bosqichi, 2021 yilda esa yoshlar o‘rtasidagi U20 Jahon Chempionati kutib turibdi.
Ayni vaqtda O‘FA Yevropaning bir qator davlatlaridan U18 jamoalari o‘rtasidagi xalqaro turnirlarga taklifnoma olgan. Yil so‘ngiga qadar Otabek G‘ulomxo‘jayev jamoasi eng kamida 1 ta xalqaro turnirda ishtirok etadi. Shuningdek, unga yosh futbolchilarni saralab olish uchun Toshkenda yig‘inlar tashkil etib beriladi. Futbolchilarni kuzatishi uchun sharoitlar yaratiladi.
Otabek G‘ulomxo‘jayev hozirga qadar 150 dan ziyod iqtidorli futbolchilar ro‘yxatini hamda yil yakuniga qadar bo‘lgan ish rejasini O‘FAga taqdim etib ulgurgan. Avgust oyida bu futbolchilarning o‘yinlari kuzatib boriladi, shuningdek, Toshkentda jamoaning ilk yig‘ini tashkil etiladi. Shu orqali xalqaro turnirlarda ishtirok etuvchi tarkibga aniqlik kiritiladi. Garchi Yevropadagi turnirlarda 1 yosh katta jamoalar to‘p sursa-da, O‘FA o‘sha turnirlarga U17 jamoasini jo‘natishni rejalashtirgan. Bundan ko‘zlangan asosiy maqsad futbolchilardan natija talab qilish emas, balki ularning xalqaro maydonda toblanib borishlari uchun sharoit yaratishdir.
O‘zbekiston U17 terma jamoasining tarkibi doimiy rivojlantirib boriladi. Ya’ni, o‘sishdan to‘xtayotgan futbolchilar termadagi o‘rnini band qilib turmaydi. Tarkibga jalb qilinmagan futbolchilar o‘z ustida ishlab, sport formasini tinimsiz o‘stirib borsa, unda asosiy jamoaga qo‘shilish imkoniyati bo‘ladi. Ya’ni, har bir pozisiya uchun sog‘lom raqobat muhimi yaratiladi.
Bolalar va o‘smirlar futbolida muvaffaqiyatli ishlab kelayotgani hamda o‘sishda davom etayotgani uchun ham O‘FA rahbariyati G‘ulomxo‘jayevga imkoniyat berishga qaror qildi. Mazkur mutaxassis 2001 va 2002 yillarda tavallud topgan o‘zbekistonlik futbolchilar haqida yetarlicha ma’lumotga ega.
“O‘zimga bildirilgan ishonch menga katta kuch bag‘ishlaydi. Shu vaqtgacha mamlakat futboli murabbiy sifatida shakllanishim uchun maktab vazifasini o‘tadi. Endi esa olgan bilim va ko‘niklarimni terma jamoa fonida mamlakat futboli uchun qaytarishni istayman. O‘FA rahbariyati u qanday o‘yin bo‘lmasin, barchasida futbolchilarning ko‘zlari yonib turishini, ular vatanlari uchun to‘p surayotganlarini his qila olishlarini talab qiladi. Biz ham shu yo‘ldan yuramiz. Yoshlarimizga asosiy jamoa libosida to‘p surish madaniyati, mas’uliyati hamda zalvorini tushuntirib boramiz”, — dedi G‘ulomxo‘jayev biz bilan suhbatda.
O‘zbekiston U17 terma jamoasining ilk yig‘ini qachon bo‘lishi haqida yaqin kunlar ichida ma’lumot beriladi. Ayni vaqtda O‘FA Xalqaro bo‘limi Ispaniya, Rossiya va Qozog‘istondagi turnirlarda ishtirok etish masalasini o‘rganib chiqmoqda.
Қаҳрамон Асланов
Шуҳрат Шокиржонов
Шерзод Ражабов
