2019 yilning yanvar oyida Birlashgan Arab Amirliklarida futbol bo‘yicha Osiyo kubogi musobaqasi bo‘lib o‘tishidan futbol ixlosmandlarining xabarlari bor. Ushbu musobaqani yuqori saviyada o‘tkazish uchun Osiyo futbol konfederasiyasi bir qator chora-tadbirlarni amalga oshirmoqda.
Jumladan, musobaqada ishtirok etuvchi hakamlar ro‘yxatidan joy olgan Osiyoning eng kuchli referilari ishtirokida Malayziyaning Kuala Lumpur shahrida seminar tashkil etildi. OFK instruktorlari saudiya arabistonilik Ali Trayfiy hamda malayziyalik Subhiddin Mohd Solih boshchiligida o‘tkazilayotgan ushbu seminarda O‘zbekistondan Ravshan Ermatov, Abduhamidullo Rasulov, Jahongir Saidov, Valentin Kovalenko, Ilgiz Tantashev va Aziz Asimovlar ishtirok etishmoqda.
Ushbu seminarni tashkil qilishdan asosiy maqsad, hakamlarni Osiyo kubogi musobaqasiga tayyorlash, ular tomonidan sodir etilishi mumkin bo‘lgan hato va kamchiliklarni oldini olish, o‘yinlar vaqtida bo‘ladigan vaziyatlarda tez va to‘g‘ri qaror chiqarishlari yuzasidan ko‘rsatmalar berishdan iborat.