«Barselona faxri Andres Inyesta samuraylar yurtida «olovli» gol urishga ulgurdi. O‘zi hamyurtimiz Fozil Musayev faoliyat yuritayotgan chempionat haqida nimalarni bilamiz?
Jahon futboli yulduzi Andres Inyesta J-ligada kimlar safiga qo‘shildi? Aytish kerak, Yaponiyada gollari hisobini ochishga ulgurgan sobiq «barsachi» mahalliy liganing yagona yorqin «reklama»si emas.
Chunonchi, «kunchiqar yurt»da yevrofutbolda keng miqyosda tanilgan boshqa o‘yinchilar ham bor.
Jo («Nagoya Grampus»). Ha, bu SSKA (Moskva) safiga qo‘shilgach, deyarli har bir o‘yinda o‘z hisobiga gol yozib qo‘ygan o‘sha jingalaksoch braziliyalik. To‘g‘ri, uning birinchi mavsumdayoq bosh to‘purarga atalgan sovringa ega chiqishiga jarohatlar to‘sqinlik qildi. Jo Yevropa futbol markazida bor iqtidorini namoyish etolmagandi, keyin Xitoy va BAAda binoyidek pul topdi.
Eng asosiysi, hujumchi hali goleadorlik qobiliyati yo‘qotgan emas. Qarang, yarim dunyoni kezib chiqqan Jo o‘tgan yili Braziliyaga qaytib, «Korintians»ning chempion bo‘lishiga katta hissa qo‘shdi va Enrike Dorado bilan birga bosh to‘purar maqomiga erishdi - 18ta gol. Vaholanki, Jo hozir 31 yoshda.
Xullas, o‘z yurtida ehtirosli futboldan quvvatlangan futbolchi kutilmaganda, Yaponiyada o‘ynashni ixtiyor etdi va to‘liqsiz mavsumda 10tacha gol urdi.
Lukash Podolski («Vissel Kobe»). Germaniyalik 33 yoshli polyak hamon futbol ichida. Inyestaning yapon diyoridagi debyut goliga aynan Podolski hammualliflik qildi.
Umuman, Lukashni jahon fuqarosi sifatida ta’riflash mumkin: tomirida polyaklar qoni oqadi, pasporti Germaniyaniki, yashash joyi - duch kelgan o‘lka. Aytishlaricha, bu futbolchi vaqtida Rossiyada o‘ynashga moyillik sezgan, faqat eng so‘nggi pallada Londonning «Arsenal» klubini «Lokomotiv»dan ustun ko‘rgan.
Ha, Lukash Yaponiya chempionatida eng sermahsul o‘yinchilar qatorida emas, ammo mahalliy hayot tarziga osongina ko‘nikib ulgurdi.
Ugu Viyeyra («Yokogama F. Marinos»). Vaqtida Moskvaning «Torpedo»sida o‘ynagan va rus borshini yoqtirib qo‘ygan o‘yinchi. Rossiyadagi faoliyati davomida uning mahbubasi - Edin saraton xastaligi bilan kurashgandi.
Afsuski, natijasiz. Ugu «Torpedo»dan ketgach, «Srvena Zvezda» safiga qo‘shildi. Bu orada uni Xitoyga chorlashdi, ammo hujumchi Edinga chempion bo‘lish haqida va’da berganini aytib, Osiyo safarini ortga surdi.
Xullas, portugaliyalik o‘z so‘zi ustidan chiqqanidan keyingina Serbiya birinchiligi bilan xayrlashdi. Viyeyra ayni payt Yaponiyada ancha mashhur, xususan, «Yokogama F. Marinos»da muhim rolga ega.
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
