Xabaringiz bor, O‘zbekiston olimpiya terma jamoasi oldiga 2020 yilda Tokioda bo‘lib o‘tadigan Olimpiadaga yo‘llanma olish vazifasi qo‘yilgan bo‘lib, bu yuksak mas’uliyatli vazifani amalga oshirish uchun murabbiylar shtabidan yetuk mahorat va katta tajriba talab etiladi.
Ana shuni inobatga olgan holda, O‘zbekiston futbol assosiasiyasi 1-vise-prezidenti Umid Ahmadjonov tomonidan Olimpiya terma jamoasi bosh murabbiyligiga bir qator nomzodlar ko‘rib chiqildi.
Yakunda O‘zbekiston olimpiya terma jamoasi bosh murabbiyligiga o‘zbek futboli afsonasi, ayni paytda “Bunyodkor” klubini boshqarayotgan Mirjalol Qosimov nomzodida to‘xtalindi.
Umid Ahmadjonov Mirjalol Qosimov bilan bu mavzuda shaxsan suhbatlashib, O‘zbekiston Olimpiya terma jamoasi oldida jiddiy va mas’uliyatli vazifa turganligi, O‘zbekistondagi barcha futbol muxlislari terma jamoamizni Olimpiadada ko‘rishni intiqib kutayotganini, ularning ishonchini oqlash uchun barcha kuch va mahoratni sarflash, tinimsiz mehnat qilish zarurligini ta’kidlab o‘tdi. Shuningdek, Olimpiya terma jamoasiga futbolchilarni saralab olishda xolis bo‘lish, faqat eng munosiblarini tanlab olish kerakligi borasida ham so‘z yuritildi.
O‘z o‘rnida Mirjalol Qosimov ham zimmasiga yuklanayotgan vazifaning mas’uliyatini to‘liq his qilayotganini ta’kidlab, O‘zbekiston olimpiya terma jamoasini Tokio-2020 ga olib borish uchun qo‘lidan kelgan barcha ishni amlaga oshirishga va’da berib o‘tdi.
Mirjalol Qosimov endilikda Olimpiya terma jamoasi tarkibini shakllantirish ishlarini olib boradi. Shuningdek, terma jamoaga nomzod futbolchilarni saralab borish, ularni yaxlit bir jamoaga aylantirish, raqobatbardosh, kuchli jamoa yaratish ishlari bilan shug‘ullanadi. O‘z o‘rnida O‘zbekiston futbol assosiasiyasi tomonidan Olimpiya terma jamoasi uchun zarur barcha shart-sharoitlar yaratilib, turli yig‘inlar va kuchli terma jamoalar bilan o‘rtoqlik o‘yinlari tashkil qilib boriladi.
Terma jamoamizni Olimpiada o‘yinlarida ko‘rish xalqimizning, muxlislarimizning azaliy orzusi hisoblanadi. Umid qilib qolamizki, Mirjalol Qosimov boshchiligidagi futbolchilarimiz ana shu azaliy orzuni amalga oshirib, O‘zbekiston olimpiya terma jamoasi 2020 yildaTokioda bo‘lib o‘tadigan Olimpiadada ishtirok etadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
