“Dinamo” – “Istiqlol” (1:0) uchrashuvidan keyin mezbonlar bosh murabbiyi Davron Fayziyev uchrashuv borasida o‘z fikrlarini bildirdi.
- Avvalambor, barchani muhim g‘alaba bilan tabriklayman. Bugungi o‘yin Superliga yo‘llanmasi uchun kurash olib borayotgan ikki jamoa o‘rtasida o‘tgani bois, uchrashuvning qanchalik og‘ir va yakkakurashlarga boy o‘tishi oldindan ma’lum edi. Yigitlarimiz ham o‘yinda faqat g‘alaba bizni qanoatlantirishini tushunib turishgandi. Bugun yana bir karra ko‘rdikki, “Istiqlol” jamoasi ham bejizga peshqadamlar safidan joy olmagan. Farg‘ona klubi safida yaxshi ijrochilar bor va o‘yin ham shakllangan. Bugungi g‘alabamiz bilan Superliga yo‘llanmasi uchun oxirigacha kurashishda davom etishimizni isbotladik.
- Futbolchilardan eng avvalo nimani talab qilgan edingiz?
- Eng avvalo, himoyada mustahakam to‘p surishga ko‘rsatma bergandim. O‘yinni nazorat qilib, gol urishni ham uddaladik. “Istiqlol”ga ham g‘alaba juda zarurligini anglab, ularning ham oldinga intilishlari aniq edi. Biz uchun asosiysi himoyada barqaror to‘p surib, yaratilgan vaziyatlardan gol urish edi.
- Ilhom Yunusov va Sanjar Barotovlarning tarkibda yo‘qligi nima bilan bog‘liq?
- Har ikki futbolchimiz ham jarohati bois maydonga tusha olishmadi. Ilhom Yunusov bir necha tur avval “Sho‘rtan” bilan o‘yinda olgan jarohati unga hali hamon o‘z ta’sirini ko‘rsatmoqda. Sanjar Baratov esa o‘tgan turda “Xorazm” bilan uchrashuvda jarohat olib safdan chiqdi. Umid qilamanki, ular tez orada yana bizga yordam bera olishadi.
- Davron aka, “Dinamo” ayni damda Pro-Ligada eng yaxshi himoya chizig‘iga ega jamoa bo‘lib turibdi. Ya’ni, eng kam gol o‘tkazib yuborgan. Bu “Dinamo”ning himoyaviy o‘yin namoyish etayotganligini anglatadimi?
- Yo‘q, himoyaviy yoki hujumkor o‘yin demagan bo‘lardim. Bilasizmi, qachonki himoyada tartibli o‘yin namoyish etilsagina, g‘alaba sari ilk qadam tashlangan bo‘ladi. Shu bois yigitlardan eng avvalo himoyada tartib bo‘lishi lozimligini talab qilaman. Himoya barqaror bo‘lsa, hujumda ham natija bo‘ladi. Biz eng kam gol o‘tkazgan bo‘lsakda, gol urish borasida natijamizni yaxshilashimiz kerak.
- “Dinamo” mavsumning ikkinchi qismida ochko yig‘ish bo‘yicha 1-o‘rinda bo‘lsada, umumiy olganda nihoyat endi peshqadamlarga yaqinlashdi. Mavsum yakuniga 3 tur qoldi, navbatdagi o‘yin esa “Mash’al” bilan...
- “Surxon” va “Istiqlol” bilan o‘yindagi g‘alabalarimiz bizni peshqadamlarga yaqinlashtirdi. Oldindagi “Mash’al” bilan bahsda ham ikki tomonga ham oson bo‘lmaydi. Muborak klubi ham Superliga uchun kurash olib bormoqda. Biz oxirigacha Superliga yo‘llanmasi uchun kurash olib boramiz.
Mana bugungi o‘yinimiz “Sport” telekanali orqali ilk marta to‘g‘ridan-to‘g‘ri efirda namoyish etildi. Bu ham Pro-Liga o‘yinlariga bo‘lgan qiziqishni yanada oshirib, yangi bosqichga olib chiqishiga turtki bo‘ladi deb o‘ylayman. Qolgan 3 tur ham shiddatli o‘tishiga ishonaman. Fursatdan foydalanib, “Dinamo” jamoamizni har tomonlama qo‘llab-quvvatlayotgan viloyatimiz hokim Erkinjon Turdimovga o‘z minnatdorchiligimizni bildirib qolaman.
Usmon Ibodov yozib oldi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
