Ispaniya chempionatining 12-turi doirasida «Barselona» o‘z maydonida «Betis»ni qabul qilib, kutilmaganda, imkoniyatni boy berib qo‘ydi. Darvoqe, Messining 3 haftalik tanaffusdan keyin maydonga qaytishi ham "ko‘k-anorranglilar"ga naf keltirmadi.
O‘yinni katta ishtiyoq bilan boshlagan mehmonlar, mezbonlar "uyg‘onguncha" ikkita gol urib qo‘yishga muvaffaq bo‘lishdi. Bundan asabiylashgan Valverde shogirdlari tanaffusga qadar o‘z o‘yinlarini topa olishmadi.
Ikkinchi bo‘limda ham kataloniyaliklar raqib darvozasiga jiddiy bosim o‘tkaza olishmadi. Ikkinchi bo‘lim o‘rtalarida "Betis" darvozasi tomon penalti belgilandi va uni Messi aniq amalga oshirdi. Muxlislar: "Ana, endi "Barsa" o‘ziga keldi", — deb o‘ylay boshlashganida "Betis" futbolchilari hujum tashkil qilishdi hamda uchinchi golni urishga muvaffaq bo‘lishdi. Ter Shtegen unchalik kuchli bo‘lmagan zarbani qo‘lidan chiqarib yubordi.
O‘yin tugashiga 11 daqiqa qolganida "ko‘k-anorranglilar" o‘z uslublarida kombinasiya tashkil qilib, hisobdagi farqni yana qisqartirishdi. Ammo tez orada ulardan yana omad qochdi. Avvaliga Rakitich ikkinchi "sariq" tufayli maydondan chetlatilgan bo‘lsa, so‘ng mehmonlarning navbatdagi hujumi samarali chiqdi — 2:4.
"Barselona" bir kishi kam bo‘lib o‘ynayotganiga qaramay mag‘lubiyatdan qutulib qolishi mumkin edi. Pike yaqin masofadan bo‘sh qolgan darvozani bosh bilan ishg‘ol eta olmadi. U ortida turgan Vidalga to‘pni qoldirishi kerak edi. Qo‘shib berilgan daqiqalarda yana bir chiroyli kombinasiya orqali mezbonlar "Betis" darvozasini ishg‘ol qilishdi. Ammo laynsmen o‘z bayrog‘ini ko‘tarib turgandi. Uchrashuv VAR'dagi mutaxassislar bilan maslahatlashganidan keyin gol toza bo‘lganiga ishora qildi. Hisobni tenglashtirish uchun "Barsa"da boshqa vaqt qolmadi.
Ushbu mag‘lubiyatdan keyin "Barselona" birinchi pog‘onada qoldi, ammo jadvalning yuqori qismida yana zichlik yuzaga keldi.
Ispaniya La ligasi, 12-tur
Barselona – Betis 3:4 (0:2)
Gollar: 0:1 – 20 Firpo, 0:2 – 34 Sanches, 1:2 – 68, penalti Messi, 1:3 – 71 Lo Chelso, 2:3 – 79 Vidal, 2:4 – 83 Kanales, 3:4 – 90 Messi.
Barselona – ter Shtegen, Pike, Alba, Serdji Roberto, Langle, Rakitich, Buskets (Alenya, 69), Artur (Vidal, 46), Malkom (Munir, 57), Messi, Suares.
Betis – Lopes, Bartra, Sidney, Firpo, Mandi, Sanches (Kanales, 62), Lo Chelso (Inui, 87), Vilyam Karvalyu, Guardado, Telyo, Moron (Leon, 76).
Ogohlantirishlar: Guardado (24), Rakitich (44), Buskets (59), Mandi (69), Vidal (73).
Chetlatish: Rakitich (81).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
