Ha, «Real» Xulen Lopetegini iste’foga chiqargani ortidan naq 36 million yevro yo‘qotishi mumkin. Shunday taqdirda klub tomonidan Florentino Peres davrida haydalgan murabbiylarga to‘langan kompensasiya miqdori 61 millionga yetadi...
SHARTNOMANING NOZIK TOMONLARI
Ko‘p narsa «Barselona»ga qarshi o‘yin (1:5)dan so‘ng salbiy natijalar sabab, iste’foga chiqarilgan Xulen Lopetegining shaxsiy yondashuviga bog‘liq. Mundo Deportivo nashrida yozilishicha, shartnoma barvaqt bekor qilingani ortidan «Qirollik klubi» va shaxsan uning prezidenti Florentino Peres hech qanday talofat ko‘rmasligi ham mumkin.
Ammo baskoniyalik mutaxassis agar hujjat bo‘yicha o‘z haq-huquqini to‘la talab qilsa, unda «Real» moddiy tomondan kattagina yo‘qotishga duch keladi. Aniqroq aytsak, 3 yillik shartnoma (kelishuv 2021 yilning iyun oyigacha mo‘ljallangandi)ga ko‘ra, «Madrid»ning bankdagi hisob raqamidan 36 million yevro (klub uchun rekord darajadagi kompensasiya) yechib olinadi.
Ya’ni murabbiy har bir yil uchun 12 milliondan talab qilishga haqli. Biroq turli manbalarda Lopetegi va «Real» o‘rtasidagi bitim shartlari va o‘zaro munosabat haqida berilayotgan ma’lumotlar bir-biridan keskin farqlanmoqda.
Misol uchun, El Confidencial nashri xulosasiga tayanib aytsak, sobiq bosh murabbiy bir sent haqini ham qoldirmaydi va belgilangan maoshi - 36 million yevroni to‘liq holda olishni istaydi. To‘g‘ri, soliq to‘lovlari amalga oshirilgach, Lopetegi qo‘liga sof 18 million tegadi. Chunonchi, uning klubdan ketishiga «shartnomani bekor qilish» emas, «iste’fo» sabab bo‘lgan.
Ispaniyaning Onda Cero radiostansiyasi ma’lumotlariga ko‘ra esa, bask mutaxassisi va Madrid klubi o‘rtasida tuzilgan shartnomada alohida bir band bor. Unda agar murabbiy Rojdestvaga qadar iste’foga chiqarilsa, faqat 1 yil uchun haq olishi yozilgan.
Shu rost bo‘lsa, jamoa 12 million yevro ajratadi va soliq to‘lovlaridan keyin Xulenga chamasi 6 «limon» tegadi. Yana bir radiostansiya - Cadena Ser umuman boshqacha xabar tarqatdi: «Real» Lopetegiga faqat birinchi yarim yillik uchun maosh to‘laydi, chunki u yanvargacha ham ishlagani yo‘q». Bunday taqdirda Florentino Peres atigi 6 million yevro berish bilan qutuladi, shundan yarmi baskoniyalik murabbiy qo‘liga yetadi, xolos.
ISTE’FOLAR UCHUN 61 MILLION YEVRO
Agar «Real» uchun eng yomon variant yuzaga kelsa, Florentino Peres davrida ishdan haydalgan murabbiylarni rozi qilish uchun ketgan summa 61 million yevroga yetadi.
«Madrid»ning ustamon prezidenti o‘z vakolati davomida muddatdan oldin javob bergan 7 nafar murabbiyga haq to‘lagan. Tabiiyki, ular «Qirollik klubi» bilan majburan xayrlashishgani uchun turli miqdorda kompensasiya olishgan.
Florentino Peres davrida iste’foga chiqarilgan va kompensasiya mablag‘i olgan murabbiylar
|
Murabbiy
|
Ish muddati
|
Kompensasiya miqdori
(soliq to‘lovidan oldin)
|
|
Karlush Keyrush
|
333 kun (25.06.2003 - 24.05.2004)
|
1 350 000 yevro
|
|
Mariano Garsiya Remon
|
101 kun (20.09.2004 - 30.12.2004)
|
227 500 yevro
|
|
Vanderley Lushemburgu
|
340 kun (30.12.2004 - 05.12.2005)
|
1 756 000 yevro
|
|
Manuel Pellegrini
|
358 kun (02.06.2009 - 26.05.2010)
|
4 200 000 yevro
|
|
Karlo Anchelotti
|
698 kun (26.06.2013 - 25.05.2015)
|
7 400 000 yevro
|
|
Rafael Benites
|
215 kun (03.06.2015 - 04.01.2016)
|
10 000 000 yevro
|
|
Xulen Lopetegi
|
139 kun (12.06.2018 - 29.10.2018)
|
36 000 000 yevro (agar klub
3 yillik shartnoma uchun
to‘liq haq to‘lasa)
|
|
Murabbiy
|
Ish muddati
|
Kompensasiya miqdori (soliq to‘lovidan oldin)
|
|
Karlush Keyrush
|
333 kun (25.06.2003 - 24.05.2004)
|
1 350 000 yevro
|
|
Mariano Garsiya Remon
|
101 kun (20.09.2004 - 30.12.2004)
|
227 500 yevro
|
|
Vanderley Lushemburgu
|
340 kun (30.12.2004 - 05.12.2005)
|
1 756 000 yevro
|
|
Manuel Pellegrini
|
358 kun (02.06.2009 - 26.05.2010)
|
4 200 000 yevro
|
|
Karlo Anchelotti
|
698 kun (26.06.2013 - 25.05.2015)
|
7 400 000 yevro
|
|
Rafael Benites
|
215 kun (03.06.2015 - 04.01.2016)
|
10 000 000 yevro
|
|
Xulen Lopetegi
|
139 kun (12.06.2018 - 29.10.2018)
|
36 000 000 yevro
(agar klub 3 yillik shartnoma uchun to‘liq haq to‘lasa)
|
O‘RTAGA
«Og‘riq»siz xayrlashuvlar. Aslida Peres davrida yana bir qator mutaxassislar «Madrid» bilan xayrlashishgan, ammo ularning ketishlari moddiy tomondan zarar keltirmagan. Gap quyidagi murabbiylar haqida bormoqda:
- Visente Del Boske - klub shartnoma muddatini uzaytirishni istamagan
- Xuan Ramon Lopes Karo - klub shartnoma muddatini uzaytirishni istamagan
- Xose Antonio Kamacho - o‘z ixitiyori bilan iste’foga chiqqan
- Zayniddin Zidan - o‘z ixitiyori bilan iste’foga chiqqan
- Joze Mourinyo - shartnoma ikki tomonlama kelishuv asosida bekor qilingan
Abdulloxon ISROILXONOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
