Yevropa chempionlar ligasida eng chigal vaziyat "S" guruhida yuzaga kelgan. "Napoli" o‘z maydonida "Srvena Zvezda"ni qabul qilib, 3:1 hisobida g‘alaba qozondi. Anchelotti shogirdlari o‘z ochkolarini 9taga yetkazib, guruhda peshqadam bo‘lib olishdi.
YECHLning 5-tur doirasidagi markaziy o‘yin Parijda bo‘lib o‘tdi. "PSJ" Angliyaning "Liverpul" jamoasiga qarshi bahs olib borib, qiyin o‘yinda g‘alaba qozondi.
Parijliklar 13 va 37-daqiqalarda chap qanot bo‘ylab hujum tashkil qilishdi va ikkita gol urishga muvaffaq bo‘lishdi. Dastlab Bernat, ikkinchi vaziyatda esa Neymar to‘pni Alisson Bekker qo‘riqlayotgan darvozaga joylab qo‘ydi. Birinchi bo‘limga qo‘shib berilgan daqiqalarda Manega nisbatan ishlatilgan qo‘pollik uchun "PSJ" darvozasiga penalti belgilandi. 11 metrlik jarima zarbasini Milner aniq amalga oshirib, hisobni tenglashtirdi.
Ikkinchi bo‘lim asabiy kechdi. Tuxel shogirdlari g‘alabani saqlab qolishga muvaffaq bo‘lishdi. Natijada parijliklar 8 ochko bilan 2-o‘ringa ko‘tarilib olishdi.
Hozirda 6 ochko to‘plab turgan mersisaydliklar so‘nggi turda "Napoli"ni qabul qilishadi. Bu o‘yinda "Liverpul"ni har qanday hisobdagi g‘alaba qanoatlantiradi. "PSJ" esa 11 dekabr kuni "Srvena Zvezda" maydoniga safar qiladi.
Yevropa chempionlar ligasi, "S" guruhi, 5-tur
PSJ Fransiya – Liverpul Angliya 2:1 (2:1, 0:0)
Gollar: 1:0 – 13 Bernat, 2:0 – 37 Neymar, 2:1 – 45, penalti Milner.
PSJ – Buffon, Tiago Silva, Kimpembe, Bernat, Markinyos, Di Mariya (Dani Alves, 65), Verratti, Kerer, Neymar, Mbappe (Rabyo, 85), Kavani (Shupo-Moting, 65).
Liverpul – Alisson, Lovren, Robertson, Gomes, van Deyk, Milner (Shakiri, 77), Xenderson, Veynaldum (Keyta, 66), Mane, Salax, Firmino (Starrij, 71).
Ogohlantirishlar: Veynaldum (17), Verratti (24), Gomes (34), Starrij (84), van Deyk (90), Robertson (90), Neymar (90), Keyta (90).
Napoli Italiya – Srvena Zvezda Serbiya 3:1 (2:0, 1:1)
Gollar: 1:0 – 11 Gamshik, 2:0 – 33 Mertens, 3:0 – 52 Mertens, 3:1 – 57 Ben-Nabuan.
Napoli – Ospina, Albiol (Xyusay, 46), Mariu Ruy, Maksimovich, Kulibali, Fabian Ruis, Allan, Kalyexon (Rog, 86), Gamshik, Insinye (Zelinski, 77), Mertens.
Srvena Zvezda – Boryan, Degenek, Babich, Rodich, Krstichich, Gobelich, Marin, Simich (Ebesilio, 77), Srnich (Yovanchich, 64), Stoilkovich (Yovelich, 46), Ben-Nabuan.
Ogohlantirishlar: Krstichich (45), Yovanchich (75), Gobelich (81), Xyusay (89).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
