Toshkentda futzal bo‘yicha yoshlar (U20) o‘rtasida Osiyo chempionatiga saralash bahslari o‘tkazilayotganidan xabaringiz bor. O‘zbekistonlik yoshlar saralash bosqichidan ortiqcha muammosiz o‘tirish kutilgandi, ayniqsa, 1-turda Qirg‘iziston 6:3 hisobida mag‘lub etilganidan keyin.
Qirg‘izistonliklar kecha Tojikiston termasini 6:1 hisobida yutganidan keyin, O‘zbekistonning final bosqichi yo‘llanmasini qo‘lga kiritishiga hech kim shubha qilmagandi. Tojiklarga qarshi o‘yinda durang natija bizga guruhda 1-o‘rinni taqdim etsa, 4ta to‘p farqi bilan tufayli — 2-o‘rinni egallar edik. Tojikistonliklar 2-guruhda egallab, Markaziy Osiyo mintaqasiga berilgan uchinchi yo‘llanma uchun kurashda davom etishi uchun O‘zbekistonni 5ta to‘p farqi bilan mag‘lub etishlari talab etilardi.
Qo‘shnilarimiz tomondan qarasak, bu uddalab bo‘lmas vazifadek tuyulishi mumkin. Ammo murabbiylarimiz raqibga "yordam" berib yuborishdi. Birinchi bo‘limdan so‘ng Tojikiston termasi 1:3 hisobida oldinga chiqib oldi. Ikkinchi bo‘limda esa hisobni bittaga qisqartirdik. Oradan ko‘p o‘tmasdan mehmonlarning bir o‘yinchisiga qizil kartochka ko‘rsatildi. 2 daqiqa davomida bir kishi ko‘p bo‘lib o‘ynagan futzalchilarimiz ko‘plab imkoniyatlarni golga aylantira olishmadi.
Tojikistonliklar son jihatdan tenglashganidan keyin hisobni avval 4:2, so‘ngra 5:2ga yetkazishdi. Shundan so‘ng murabbiylarimiz beshinchi o‘yinchi taktikasidan foydalana boshlashdi va o‘yin tugashiga bir yarim daqiqa qolganida oltinchi golni o‘tkazib yubordik. Bu hisob bizga 2-o‘rinni taqdim etar edi. Boisi, to‘plar farqi bizda 8-9, Tojikistonda esa 7-8 ko‘rinishiga kelgandi. Urilgan gollar evaziga o‘zbekistonliklar guruhda 2-o‘rinni egallar edi. Ammo o‘yin tugashiga 9-10 soniya qolganida yana beshinchi o‘yinchi maydonga tushirilib, darvoza bo‘sh qoldirildi. O‘yin tugashiga 2 soniya qolganida to‘pni yo‘qotdik va yettinchi golni o‘tkazib yubordik.
Bundan ko‘rinib turibdiki, o‘yindan avval Bahodir Ahmedov va Nodir Eliboyev bizni qanday hisoblar qanoatlantirishi mumkinligini hisob-kitob qila olishmagan. O‘yin davomida ular bu ishning uddasidan chiqa olishmagan. Natijada o‘z yurtimizda o‘tkazilgan saralash bosqichida guruhda so‘nggi o‘rinni oldik hamda murabbiylarning tushunarsiz qarorlari sufayli Osiyo chempionati yo‘llanmasidan quruq qoldik.
Saralashda Eron va Qirg‘iziston qit’a chempionati yo‘llanmasini qo‘lga kiritgan bo‘lsa, Tojikiston va Afg‘oniston uchinchi yo‘llanma uchun ertaga maydonchaga chiqadilar.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
