Men ko‘pincha terma jamoa sha’ni degan so‘zni eshitsam, 2002 yildagi Koreya va Yaponiya maydonlarida bo‘lib o‘tgan JCHda ishtrok etgan Turkiya terma jamoasini xotirlayman. O‘shanda o‘rtamiyona tarkib, mahalliy murabbiy, ichki chempionat o‘yinchilaridan tashkil topgan soddagina jamoa bo‘lib ko‘ringan turklar millat sha’ni uchun mardonavor kurashishgandi. JCHda ularni faqat Braziliyagina to‘xtatgandi.
Skolarri o‘sha mundialdan so‘ng «Siz uchun eng qiyin o‘tgan o‘tgan o‘yin qaysinisi bo‘ldi?», — deb berilgan savolga o‘ylab ham o‘tirmay, «Albatta, Turkiya bilan, o‘zingiz ko‘rdingizku, ular bilan o‘yinda futbol emas, jang qilishga to‘g‘r keldi», — deya javob bergan edi. Turkiya termasi o‘shanda Mundialninig bronza medallariga ega chiqishgandi. Ular maydon egalari bo‘lmish Yaponiyani «Sayitama» stadionida 80 ming yapon muxlislari ko‘z o‘ngida yengishadi, keyinchalik esa guruhda Fransiyani qoldirib ketgan Senegal termasini oltin gol evaziga uyiga jo‘natib yuborishadi.
Shenol Gunesh boshchiligidagi turklarning o‘yinlarini haligacha eslab turaman. Ustozimiz Xayrulla Hamidov o‘sha mundialdagi Turkiya termasininig o‘yinlari haqida sharh berarkanlar, taxminan shunday so‘zlarni ishlatgan edi: «To‘g‘ri, turkiyalik futbolchilar janubiy amerikaliklardek texnikaga ega emaslar, to‘g‘ri, ular superyulduz emasdirlar, lekin har qanday turk futbolchisi millat bayrog‘i tushirilgan futbolkani kiyar ekan, sherlarga aylanadilar. Ular vatani sha’ni uchun maydonda o‘limga ham tayyor»...
Bizning milliy terma jamoamiz deyarli 30 yildan beri katta turnirlarda muntazam ishtirok etib kelmoqda. Afsuski, bizning terma o‘yinchilari hali beri «sher»ga aylana olishmayapti. Hattoki, siyosiy notinchliklar o‘chog‘i bo‘lgan Iroq ham Osiyo kubogini qo‘lga kiritishga muvaffaq bo‘la oldi. Ularga avvaldan hech qanday mukofot puli va’da qilinmagandi, hatto tayyorlanish uchun qulay sharoitlar ham yaratib berilmagandi, shunchaki Yunus Mahmud boshchiligidagi vatanparvar yigitlar millat quvonchi uchun, ortlaridan qarab turgan qora ko‘zlar uchun, or-nomus uchun maydonda borlarini berishdi...
Bizninig yigitlar ham egnilaridagi libosninig mas’uliyatini his qilib o‘ynasalar, orqalarida millionlab o‘zbeklar tikilib turganini yodlaridan chiqarmasalar, bizga hech qanday raqib bas kela olmaydi. Buninig uchun hamma narsani unutib, millat uchun, Vatan uchun o‘ynang endi, yigitlar!
Yahyoxo‘ja Ulug‘xo‘jayev
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
