Ayni damda o‘quv-yig‘in mashg‘ulotlarini Toshkentda olib borayotgan “Andijon” o‘z tarkibini kuchaytirish maqsadida bir qator futbolchilar bilan kelishuvga erishdi.
Jumladan, oxirgi ikki yilni “Buxoro” safida o‘tkazgan Akmal Tursunboyev “Andijon” yig‘iniga kelib qo‘shildi. Iqtidordi darvozabon 2016 yilgi mavsumda ham “burgutlar” sharafini himoya qilgandi. Shunday ekan ma’lum muddatlik tanaffusdan Tursunboyev yana “Andijon”ga qaytdi.
Mudofaa chizig‘ini kuchaytirish maqsadida “Metallurg” bilan xayrlashgan Abror Xusinov taklif etildi. Chap qanot himoyasi va markaziy himoyada birdek o‘ynay oladigan futbolchi, kuni-kecha “Andijon” bilan rasman kelishuvga erishib, yangi mavsumni “burgutlar” safida o‘tkazadigan bo‘ldi.
Undan avvalroq yana bir tajribali himoyachi Bobur Akbarovni ham yana “Andijon”ga qaytgani haqida xabar bergandik. Andijonlik futbolchi joriy mavsumni yana qadrdon jamoasida o‘tkazadigan bo‘ldi.
Qanot yarim himoyasidagi bo‘shliqni to‘ldirish maqsadida, “Mash’al” bilan xayrlashgan iqtidorli futbolchi Abdulloh Olimov va o‘tgan mavsum “Neftchi” sharafini himoya qilgan Abdurahmon Abdulxaqov taklif etildi. Ushbu futbolchilar ham rahbariyat bilan muzokara o‘tkazib, yakunda “Andijon” uchun o‘ynashi aniq bo‘ldi.
Hujum chizig‘idagi raqobatni oshirish niyatida o‘tgan mavsumni “Navbahor”da o‘tkazgan Sardor Sulaymonov bilan Ro‘zimboy Ahmedov taklif etildi. Ushbu futbolchilar ham joriy mavsumni “burgutlar” tarkibida o‘tkazadi.
Jamoa rahbariyati va murabbiylar shtabi o‘zaro maslahatlashgan xolda, bu yil legionerlar xizmatidan ham to‘liq foydalanishga kelishib olindi. Hozirda bu bo‘yicha ham bir qator xorijlik futbolchilar bilan muzokara olib borilmoqda.
Yaqinda Armanistondan ko‘rikka taklif etilgan markaziy yarim himoyachi Aram Sargsyan murabbiylarda ijobiy taassurot qoldirmagani uchun ortga qaytib ketdi. U bilan birga belorussiyalik hujumchi Mikalayu Zemko ham o‘zidan yaxshi taassurot qoldirmagani tufayli, uyiga qaytib ketishga ruhsat berildi.
Ularning o‘rniga moldoviyalik yarim himoyachi va hujumchi taklif etildi. Hozirda ular ko‘rikdan o‘tkazilmoqda. Agarda xarakatlari ma’qul kelsa, rasman shartnoma tuziladi.
Bundan tashqari yana ayrim futbolchilar bilan muzokara jarayoni davom etmoqda. Ularning ayrimlari yaqin kunlarda jamoa safiga kelib qo‘shiladi.
“Andijon” matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
